Feitos:

1. O 29.10.2021 Barras Eléctricas Galaico-Asturianas, S.A. (Begasa; en diante, a promotora) presentou, ante a Xefatura Territorial de Lugo desta consellería (en diante, xefatura territorial), a solicitude de autorización administrativa previa, autorización administrativa de construción e declaración de utilidade pública, en concreto, para a infraestrutura de distribución de enerxía eléctrica denominada Incremento dun circuíto na LAT 132 kV Mondoñedo-Meira entre o apoio 22 e a subestación de Meira, nos concellos de Mondoñedo e A Pastoriza (Lugo), á que se lle asignou o número de expediente IN407A 2021/109 ATE.

Esta solicitude acompañouse, ou completouse posteriormente, coa seguinte documentación técnica:

• Proxecto de execución denominado Incremento dun circuíto na LAT 132 kV Mondoñedo-Meira entre o apoio 22 e a subestación de Meira, asinado o 19.9.2021 polo enxeñeiro industrial Jorge Sanz Varea (colexiado nº 2.803 do Ilustre Colexio Oficial de Enxeñeiros Industriais de Galicia –ICOIIG–) e visado por este colexio, con nº 20212866 e data do 23.9.2021; e no que figura un orzamento total de 4.054.183,70 euros.

• Declaración responsable asinada o 10.5.2021 polo técnico proxectista (incluída no proxecto), exixida no artigo 53.1.b) da Lei 24/2013, do 26 de decembro, do sector eléctrico.

• Separatas técnicas do proxecto de execución para as entidades afectadas: Augas de Galicia, Confederación Hidrográfica Miño-Sil, Ministerio de Fomento, Minas, concellos de Mondoñedo e A Pastoriza, Montes, Deputación Provincial de Lugo, Dirección Xeral de Patrimonio Cultural, Axencia Galega de Infraestruturas (AXI), Telefónica e Norvento.

• Informe ambiental, de data do 28.5.2021, xustificativo da non necesidade de sometemento a unha avaliación de impacto ambiental da infraestrutura eléctrica proxectada.

• Documentación para a expropiación (relación de bens e dereitos afectados –RBDA– e planos coas afeccións) e declaración responsable cos acordos acadados cos propietarios afectados (presentados pola promotora o 25.2.2022, en contestación a un requirimento da xefatura territorial do 27.1.2022).

A LAT 132 kV Mondoñedo-Meira-Estelo, obxecto do novo circuíto proxectado, foi tramitada e autorizada, a prol de Begasa, baixo o nº de expediente 005/2003-AT e coa denominación LAT 132 kV Mondoñedo-Meira, tramo II da LAT 132 kV Farrapa-Mondoñedo e modificación da actual LAT 132 kV Mondoñedo-Vilalba, téndose ditado as seguintes autorizacións, con carácter previo á autorización da súa posta en servizo de data do 15.10.2008:

• O 1.10.2004 a Dirección Xeral de Calidade e Avaliación Ambiental ditou resolución pola que se formulou a declaración de impacto ambiental da LAT 132 kV Mondoñedo-Meira, tramo II da LAT 132 kV Farrapa-Mondoñedo e modificación da actual LAT 132 kV Mondoñedo-Vilalba, nos concellos de Mondoñedo e A Pastoriza (Lugo), promovido por Begasa (clave 2004/0224), que se fixo pública mediante Resolución do 8.11.2004, da Dirección Xeral de Industria, Enerxía e Minas (DOG nº 229, do 24 de novembro).

• O 11.4.2005 a Dirección Xeral de Industria, Enerxía e Minas ditou resolución pola que se autorizou administrativamente, se aprobou o proxecto de execución e se declara de utilidade pública, en concreto, das instalacións da LAT a 132 kV Mondoñedo-Meira, tramo II da LAT 132 kV Farrapa-Mondoñedo e modificación da actual LAT 132 kV Mondoñedo-Vilalba, nos concellos de Mondoñedo e A Pastoriza (expediente 005/2003 AT); (DOG nº 76, 21.4.2005).

• O 2.2.2006 o Consello da Xunta de Galicia adoptou o acordo de aprobar definitivamente o proxecto sectorial de incidencia supramunicipal denominado LAT a 132 kV Mondoñedo-Meira, tramo II da LAT 132 kV Farrapa-Mondoñedo e modificación da actual LAT 132 kV Mondoñedo-Vilalba, que se fixo público mediante Resolución do 21.2.2006, da Dirección Xeral de Industria, Enerxía e Minas (DOG nº 51, do 14 de marzo).

• O 11.6.2008 a Dirección Xeral de Industria, Enerxía e Minas ditou resolución pola que se autorizou e aprobou o proxecto de execución do modificado do proxecto LAT 132 kV Mondoñedo-Meira, tramo II da LAT 132 kV Farrapa-Mondoñedo e modificación da actual LAT 132 kV Mondoñedo-Vilalba, nos concellos de Mondoñedo e A Pastoriza (expediente 5/2003 AT); (DOG nº 130, do 7 de xullo).

