O Pleno do Concello de Boiro en sesión ordinaria que tivo lugar o 29 de febreiro de 2024 adoptou, entre outros, o seguinte acordo:

«… Primeiro. Aprobar definitivamente o estudo de detalle formulado, mediante iniciativa particular, por Conservas Rianxeira, S.A.U., con CIF A-15022221 e redactado por Amancio Losada Vicente co obxecto de reordenar os volumes da parcela sur do proxecto sectorial de incidencia supramunicipal (PSIS) de Bodión.

Segundo. Dispoñer a publicación do anuncio do acordo de aprobación definitiva do estudo de detalle no Diario Oficial de Galicia (DOG), con indicación expresa de que o seu contido íntegro estará á disposición do público no portal de transparencia. Unha vez publicado o anuncio no DOG, o instrumento de planeamento será inscrito no Rexistro de Planeamento Urbanístico de Galicia, para o cal se remitirá un exemplar dilixenciado polo secretario xeral do Concello.

Unha vez recibido o certificado de inscrición no rexistro do estudo de detalle, procederase á publicación no BOP tal e como prevén os artigos 82 da Lei do solo de Galicia, e 199 e 215 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia.

Terceiro. Notificar este acordo á entidade promotora.

Cuarto. O contido íntegro do instrumento definitivamente aprobado estará dispoñible na sede electrónica do Concello de Boiro, así como no portal de transparencia.

Quinto. Contra este acordo, que pon fin á vía administrativa e que ten o carácter de disposición administrativa de carácter xeral, poderá interpoñerse recurso contencioso-administrativo no prazo de dous meses ante a Sala do Contencioso-Administrativo do Tribunal Superior de Xustiza de Galicia (artigos 10.1.b) e 46.1 da Lei 29/1998, do 13 de xullo, reguladora da xurisdición contencioso-administrativa)».

Boiro, 25 de abril de 2024

José Ramón Romero García
Alcalde