Na Sala do Contencioso-Administrativo, Sección Primeira, do Tribunal Superior de Xustiza de Galicia, tramítase o recurso 541/2023 (procedemento ordinario), interposto por Miguel Ángel Ferreiro Sanfiz contra:
– A Resolución do 26 de decembro de 2022, da Dirección Xeral de Recursos Humanos do Sergas, pola que se realiza a convocatoria excepcional no proceso selectivo de estabilización, polo sistema de concurso de méritos, para o ingreso nas categorías de enfermeiro/a, fisioterapeuta, logopeda e terapeuta ocupacional (DOG núm. 4, do 5 de xaneiro de 2023).
– A Resolución do 6 de xuño de 2023, da Dirección Xeral de Recursos Humanos do Sergas, pola que se fai público o acordo do tribunal que xulga o proceso selectivo de estabilización, polo sistema de concurso de méritos para o ingreso na categoría de enfermeiro/a convocado pola Resolución do 26 de decembro de 2022, relativo á baremación definitiva e a publicación dos/das aspirantes seleccionados/as (DOG núm. 114, do 16 de xuño de 2023).
– A Resolución do 14 de setembro de 2023, da Dirección Xeral de Recursos Humanos do Sergas, pola que se publica a relación de aspirantes definitivamente seleccionados/as no proceso selectivo de estabilización polo sistema de concurso de méritos e se inicia o prazo para a elección de destino para o ingreso na categoría de enfermeiro/a, convocado pola Resolución do 26 de decembro de 2022 (DOG núm. 185, do 28 de setembro de 2023).
– A Resolución do 7 de novembro de 2023, da Dirección Xeral de Recursos Humanos do Sergas, pola que se procede ao nomeamento como persoal estatutario fixo e á adxudicación de destino definitivo ás persoas aspirantes seleccionadas no proceso selectivo de estabilización, polo sistema de concurso de méritos, para o ingreso na categoría de enfermeiro/a, convocado pola Resolución do 26 de decembro de 2022 (DOG núm. 216, do 14 de novembro de 2023).
O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 12 de marzo de 2024
Ana Mª Comesaña Álvarez
Directora xeral de Recursos Humanos