Segundo consta no proxecto de execución, considérase a instalación dun novo circuíto a 132 kV entre o apoio 22 da LAT 132 kV Mondoñedo-Meira-Estelo e a subestación de Meira (de 21.280 m de lonxitude), coa finalidade de mellorar a evacuación de enerxía eólica cara á subestación de Ludrio 400/132 kV e, ao mesmo tempo, independizar as conexións entre subestacións cun primeiro circuíto (existente), que conectará a subestación de Mondoñedo coa subestación de Meira, sen ningunha derivación, e un segundo circuíto (novo), que conectará a subestación de Estelo coa subestación de Meira, sen ningunha derivación. A continuación resúmense as actuacións proxectadas:

• Tramo entre os apoios existentes 22 e 35 (en aéreo e de 2.552 m de lonxitude): adaptaranse os armados dos apoios existentes, aproveitando as cimentacións, os fustes dos apoios e parte dos armarios, e instalarase o novo circuíto proxectado polo eixo da liña; tanto os dous circuítos existentes que se van manter como o circuíto proxectado estarán formados por condutor LA 280 dúplex; o cable de fibra óptica será substituído por cable OPGW 96 fibras 17 kA/0,3s.

• Tramo entre o apoio existente 35 e o proxectado 106 de paso aéreo-subterráneo (en aéreo e de 18.682 m de lonxitude): instalarase o novo circuíto con apoios en hexágono e cable de fibra óptica en cúpulas; aproveitaranse na medida do posible os apoios existentes adaptando ou substituíndo armados e reforzando partes do apoio en caso necesario, e os apoios que non é viable aproveitar serán substituídos nas inmediacións dos existentes que se van desmontar e no mesmo eixe da actual traza de liña existente, agás unha pequena variante entre os apoios 102 e 104 na que se desvía levemente da traza existente; tanto o circuíto existente que se van manter como o circuíto proxectado estarán formados por condutor LA 280 dúplex; o cable de fibra óptica será substituído por cable OPGW 96 fibras 17 kA/0,3s.

• Tramo entre o apoio proxectado 106 de paso aéreo-subterráneo e a subestación de Meira (en subterráneo e de 100 m de lonxitude): executarase o circuíto proxectado en subterráneo simple circuíto condutor RHZ1-OL 76/132 kV 1×1200 Cu + 205 e cable de fibra óptica PVT 96 fibras, en canalización en tubaxes formigonadas.

2. O 3.2.2022 a xefatura territorial trasladou as separatas técnicas do proxecto de execución, para os efectos de obter os seus informes ao respecto, ás seguintes entidades afectadas pola referida infraestrutura de distribución de enerxía eléctrica (incremento dun circuíto na LAT 132 kV Mondoñedo-Meira entre o apoio 22 e a subestación de Meira): Augas de Galicia, Confederación Hidrográfica Miño-Sil, Ministerio de Fomento, Subdirección Xeral de Recursos Minerais, concellos de Mondoñedo e A Pastoriza, Dirección Xeral de Defensa do Monte, Deputación Provincial de Lugo, Dirección Xeral de Patrimonio Cultural, AXI, Telefónica de España, S.A.U. e Norvento Enerxía, S.L. A este respecto:

• A Sección de Minas da Xefatura Territorial emitiu informe, en data do 17.2.2022, no que se fai constar a afección producida a un dereito mineiro (concesión de explotación nº LU/C/05530.2 en Mondoñedo), concluíndo que non procede analizar os prexuízos que se lle ocasionaría ao entenderse que non interfire no normal desenvolvemento da súa actividade.

• A continuación relaciónanse as entidades que emitiron, nas datas indicadas, o seu condicionado, do que se deu traslado á promotora, quen presentou a súa conformidade con estes: Dirección Xeral de Defensa do Monte (14.12.2022); Deputación Provincial de Lugo (25.2.2022), Dirección Xeral de Patrimonio Cultural (20.4.2022), AXI (11.2.2022) e Norvento Estelo, S.L.U. (16.3.2022).

• Telefónica de España, S.A.U. emitiu informe, en data do 14.2.2022, mostrando a súa conformidade co proxecto.

• O Concello da Pastoriza emitiu informe, con data do 4.2.2022, no que fai constar que non vai establecer ningún condicionado, pero solicita que na medida do posible o apoio 71 se sitúe o máis próximo ao apoio 70 e ao límite do solo urbano, segundo plano achegado. Dese informe deuse traslado á promotora, quen contestou xustificando a imposibilidade de atender a dita petición.

• O resto de entidades consultadas (Augas de Galicia, Confederación Hidrográfica Miño-Sil, Ministerio de Fomento e Concello de Mondoñedo) non contestaron, polo que, sen prexuízo da autorización que lles corresponda outorgar, enténdese a súa conformidade co proxecto, de acordo co disposto no artigo 47.3 da Lei 9/2021, do 25 de febreiro, de simplificación administrativa e de apoio á reactivación económica de Galicia.

3. O 15.12.2022 a promotora, debido aos requirimentos de dous organismos (Dirección Xeral de Patrimonio Cultural e Augas de Galicia, dentro dos seus procedementos de outorgamento de autorización) e á xestión de permisos de paso, presentou unha nova documentación técnica, en substitución da presentada inicialmente, conformada por:

• Declaración responsable na que se relaciona a documentación técnica que non sufriu modificación (separatas: Montes, Concello de Mondoñedo, Ministerio de Fomento e Norvento) e a que sufriu modificación e volve presentar (baixo a epígrafe «Revisión 1»).

