En cumprimento do oficio remitido polo Xulgado do Contencioso-Administrativo número 4 da Coruña, no cal se ordena o emprazamento aos interesados, en relación co recurso contencioso-administrativo PA 0000320/2023 interposto contra a Resolución do 19 de outubro de 2023, pola que se nomean as persoas seleccionadas no proceso selectivo extraordinario de estabilización, pola quenda de acceso libre e mediante o sistema de concurso, para o ingreso como persoal laboral fixo nas prazas de titulado/a superior investigador/a, adscritas ao Centro de Investigación Forestal de Lourizán, e doutor/a investigador/a, adscritas ao Centro de investigacións Agrarias de Mabegondo, referenciadas no anexo I do Decreto 79/2022, do 25 de maio, de acordo co artigo 49 da Lei 29/1998, do 13 de xullo, reguladora da xurisdición contencioso-administrativa, emprázanse cantos aparezan como interesados no procedemento para que poidan presentarse ante o Xulgado do Contencioso-Administrativo número 4 da Coruña, no prazo de nove (9) días contado desde a publicación deste anuncio.

O que se fai público para xeral coñecemento e para os efectos oportunos.

Santiago de Compostela, 12 de marzo de 2024

José Luis Cabarcos Corral
Director da Axencia Galega da Calidade Alimentaria