O Consello da Xunta de Galicia, na súa reunión do día 27 de maio de 2024, adoptou o acordo polo que se lles recoñece a condición de comunidade galega ás entidades Airiños da Nosa Galicia (Santa Coloma de Gramenet-Barcelona) e Irmandade Galega de Rubí (Rubí-Barcelona).

De conformidade co establecido no artigo 8 do Decreto 66/2014, do 23 de maio, polo que se regula o recoñecemento e a revogación da condición de comunidade galega e de centro colaborador da galeguidade, o Rexistro da Galeguidade e o seu funcionamento, é necesaria a publicación do devandito acordo, en consecuencia,

RESOLVO:

Publicar o Acordo do Consello da Xunta do día 27 de maio de 2024, que figura como anexo a esta resolución.

Santiago de Compostela, 29 de maio de 2024

Antonio Rodríguez Miranda
Secretario xeral da Emigración

ANEXO

O Consello da Xunta de Galicia, na súa reunión do día 27 de maio de 2024, adoptou entre outros o seguinte acordo:

Recoñecerlles a condición de comunidade galega ás seguintes entidades galegas asentadas fóra de Galicia:

– Airiños da Nosa Galicia (Santa Coloma de Gramenet-Barcelona).

– Irmandade Galega de Rubí (Rubí-Barcelona).