• Proxecto de execución denominado Incremento dun circuíto na LAT 132 kV Mondoñedo-Meira entre o apoio 22 e a subestación de Meira (revisión 1), asinado o 17.8.2022 polo enxeñeiro industrial Jorge Sanz Varea (colexiado nº 2.803 do ICOIIG) e visado por este colexio, con nº 20223542 e data do 18.11.2022; e no que figura un orzamento total de 4.054.183,70 euros.

• Declaración responsable asinada o 2.8.2022 polo técnico proxectista (incluída no proxecto), exixida no artigo 53.1.b) da Lei 24/2013, do 26 de decembro, do sector eléctrico.

• Separatas técnicas do proxecto de execución (revisión 1) para as entidades afectadas: Augas de Galicia, Confederación Hidrográfica Miño-Sil, Minas, Concello da Pastoriza, Deputación Provincial de Lugo, Dirección Xeral de Patrimonio Cultural, AXI e Telefónica.

• Documentación para a expropiación (RBDA e planos coas afeccións) e declaración responsable cos acordos acadados cos propietarios afectados.

Segundo consta neste novo proxecto de execución (revisión 1), inclúense as seguintes modificacións en relación co presentado inicialmente:

• Como consecuencia do requirimento da Dirección Xeral de Patrimonio Cultural: modificación da localización do apoio nº 103.

• Como consecuencia do requirimento de Augas de Galicia: inclusión de novas afeccións con canles non consideradas, como consecuencia do requirimento de Augas de Galicia.

• Como consecuencia da xestión de permisos de paso: modificación da localización do apoio nº 43 (dentro do mesmo trazado existente) e do acceso previsto para esta nova localización, e modificación do trazado de acceso previsto para o apoio nº 91.

4. O 13.3.2023 a promotora, en contestación a un requirimento da Xefatura Territorial (con data do 7.3.2023) para a actualización do informe ambiental presentado inicialmente como consecuencia da modificación do proxecto inicial, presentou unha addenda ao dito informe ambiental, asinada o 2.3.2023, xustificativa da non necesidade de sometemento a unha avaliación de impacto ambiental da infraestrutura eléctrica proxectada coas modificacións introducidas.

A respecto da referida documentación ambiental presentada pola promotora (informe ambiental e a súa addenda), a xefatura territorial, con data do 15.3.2023, deulle traslado desta ao órgano ambiental, requiríndolle o seu pronunciamento ao respecto, sen que a data de hoxe, conste a súa resposta.

5. Con datas do 9.5.2023 e do 10.5.2023 a xefatura territorial trasladou ás separatas técnicas do proxecto de execución (revisión 1), para os efectos de obter os seus informes ao respecto, ás seguintes entidades afectadas pola referida infraestrutura de distribución de enerxía eléctrica (Incremento dun circuíto na LAT 132 kV Mondoñedo-Meira entre o apoio 22 e a subestación de Meira-revisión 1): Augas de Galicia, Confederación Hidrográfica Miño-Sil, Subdirección Xeral de Recursos Minerais, Concello da Pastoriza, Deputación Provincial de Lugo, Dirección Xeral de Patrimonio Cultural, AXI e Telefónica de España, S.A.U. A este respecto:

• A Sección de Minas da Xefatura Territorial emitiu informe, con data do 15.5.2023, recollendo este que no primeiro informe emitido para a separata do proxecto inicial.

• A continuación relaciónanse as entidades que emitiron, nas datas indicadas, o seu condicionado, do que se deu traslado á promotora, quen presentou a súa conformidade con estes: Deputación Provincial de Lugo (20.6.2023), Confederación Hidrográfica Miño-Sil (30.5.2023), Telefónica de España, S.A.U. (11.5.2023) e AXI (8.6.2023).

• O resto de entidades consultadas (Augas de Galicia, Concello da Pastoriza e Dirección Xeral de Patrimonio Cultural) non contestaron, polo que, sen prexuízo da autorización que lles corresponda outorgar, enténdese a súa conformidade co proxecto, de acordo co disposto no artigo 47.3 da Lei 9/2021, do 25 de febreiro.

6. O 12.5.2023 a promotora presentou a documentación actualizada para expropiación, reflectindo os acordos acadados ata ese momento (RBDA, planos coas afeccións e declaración responsable cos acordos acadados cos propietarios afectados).

7. O 25.5.2023 a Xefatura Territorial, para os efectos de iniciar o trámite de audiencia, previsto no artigo 53.1 da Lei 9/2021, do 25 de febreiro, cos montes veciñais en man común (MVMC) que figuran como afectados na RBDA presentada pola promotora (MVMC no concello de Mondoñedo: Argomoso; MVMC no concello da Pastoriza: Coto de Castro e Porto do Boi; Acebreiro; e Montareda e Corredoira), solicitoulle ao Servizo de Montes de Lugo datos referentes ao titular e enderezo destes. O dito servizo emitiu informe, con data do 31.5.2023, no que facilita os datos requiridos e, ademais, informa que a infraestrutura eléctrica proxectada tamén afecta montes xestionados pola Administración pública (Servizo de Montes de Lugo, Consellería de Medio Rural), en concreto: Elenco 2715699 Coto do Castro e Porto do Boi; e Elenco 2715567 Montareda e Corredoira. A este respecto, cabe salientar o seguinte:

• Con carácter previo e por petición da promotora, o Servizo de Montes de Lugo emitiu informe no que se recollen as afeccións da infraestrutura eléctrica proxectada con catro MVMC (Couto das Louxeiras de Xemil; Coto do Castro e Porto do Boi; Acebreiro; e Montareda e Corredoira), e se informa favorablemente sobre elas, sempre que a promotora realice un acto de disposición coas comunidades propietarias dos montes (dos recollidos no título segundo do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de MVMC) e tramite as correspondentes afeccións en xestión pública con base no estipulado na Lei 7/2021, do 28 de xuño, de montes de Galicia.

