Na Sala do Contencioso-Administrativo, Sección Primeira, do Tribunal Superior de Xustiza de Galicia, tramítase o recurso 1/2024 (procedemento ordinario), interposto por David Pazos Agrelo contra a Resolución do 13 de outubro de 2023, da Dirección Xeral de Recursos Humanos do Servizo Galego de Saúde, pola que se publican a orde de prelación e a puntuación definitiva obtidas polas persoas aspirantes admitidas no proceso de actualización das listas de selección temporal de diversas categorías de persoal estatutario, publicada no DOG número 206, o 30 de outubro de 2023 (categoría: técnico/a superior en prevención de riscos laborais).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 12 de marzo de 2024

Ana Mª Comesaña Álvarez
Directora xeral de Recursos Humanos