Visto o expediente para outorgamento da autorización administrativa previa e de construción da instalación eléctrica que a continuación se describe:

Peticionario: Begasa.

Domicilio social: rúa Ramón María Aller Ulloa, 9, 27003 Lugo.

Denominación: soterramento da LAT 20 kV Tablicia na contorna do CT 9170 Arieiras.

Situación: concello de Lugo.

Características técnicas principais:

• Liña aérea de alta tensión a 20 kV Tablicia dirección CT 6137 Piugos con orixe no apoio proxectado A52236 da LAT Tablicia tipo C-4500/14 e final no apoio existente 210786 da LAT Tablicia, cunha lonxitude de 120 metros en condutor LA-110 existente.

• Liña soterrada de alta tensión a 20 kV Tablicia derivación a CT 9170 Arieiras, con orixe no apoio A56681 existente da LAT Tablicia e final no CT 9170 Arieiras, cunha lonxitude de 85 metros en condutor HEPRZ1-400 mm.

• Liña soterrada de alta tensión a 20 kV Tablicia entre CT 9170 Arieiras e apoio A52236 en dobre circuíto, o circuíto un, con orixe no CT 9170 Arieiras e final no apoio proxectado A52236 cunha lonxitude de 495 metros en condutor HEPRZ1-240 mm, e o circuíto dous, con orixe no CT 9170 Arieiras e final nunha arqueta proxectada (punto C do plano 5.2. Obra eléctrica) para enlace coa LAT Tablicia dirección CT 6553 Cemiterio, cunha lonxitude de 480 metros en condutor HEPRZ1-240 mm.

• Desmontaxe de 65 metros de LAT 20kV en LA-280, desmontaxe de 305 metros de LAT 20kV dobre circuíto LA-110, desmontaxe de 20 metros de LAT 20 kV RHZ1-240 mm; desmóntanse tamén 2 apoios de formigón, un apoio metálico e o seccionador XS S37856.

Finalidade da instalación: mellora de instalacións.

Orzamento: 136.202,87 euros.

Documentación que se xunta:

• Separata para o Concello de Lugo.

Esta xefatura territorial, de acordo coas competencias que resultan do Decreto 116/2022, do 23 de xuño, polo que se establece a estrutura orgánica da consellería, o Decreto 49/2023, do 19 de maio, polo que se modifica o Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia,

RESOLVE:

En relación coa instalación de alta tensión, conceder a autorización administrativa previa e de construción ás ditas instalacións sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, supeditada ao cumprimento das seguintes condicións:

Primeira. As instalacións deberán axustarse na súa execución ao disposto no citado proxecto de execución, e a dirección de obra deberá levala a cabo un técnico competente.

Segunda. O peticionario asegurará o mantemento e vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.

Terceira. En todo momento deberán cumprirse as normativas e directrices vixentes que sexan de aplicación, en particular canto establecen a Lei 24/2013, do 26 de decembro, do sector eléctrico, o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra esta resolución poderase interpor recurso de alzada ante a conselleira de Economía, Industria e Innovación no prazo dun mes, a partir do día seguinte ao da notificación ou publicación desta resolución; tamén se poderá interpor calquera outro recurso que se considere pertinente en dereito.

Lugo, 4 de marzo de 2024

Gustavo José Casasola de Cabo
Xefe territorial de Lugo