• En setembro de 2023 a promotora advertiu un erro nos MVMC afectados, debido á discrepancia entre a información do Catastro e a realidade dos predios (quedando desafectado Coto das Louxeiras de Xemil e afectado Argomoso), tal como se describe na táboa seguinte:

MVMC	Afección inicial (nº predios)	Afección final (nº predios)
Coto das Louxeiras de Xemil	80, 81, 82, 83, 84 e 85	-
Coto do Castro e Porto do Boi	117,119
Acebreiro	161, 163, 165, 171, 172, 173A, 175 e 179
Montareda e Corredoira	198, 203 e 210
Argomoso	-	43

A respecto dos MVMC finalmente afectados (Coto do Castro e Porto do Boi; Acebreiro; Montareda e Corredoira; e Argomoso) a promotora ten chegado a acordo cos seus propietarios, segundo consta na declaración responsable sobre os acordos acadados cos propietarios afectados, presentada pola promotora o 3.1.2024. Previamente, con data do 14.12.2023 e en resposta a un requirimento da Dirección Xeral de Planificación Enerxética e Recursos Naturais (DXPERN), a promotora manifestou que, polo que respecta ás afeccións cos montes xestionados pola Administración pública, está a realizar a preceptiva tramitación das afeccións ante o Servizo de Montes, e, polo que respecta aos MVMC afectados, presenta declaración responsable específica, asinada o 14.12.2023, na que fai constar que «ten chegado a acordos privados con todos os montes veciñais en man común afectados pola instalación de referencia, non sendo necesario tramitar a compatibilidade cos dereitos forestais afectados».

8. O 2.6.2023 a Xefatura Territorial ditou acordo polo que se someteu a información pública a solicitude de autorización administrativa previa, autorización administrativa de construción e declaración de utilidade pública, en concreto, da referida infraestrutura eléctrica (Incremento dun circuíto na LAT 132 kV Mondoñedo-Meira entre o apoio 22 e a subestación de Meira-revisión 1).

Este acordo publicouse no DOG (21.6.2023) e no xornal El Progreso (16.6.2023) e, así mesmo, estivo exposto, xunto coa documentación sometida a información pública, nos concellos de Mondoñedo y A Pastoriza e nas dependencias da Xefatura Territorial, así como no portal de transparencia desta consellería.

Durante o período de información pública presentáronse varios escritos de alegacións, dos que se deu traslado á promotora, quen presentou a súa contestación a estes. A continuación relaciónanse as persoas alegantes, recollendo un resumo do contido dos seus escritos de alegacións:

a) Miguel Amoroso Legaspi, no seu escrito de alegacións presentado o 21.6.2023, sinala outro titular proposto para o predio nº 324 do proxecto, indicando non ser el o titular.

b) José Ángel Folgueira Tella, no seu escrito de alegacións presentado o 13.7.2023, reclama a titularidade do predio nº 267 do proxecto, xuntando escritura de compravenda e certificación catastral.

c) Mª Emilia Pérez Cabo, no seu escrito de alegacións presentado o 24.7.2023, solicita que se minimice a afección nos predios nº 311 e 342 do proxecto (da súa propiedade), principalmente no referente á localización do apoio nº 103, que se vai instalar no predio nº 342 (empregado para o cultivo de forraxe para o gando e cuxa superficie se vería reducida de forma importante, non só polo espazo ocupado polo apoio, senón tamén polas distancias de seguridade que habería que gardar coa maquinaria e durante o laboreo), propoñendo que se coloque na medianeira entre esta e a lindeira polo vento oeste.

d) Jorge Gutiérrez Vares, no seu escrito de alegacións presentado o 30.6.2023, solicita o cambio de titularidade ao seu favor dos predios nº 250 e 252 do proxecto, por falecemento do titular proposto, xuntando certificado de defunción deste, testamento e imposto de sucesións.

9. O 8.9.2023 a Xefatura Territorial, logo de rematada a instrución do referido expediente e en cumprimento do disposto no artigo 47.5 da Lei 9/2021, do 25 de febreiro, deu traslado deste á DXPERN para os efectos de ditar a oportuna resolución, incorporando un resumo da tramitación con data do 7.9.2023 e os seguintes informes, relativos ao proxecto «Incremento dun circuíto na LAT 132 kV Mondoñedo-Meira entre o apoio 22 e a subestación de Meira (revisión 1)», emitidos polo seu Servizo de Enerxía e Minas con data do 26.6.2023:

• Informe relativo á limitación á constitución de servidumes de paso de enerxía eléctrica, concluíndo que non se aprecia limitación para a expropiación dos terreos e imposición de servidume de paso de enerxía eléctrica nas parcelas que se describen na RBDA, conforme o disposto no artigo 58 da Lei 23/2013, do 26 de decembro, do sector eléctrico, e no artigo 161 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

• Informe técnico sobre o proxecto de execución, de carácter favorable, para a autorización administrativa previa e de construción.

