De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administración públicas, notifícase á persoa interesada referida no anexo, a través deste anuncio que se publicará no Boletín Oficial del Estado, a resolución administrativa emitida no expediente referido no dito anexo e instruído de conformidade co disposto no artigo 172 e seguintes do Código civil, cuxos intentos de notificación foron infrutuosos por ignorarse o lugar de notificación.

Para o coñecemento íntegro do acto administrativo, emprázase a referida persoa interesada, por si ou a través dos seus representantes legais, para que, no prazo de dez (10) días hábiles desde o día seguinte ao da publicación deste anuncio no Boletín Oficial del Estado, compareza nas dependencias do Servizo de Familia, Infancia e Dinamización Demográfica, da Dirección Territorial en Ourense da Consellería de Política Social e Igualdade, na rúa Sáez Díez, núm. 39, baixo, de luns a venres laborables das 9.00 ás 14.00 horas.

Transcorrido o dito prazo sen se efectuar a comparecencia, a notificación entenderase producida no momento do vencemento do prazo indicado para comparecer.

Así mesmo, este anuncio publicarase no Diario Oficial de Galicia, ben que a notificación quedará supeditada á súa publicación no Boletín Oficial del Estado.

Advírteselle que contra a resolución caberá formular oposición, ante o Xulgado de Primeira Instancia número 6 de Ourense, no prazo de dous meses desde o día seguinte ao da notificación da resolución, efectuada por comparecencia, de conformidade co disposto no artigo 780 da Lei 1/2000, do 7 de xaneiro, de axuizamento civil.

Ourense, 23 de maio de 2024

María José Fernández Laso
Directora territorial de Ourense

ANEXO

Nº expediente: 2023/86/32.

Persoa interesada: 44499672P.

Acto que se notifica: Resolución administrativa do 8 de marzo de 2024.

Efectos xurídicos: mantemento de medida administrativa.