En cumprimento do previsto no artigo 248 do Regulamento do dominio público hidráulico, aprobado polo Real decreto 849/1986, do 11 de abril, faise público que se está a tramitar a seguinte solicitude de autorización de vertedura:

Solicitante: Desguaces Lema, S.L.

NIF: B15168263.

Expediente: DH.V15.99384.

Lugar: A Brea, Petón.

Parroquia: Carballo.

Concello: Carballo.

Tipo de vertedura: augas residuais industriais de escoamento depuradas.

Caudal máximo anual: 35.112 m3/ano.

Punto de vertido: X=526.372; Y=4.782.584.

Medio receptor: río Rosende (bacía do río Anllóns).

Tratamento/evacuación:

As augas residuais industriais de escoamento xeradas nas instalacións son recollidas e tratadas mediante decantador-desengraxador primario seguido dun separador hidrodinámico, logo do cal se verten ao río Rosende mediante condución de 500 mm de diámetro e 252,28 m de lonxitude.

O proxecto pode consultarse na sección participación pública do portal da internet de Augas de Galicia (https://augasdegalicia.xunta.gal) e nas oficinas de Augas de Galicia situadas na praza de Camilo Díaz Baliño, 7-9, Santiago de Compostela, solicitando cita previa no teléfono 981 54 50 87.

Os interesados poderán presentar alegacións durante o prazo de trinta días hábiles, contados a partir do seguinte ao da publicación deste anuncio no Diario Oficial de Galicia, en calquera dos rexistros previstos no artigo 16.4 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 21 de marzo de 2024

Leticia Valladares López
Xefa da Área de Verteduras