10. O 22.12.2023 a DXPERN iniciou o trámite de compatibilidade/prevalencia da utilidade pública da infraestrutura eléctrica proxectada coa do dereito mineiro afectado por ela (concesión de explotación da sección C «Mondoñedo Fracción 2ª» nº 5530.2), dándolle audiencia ao titular deste «Pizarras Universal, S.L.», en aplicación, por similitude, co disposto no artigo 53 da Lei 9/2021, do 25 de febreiro, (concorrencia de utilidade ou interese públicos con montes veciñais en man común).

A este respecto, e para os efectos de non continuar co referido trámite de compatibilidade/prevalencia, a promotora presentou con data do 3.1.2024 un escrito no que fai constar que chegou a un acordo co titular do referido dereito mineiro afectado.

11. O 3.1.2024 a promotora presentou a documentación actualizada para expropiación (RBDA e declaración responsable cos acordos acadados cos propietarios afectados).

Consideracións legais e técnicas:

1. No expediente instruído para o efecto cumpríronse os trámites de procedemento establecidos na Lei 9/2021, do 25 de febreiro, de simplificación administrativa e de apoio á reactivación económica de Galicia, na Lei 24/2013, do 26 de decembro, do sector eléctrico, no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, na Lei 39/2015, do 1 de outubro, do procedemento administrativo común das administracións públicas, e demais normas vixentes de aplicación.

2. A competencia para resolver este expediente correspóndelle á DXPERN, de conformidade co disposto no artigo único (punto 1.b.3º para as autorizacións administrativas previa e de construción e punto 2 para o recoñecemento, en concreto, da utilidade pública) do Decreto 9/2017, do 12 de xaneiro, da Consellería de Economía, Emprego e Industria, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG nº 22, do 1 de febreiro), así como no Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación (DOG nº 126, do 4 de xullo) e no Decreto 59/2023, do 14 de xuño, polo que se establece a estrutura orgánica da Xunta de Galicia (DOG nº 113, do 15 de xuño).

3. Á vista dos escritos de alegacións presentados durante o trámite de información pública, da contestación da promotora a estas alegacións e do resto da documentación que consta no expediente, cómpre manifestar o seguinte:

a) En canto ás alegacións feitas por Miguel Amoroso Legaspi, é necesario indicar que se atendeu a súa pretensión de cambio de titularidade, pasando a identificar na RBDA como titular do referido predio (nº 324), na súa substitución, a hros. Manuel Fernando Amoroso Cando (recolléndose como representante o Ministerio Fiscal Provincial de Lugo por resultar descoñecido o seu enderezo).

b) En canto ás alegacións feitas por José Ángel Folqueira Tella, é necesario indicar que se atendeu a súa pretensión de cambio de titularidade, recoñecendo a súa titularidade sobre o referido predio (nº 267), para o cal a promotora declarou ter chegado a un acordo co alegante, eliminándose en consecuencia da RBDA.

c) En canto ás alegacións feitas por Mª Emilia Pérez Cabo, indicar que non se poden atender as súas pretensións de minimización das afeccións provocadas nos referidos predios (nº 311 e 342), con base nas seguintes argumentacións:

– A promotora, na súa resposta ás ditas alegacións, fai constar que para proxectar a localización do apoio nº 103 procurouse causar o menor prexuízo aos afectados, situándoo ao bordo da parcela en cuestión, facendo coincidir lixeiramente a afección co lindeiro entre parcelas, por dentro desta. Ademais, indica que a ocupación do apoio afecta unha superficie de 51 m2, que supón o 0,91 % da superficie da parcela nº 342 (5.612 m2); sendo a dita superficie ocupada polo apoio a única que quedará inhabilitada para continuar realizando a explotación actual do predio para forraxe, dado que o resto da afección realízase por voo, cunha altura de condutores de 22,8 m sobre o terreo, suficiente para non prexudicar o labor. Así mesmo, indica que o voo da liña vai practicamente sobre lindeiro dos predios nº 342 e 245 do proxecto, para tratar de ocasionar o menor prexuízo a ambos os propietarios, sendo imposible reducir máis a afección.

– Segundo o informe relativo á limitación á constitución de servidumes de paso de enerxía eléctrica, emitido o 26.6.2023, polo Servizo de Enerxía e Minas da Xefatura Territorial, non se aprecia limitación para a expropiación dos terreos e imposición de servidume de paso de enerxía eléctrica nas parcelas que se describen na RBDA, conforme o disposto no artigo 58 da Lei 24/2013, do 26 de decembro, e no artigo 161 do Real decreto 1955/2000, do 1 de decembro.

– Segundo o disposto na epígrafe 1.5.1 (requisitos básicos) da ITC-LAT 07 «Liñas aéreas con condutores espidos» do Regulamento sobre condicións técnicas e garantías de seguridade en liñas eléctricas de alta tensión (Real decreto 223/2008, do 15 de febreiro, polo que se aproba o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09): «[...] as liñas eléctricas aéreas estudaranse seguindo o trazado que considere o autor do proxecto, no seu intento de lograr a solución óptima para o conxunto da instalación, axustándose en todo caso ás prescricións que nesta instrución se establecen [...]» .

d) En canto ás alegacións feitas por Jorge Gutiérrez Vares, cómpre indicar que se atendeu a súa pretensión de cambio de titularidade, recoñecendo a súa titularidade sobre os referidos predios (nº 250 e 252).

