DOG 109 do 6/6/2024 - RESOLUCIÓN do 8 de maio de 2024, da Secretaría Xeral Técnica da Consellería de Emprego, Comercio e Emigración, pola que se dá publicidade da encomenda de xestión á Fundación Semana Verde de Galicia, á que se lle encarga a posta á disposición dos espazos precisos e dos traballos de apoio para a realización da décimo oitava convocatoria das probas de avaliación en competencias clave para acceder á formación dos certificados profesionais dos niveis 2 e 3 de cualificación profesional.

III. Outras disposicións

Consellería de Emprego, Comercio e Emigración

RESOLUCIÓN do 8 de maio de 2024, da Secretaría Xeral Técnica da Consellería de Emprego, Comercio e Emigración, pola que se dá publicidade da encomenda de xestión á Fundación Semana Verde de Galicia, á que se lle encarga a posta á disposición dos espazos precisos e dos traballos de apoio para a realización da décimo oitava convocatoria das probas de avaliación en competencias clave para acceder á formación dos certificados profesionais dos niveis 2 e 3 de cualificación profesional.

De conformidade co previsto nos artigos 8.4 e 9.3 da Lei 16/2010, do 17 de decembro, de organización e funcionamento da Administración xeral do sector público autonómico de Galicia, e no artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade á Resolución do 8 de abril de 2024, da Consellería de Promoción do Emprego e Igualdade, pola que se encomenda á Fundación Semana Verde de Galicia a posta á disposición dos espazos precisos e dos traballos de apoio para a realización da décimo oitava convocatoria das probas de avaliación en competencias clave para acceder á formación dos certificados profesionais dos niveis 2 e 3 de cualificación profesional, coas seguintes características:

– A actividade obxecto da encomenda é realizar os traballos de apoio para o desenvolvemento da décimo oitava convocatoria das probas de avaliación en competencias clave para acceder á formación dos certificados profesionais dos niveis 2 e 3 de cualificación profesional, programadas para o día 22 de xuño de 2024, de conformidade cos requirimentos técnicos que se detallan na correspondente resolución, relativos ás obrigas da entidade encomendante, ás directrices de execución e ao cronograma de actividades que se van desenvolver.

– A Fundación Semana Verde de Galicia é unha fundación do sector público autonómico de Galicia, de acordo co artigo 113 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, na medida en que o seu patrimonio fundacional, con carácter de permanencia, está formado en máis dun 50 % por bens e dereitos achegados ou cedidos pola Xunta de Galicia. De acordo co artigo 47 da citada Lei 16/2010, ten a consideración de medio propio e servizo técnico da Xunta de Galicia.

– Prazo de vixencia: do 17 de xuño ao 25 de xuño de 2024.

– Importe: o importe da encomenda ascende a cincuenta e dous mil cincocentos vinte e dous euros con sesenta e catro céntimos (52.522,64 €), con cargo á aplicación orzamentaria 44.03.323A.226.13.

Santiago de Compostela, 8 de maio de 2024

Joaquín Macho Canales
Secretario xeral técnico da Consellería de Emprego,
Comercio e Emigración