Mediante a Orde do 29 de decembro de 2023, da Consellería de Promoción do Emprego e Igualdade (DOG núm. 18, do 25 de xaneiro de 2024), establecéronse as bases reguladoras do certame Cooperativismo no ensino, dirixido ao alumnado dos centros educativos de Galicia, e convocouse para o ano 2024.
Nas bases reguladoras establécese que os traballos participantes neste concurso serán avaliados por un tribunal e que a persoa titular da Secretaría Xeral de Emprego e Relacións Laborais resolverá a concesión dos premios, que serán obxecto de publicación no Diario Oficial de Galicia.
Unha vez emitidas as propostas de concesión dos premios polos tribunais encargados de avaliar os traballos presentados, nas súas reunións do 23 e 24 de maio de 2024, mediante a Resolución da Secretaría Xeral de Emprego e Relacións Laborais, do 24 de maio de 2024, aprobouse a concesión dos premios.
Por todo o anterior,
DISPOÑO:
Facer pública a concesión dos premios do certame Cooperativismo no ensino 2024, dirixido ao alumnado dos centros educativos de Galicia, que se relacionan no anexo que se xunta a esta resolución.
Santiago de Compostela, 24 de maio de 2024
Pablo Fernández López
Secretario xeral de Emprego e Relacións Laborais
ANEXO
Certame Cooperativismo no ensino 2024
Modalidade de actividades artísticas, dirixida ao alumnado dos centros de educación infantil, primaria e educación especial por categorías:
– Categoría A: alumnado de 2º ciclo de educación infantil.
Premio ao mellor traballo: I volta arredor do sol cooperando do CEIP Plurilingüe Domaio.
Accésit: Pequeno manual do cooperativismo: sementando a cooperación do CEIP Pintor Antonio Fernández.
– Categoría B: alumnado de 1º e 2º de educación primaria.
Premio ao mellor traballo: Cooperar para preservar do CEIP Plurilingüe Domaio.
Accésit: Labirinto cooperativo do CEIP San Miguel de Reinante.
– Categoría C: alumnado de 3º e 4º de educación primaria.
Premio ao mellor traballo: A que soa o cooperativismo? do CEIP Plurilingüe Domaio.
Accésit: Coopexogo de nen@s do CEIP San Miguel de Reinante.
– Categoría D: alumnado de 5º e 6º de educación primaria.
Premio ao mellor traballo: A cooperación, unha viaxe de ida e volta do CEIP Plurilingüe Domaio.
Accésit: Coopera que é historia do CEIP San Miguel de Reinante.
Modalidade de actividades cooperativizadas, dirixida ao alumnado dos centros de educación secundaria obrigatoria e educación especial:
Premio ao mellor traballo: Cooperativa Educativa RecreaT do Centro IES Castro da Uz.
Accésit: Cooperativa O monte vivo do IES Valadares.
Modalidade de proxectos empresariais cooperativos, dirixida ao alumnado dos centros de formación profesional e de ensinanzas de réxime especial:
Premio ao mellor proxecto empresarial cooperativo: Arroutada, Sociedade Cooperativa Galega presentado polo alumnado do IES Fernando Wirtz Suárez.
Accésit ao proxecto empresarial finalista: SailingDog presentado polo alumnado da Sociedade Cooperativa Galega Mendiño.