4. Polo que respecta á tramitación ambiental das modificacións de proxectos, a Lei 21/2013, do 9 de decembro, de avaliación ambiental describe no seu artigo 7 as modificacións de proxectos que deben ser sometidas a unha avaliación de impacto ambiental, ordinaria (na súa epígrafe 1.c) ou simplificada (na súa epígrafe 2.c).

En canto ao novo circuíto proxectado, que vai supoñer a modificación da LAT 132 kV Mondoñedo-Meira-Estelo, a promotora presentou unha documentación ambiental (conformada polo informe ambiental e a súa addenda, xa citados) na que se dá conta das variacións non significativas dos impactos xerados durante a execución e explotación da modificación da liña eléctrica, xustificando a non necesidade de realizar unha avaliación de impacto ambiental simplificada e, así mesmo, indicando que se manterán as medidas protectoras e correctoras e o plan de seguimento e vixilancia ambiental previstos no estudo de impacto ambiental e na declaración de impacto ambiental da liña eléctrica obxecto de modificación, coas adaptacións necesarias ás actuais normativas vixentes. Tal como se recolle nos feitos anteriores, solicitouse ao órgano ambiental o seu pronunciamento ao respecto, quen non contestou.

De conformidade con todo o que antecede,

RESOLVO:

1. Outorgar a autorización administrativa previa para a infraestrutura de distribución de enerxía eléctrica denominada Incremento dun circuíto na LAT 132 kV Mondoñedo-Meira entre o apoio 22 e a subestación de Meira, nos concellos de Mondoñedo e A Pastoriza (Lugo), e que promove Begasa.

2. Outorgar a autorización administrativa de construción para o proxecto de execución da citada infraestrutura eléctrica titulado Incremento dun circuíto na LAT 132 kV Mondoñedo-Meira entre o apoio 22 e a subestación de Meira (revisión 1).

3. Declarar a utilidade pública, en concreto, da citada infraestrutura eléctrica, o que leva implícito a necesidade de ocupación dos bens ou de adquisición dos dereitos afectados, implicando a urxente ocupación para os efectos do artigo 52 da Lei de expropiación forzosa.

Todo isto de acordo coas condicións seguintes:

1. As instalacións que se autorizan terán que realizarse de acordo coas especificacións e planos que figuran no proxecto de execución denominado Incremento dun circuíto na LAT 132 kV Mondoñedo-Meira entre o apoio 22 e a subestación de Meira (revisión 1), asinado o 17.8.2022 polo enxeñeiro industrial Jorge Sanz Varea Damián Alonso Salas (colexiado nº 2.803 do ICOIIG) e visado por este colexio, con nº 20223542 e data do 18.11.2022; e no que figura un orzamento total de 4.054.183,70 euros.

2. A promotora asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manteñan as condicións regulamentarias de seguridade. En todo momento deberanse cumprir as normas e directrices vixentes que resulten de aplicación, en particular, canto establece o Regulamento sobre condicións técnicas e garantías de seguridade nas instalacións eléctricas de alta tensión e as súas instrucións técnicas complementarias ITC-RAT 01 a 23, aprobados polo Real decreto 337/2014, do 9 de maio, e o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09, aprobados polo Real decreto 223/2008, do 15 de febreiro.

3. Para introducir modificacións nas instalacións que afecten datos básicos do proxecto será necesaria a autorización previa da DXPERN; non obstante, a Xefatura Territorial poderá autorizar as modificacións de detalle do proxecto que resulten procedentes, debendo comunicar á dita dirección xeral todas as resolucións que se diten en aplicación da citada facultade.

4. A promotora deberá dar cumprimento a todas as condicións establecidas na DIA da LAT obxecto de modificación referida nos feitos (formulada o 1.10.2004 polo órgano ambiental - DOG nº 229, do 24 de novembro), así como ás establecidas no correspondente plan de vixilancia e seguimento ambiental.

5. O prazo para a posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución ou da data de ocupación dos terreos. Unha vez construídas estas instalacións, a empresa promotora deberá presentar a solicitude de autorización de explotación ante a Xefatura Territorial, quen deberá estendela tras as comprobacións técnicas que considere oportunas.

6. En canto aos bens e dereitos afectados pola referida infraestrutura eléctrica e adscritos ás distintas administracións, organismos ou empresas de servizo público ou de servizos de interese xeral, a promotora cumprirá cos condicionados e informes emitidos por estes.

7. O incumprimento das condicións e requisitos establecidos nesta resolución ou a variación substancial dos orzamentos que determinaron a súa adopción poderán dar lugar á súa revogación, logo de audiencia a promotora, de conformidade co disposto no artigo 53.10 da Lei 24/2013, do 26 de decembro.

8. Estas autorizacións adóptanse sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da referida infraestrutura eléctrica, en especial as relativas á ordenación do territorio e ao ambiente, tal e como dispón o título VII do Real decreto 1955/2000, do 1 de decembro.

9. Esta resolución publicarase no Diario Oficial de Galicia, de acordo co establecido no artigo 48.2 da Lei 9/2021, do 25 de febreiro.

10. Como anexo a esta resolución recóllese a RBDA definitiva que se empregará no procedemento expropiatorio, presentada pola promotora con data do 3.1.2024.

Contra a presente resolución, que non é definitiva en vía administrativa, poderase interpoñer recurso de alzada ante a conselleira de Economía, Industria e Innovación da Xunta de Galicia, no prazo dun mes contado a partir do día seguinte ao da súa notificación ou publicación, de acordo co disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.

