Para dar cumprimento ao disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...», mediante o presente anuncio notifícaselles ás persoas sinaladas no cadro anexo o Acordo da xefatura territorial, do 8 de abril de 2024, polo que se declarou a suspensión do acto de levantamento das actas previas á ocupación previsto para os días 17, 18, 19, 24, 25 e 26 de abril de 2024 e a conseguinte paralización do procedemento expropiatorio para a construción das instalacións do proxecto do parque eólico Meirama, no concello de Cerceda (expediente IN408A 2018/27), do que é promotora a entidade Naturgy Renovables, S.L.U.
Esta suspensión obedece á existencia do auto ditado pola Sección 3ª do Tribunal Superior de Xustiza de Galicia, do 14 de marzo de 2024, en que se acorda a medida cautelar de suspensión da executividade da Resolución da Dirección Xeral de Planificación Enerxética e Recursos Naturais, do 18 de abril de 2023, pola que se outorgan a autorización administrativa previa e de construción, así como a declaración de utilidade pública, en concreto, das instalacións relativas ao proxecto do parque eólico Meirama.
A eficacia deste anuncio queda supeditada á súa publicación no taboleiro de edictos único do Boletín Oficial del Estado.
A Coruña, 30 de abril de 2024
Isidoro Martínez Arca
Director territorial da Coruña
ANEXO
Expediente: IN408A 2018/27.
Entidade beneficiaria: Naturgy Renovables, S.L.U.
Denominación da instalación: parque eólico Meirama.
Concello: Cerceda.
Predio |
Lugar |
Polígono |
Parcela |
Titularidade proposta |
3 |
Entre Camiños |
22 |
263 |
Jesús Barbeito Moscoso e Rosa Grela Gende |
23 |
Berdoedo |
22 |
33 |
Herdeiros de María Gende Eirís |
31 |
Berdoedo |
22 |
32 |
Herdeiros de María Gende Eirís |
56 |
Berdoedo |
22 |
418 |
Encarnación Castro Bello |