En cumprimento do artigo 70.2 do Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público, faise público que, de acordo co artigo citado e co artigo 91 da Lei 7/1985, do 2 de abril, reguladora das bases do réxime local, mediante a Resolución da Alcaldía, do 5 de abril de 2024, aprobouse a oferta de emprego público ordinaria para 2024, que comprende a praza de persoal funcionario dotada no orzamento da Corporación, co seguinte detalle:
Núm. vacantes |
Denominación |
Escala/subescala |
Grupo |
Tipo de persoal |
1 |
Administrativo |
Administración xeral/administrativa |
C1 |
Funcionario de carreira |
Contra a citada resolución, que pon fin á vía administrativa, pódese interpor alternativamente recurso potestativo de reposición ante o alcalde, no prazo dun mes contado desde o día seguinte ao da publicación deste anuncio, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo, ante o Xulgado do Contencioso-Administrativo de Lugo, no prazo de dous meses contados desde o día seguinte ao desta publicación, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Se se opta por interpor o recurso potestativo de reposición, non poderá interpor recurso contencioso-administrativo ata que aquel sexa resolto expresamente ou se produza a súa desestimación por silencio. Todo iso sen prexuízo da interposición de calquera outro recurso que se considere máis conveniente.
Rábade, 5 de abril de 2024
Remedios González Cabarcos
Alcaldesa