Santiago de Compostela, 4 de marzo de 2024

Pablo Fernández Vila
Director xeral de Planificación Enerxética e Recursos Naturais

ANEXO

Relación de bens e dereitos afectados pola infraestrutura de distribución de enerxía eléctrica denominada Incremento dun circuíto na LAT 132 kV Mondoñedo-Meira entre o apoio 22 e a subestación de Meira

Predio nº	Ref. catastral			Concello	Titular	Tipo cultivo	Afección LAT aérea								Accesos		Afección LAT subterránea
							Apoio proxectado		Servidume existente		Servidume nova		Servidume total
	Ref. catastral	Pol. nº	Parc. nº				Nº	Superf. ocup. (m²)	Voo		Voo		Voo		Lonxit. (m)	Superf. afect. (m²)	Lonxit. (m)	Superf. afect. (m²)
Lonxit. (m)				Superf. afect. (m²)	Lonxit. (m)	Superf. afect. (m²)			Lonxit. (m)	Superf. afect. (m²)
3	27030A03301301	33	1301	Mondoñedo	María Soledad Folgueira Chao	Monte baixo									49	196
22	27030A03301883	33	1883	Mondoñedo	María Antonia Díaz Carballeira	Monte alto									40	159
23	27030A03301884	33	1884	Mondoñedo	María Antonia Díaz Carballeira	Monte alto									56	224
24	27030A03300636	33	636	Mondoñedo	María Antonia Díaz Carballeira	Monte alto									53	212
25	27030A03301885	33	1885	Mondoñedo	María Antonia Díaz Carballeira	Monte alto									30	118
48	27044G00500051	5	51	A Pastoriza	Carlos García Teijeiro	Monte baixo	36	71	188	3.759			188	3.759	133	534
49	27044G00500050	5	50	A Pastoriza	José Seivane López, Manuel Seivane López, Digna Seivane López	Monte baixo			101	2.022			101	2.022	21	85
51	27044G00510037	5	10037	A Pastoriza	Hros. de José Antonio López García: Enriqueta González Oseira, Milagros López González, Josefa Ramona López González, María Cristina López González	Monte baixo	37	exist.	119	2.375			119	2.375	4	14
53	27044G00500037	5	37	A Pastoriza	Hros. de José Antonio López García: Enriqueta González Oseira, Milagros López González, Josefa Ramona López González, María Cristina López González	Monte baixo			25	490			25	490
54	27044G00510038	5	10038	A Pastoriza	Concello da Pastoriza	Monte baixo			12	227			12	227
57	27044G00510029	5	10029	A Pastoriza	Emilio Paz Eiras	Monte baixo			52	1.031			52	1.031
59	27044G00500027	5	27	A Pastoriza	Hros. de Domnino Candal Seco. Rpte. Marco Antonio Candal Quiroga	Monte baixo	38	Exist.	47	936			47	936	22	90
61	27044G00200086	2	86	A Pastoriza	Hros. de María Valiña Alvite. Manuel García Obarrio	Monte baixo	39	Exist.	53	990			53	990	2	7
62	27044G00200059	2	59	A Pastoriza	Cándido López Valiña	Monte baixo				62				62
64	27044G00500020	5	20	A Pastoriza	Concello da Pastoriza	Monte baixo	40	Exist.	244	4.898			244	4.898	10	42
71	27044G00100050	1	50	A Pastoriza	Emilio Paz Eiras	Prado/labradío	44	Exist.	55	1.108			55	1.108	49	198
72	27044G00100099	1	99	A Pastoriza	Félix López Reigosa	Prado/labradío			142	2.761		224	142	2.985	127	508
75	27044G00100073	1	73	A Pastoriza	Concello da Pastoriza	Prado/labradío			44	868		4	44	872
76	27044G00100074	1	74	A Pastoriza	Félix López Reigosa	Prado/labradío	45	Exist.	56	1.119			56	1.119	82	326
77	27044G00100092	1	92	A Pastoriza	Félix López Reigosa	Prado/labradío			134	2.686		934	134	3.620
78	27044G00100048	1	48	A Pastoriza	Emilio Paz Eiras	Prado/labradío			37	732		426	37	1.158
83	27044G00100076	1	76	A Pastoriza	Emilio Paz Eiras	Monte baixo				31				31
84	27044F00700053	7	53	A Pastoriza	Félix López Reigosa	Prado/labradío			16	316			16	316
86	27044F00700051	7	51	A Pastoriza	José Ramón Legide Seco	Monte baixo	47	71	81	1.613			81	1.613	36	142
87	27044F00700050	7	50	A Pastoriza	María Manuela Castrillón Seivane	Monte baixo			98	1.951			98	1.951
88	27044F00700049	7	49	A Pastoriza	Jorge Pacio Gómez	Prado/labradío	48	Exist.	107	2.138			249	6.603	165	660
88	27044F00700049	7	49	A Pastoriza	Jorge Pacio Gómez	Monte alto			142	4.265		200	249	6603
95	27044F00600065	6	65	A Pastoriza	Concello da Pastoriza	Prado/labradío			25	494		38	25	532
101	27044F00600018	6	18	A Pastoriza	Manuel García Obarrio	Prado/labradío	51	50	139	2.778			139	2.778	2	6
