O artigo 15 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro), impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo único.
Darlle publicidade á relación dos convenios subscritos pola Consellería do Medio Rural nos meses de xaneiro, febreiro, marzo e abril, que se incorpora como anexo I a esta resolución.
Santiago de Compostela, 3 de xuño de 2024
Jorge Atán Castro
Secretario xeral técnico da Consellería do Medio Rural
ANEXO I
Convenios de colaboración subscritos pola Consellería do Medio Rural nos meses de xaneiro, febreiro, marzo e abril do ano 2024
|
Título |
Obxecto |
Data da sinatura |
Achega económica da Consellería (€) |
|
Convenio de colaboración entre a Consellería do Medio Rural da Xunta de Galicia e a Corporación de Radio e Televisión de Galicia, S.A. (O Agro, Labranza e Ferrado e Medio), 2024 |
Establecer as condicións de colaboración técnica e financeira para o desenvolvemento dos espazos O Agro, Labranza, Ferrado e medio, que emite a Corporación Radio e Televisión de Galicia, á cal lle corresponde o establecemento da liña editorial e a consecuente responsabilidade sobre os contidos emitidos |
1.4.2024 |
75.000,00 € |
|
Convenio de colaboración educativa entre a Universidade de Santiago de Compostela e a Consellería do Medio Rural da Xunta de Galicia para a realización de prácticas académicas externas curriculares ou extracurriculares do alumnado do grao en Criminoloxía |
Realización de prácticas académicas por parte do alumnado do grao en Criminoloxía da Universidade de Santiago de Compostela na Dirección Xeral de Defensa do Monte |
11.3.2024 |
Sen achega económica |
|
Prórroga do convenio entre a Consellería de Sanidade, a Consellería do Medio Rural, a Universidade de Santiago de Compostela e a Universidade de Vigo para a vixilancia dos mosquitos vectores de enfermidade humana e animal |
Prorrogar por un período dun ano adicional o convenio de colaboración entre a Consellería de Sanidade, a Consellería do Medio Rural, a Universidade de Santiago de Compostela e a Universidade de Vigo para a vixilancia dos mosquitos vectores de enfermidade humana e animal, con efectos do 1 de maio e vixencia ata o 30 de abril de 2025 |
3.4.2024 |
Sen achega económica |
|
Addenda ao convenio entre a Consellería de Sanidade, a Consellería do Medio Rural e a Universidade de Santiago de Compostela para a vixilancia das carrachas vectores de enfermidade humana e animal |
Prorrogar o convenio asinado o 18 de xuño de 2021 por un período dun ano adicional, con efectos do 1 de maio do ano 2024 e vixencia ata o 30 de abril do ano 2025 |
4.4.2024 |
Sen achega económica |