106	27044F00600007	6	7	A Pastoriza	Marisol Alvite Luaces, Alberto Mel Varela	Monte baixo	54	Exist.	190	3.789			190	3.789	26	104
107	27044F00600008	6	8	A Pastoriza	Descoñecido	Monte baixo			8	162			8	162
109	27044F00600005	6	5	A Pastoriza	Efigenia María Seivane Carracedo	Monte alto	55	Exist.	165	4.942		1.437	165	6.379	15	60
111	27044F00200001	2	1	A Pastoriza	Concello da Pastoriza	Prado/labradío			96	1.920		2.016	96	4.460
111	27044F00200001	2	1	A Pastoriza	Concello da Pastoriza	Monte alto						524	96	4460
112	27044F00200002	2	2	A Pastoriza	Alfredo Legide Reigosa	Prado/labradío			116	2.327		1.450	206	7.610
112	27044F00200002	2	2	A Pastoriza	Alfredo Legide Reigosa	Monte alto	56	71	90	2.856		977	206	7610	9	35
124	27044N00700061	7	61	A Pastoriza	Manuel Salgado Rey	Monte alto			70	2.257			70	2.257
127	27044N00700057	7	57	A Pastoriza	Manuel García Iglesias	Monte alto	60	71	36	712		356	36	1.068	21	85
130	27044N01400112	14	112	A Pastoriza	José Pena López Rpte. Manuel García Pena	Prado/labradío			55	1.107		4	55	1.111
133	27044N01500077	15	77	A Pastoriza	María Pena López	Monte alto			128	2.551		2.292	276	9.313
133	27044N01500077	15	77	A Pastoriza	María Pena López	Prado/labradío			148	2.963		1.507	276	9313
136	27044N01500066	15	66	A Pastoriza	Manuel Pena Coroas	Prado/labradío			126	2.513		651	126	3.164
142	27044N01410012	14	10012	A Pastoriza	Manuel Pena Coroas	Prado/labradío	64	61	76	1.514			76	1.514	72	288
143	27044N01400002	14	2	A Pastoriza	Manuel García Iglesias	Prado/labradío				58			0	58
146	27044N01500019	15	19	A Pastoriza	Manuel García Iglesias	Prado/labradío			118	2.368		185	118	2.553
149	27044N01500027	15	27	A Pastoriza	José Antonio Rico Rico	Prado/labradío	66	71	102	1.954		85	102	2.039	93	373
151	27044N01500029	15	29	A Pastoriza	Carlos García Pena	Prado/labradío			33	652			33	652
157	27044N01500036	15	36	A Pastoriza	José Alonso Castelo García	Prado/labradío			69	1.374		290	69	1.664
158	27044N01500037	15	37	A Pastoriza	Hros. de José Gerardo Bouso Gutiérrez Rpte. Miguel Folgueira Bouso	Prado/labradío	68	71	67	1.342			67	1.342	47	189
174	48513A0PH3945S 48513A0PH3945S0001FF	48513	A0	A Pastoriza	Instituto Galego da Vivenda e Solo	Monte baixo			138	2.761		166	138	2.927	74	296
176	27044E00200083	2	83	A Pastoriza	Hros. de María Onega Ferreiro	Prado/labradío			17	351		9	17	360
178	27044E00200086	2	86	A Pastoriza	Hros. de Dolores Castro Otero	Monte alto			1	29		51	1	80
183	27044E00200089	2	89	A Pastoriza	Araceli Valiña Pérez	Prado/labradío			52	1.042		412	52	1.454
184	27044E00200090	2	90	A Pastoriza	Flora Castelo Seivane Clara Castelo López	Prado/labradío			17	330		132	17	462
185	27044E00200091	2	91	A Pastoriza	Josefa Castelo Clara Castelo López	Prado/labradío			23	458		169	23	627
188	27044E00200094	2	94	A Pastoriza	Francisca Seijo Iglesias, Otilia Murado Folgueira	Prado/labradío			35	694		50	35	744
189	27044E00200095	2	95	A Pastoriza	Otilia Murado Folgueira	Prado/labradío			24	485			24	485
214	27044D00300078	3	78	A Pastoriza	Concepción Legaspi Folgueira	Monte alto			3	270		181	3	451
218	27044D00300055	3	55	A Pastoriza	Concepción Legaspi Folgueira	Prado/labradío	80	exist.	54	1.078			54	1.078	7	27
219	27044D00300060	3	60	A Pastoriza	Hros. de Josefa Acebedo Ledo Rpte. Pedro Murado Acebedo	Prado/labradío	81	71	243	4.863		39	243	4.902	27	110
222	27044D00300040	3	40	A Pastoriza	María Fe López Vidal	Prado/labradío			102	2.016			102	2.016	100	400
224	27044D00300004	3	4	A Pastoriza	Concepción Legaspi Folgueira	Prado/labradío			6	185			6	185
225	27044D00300039	3	39	A Pastoriza	Concepción Legaspi Folgueira	Prado/labradío				25				25
226	27044D00300005	3	5	A Pastoriza	Ceferino Legaspi Rodríguez	Prado/labradío	83	Exist.	107	2.082			107	2.082	57	228
229	27044D00300008	3	8	A Pastoriza	Juan José Barreira Carballo	Prado/labradío			26	526		39	26	565
249	27044Y00210141	2	10141	A Pastoriza	Alicia García Mazoy	Prado/labradío				119				119
250	27044Y00200141	2	141	A Pastoriza	Jorge Gutiérrez Vares	Prado/labradío			128	2.542			128	2.542
252	27044Y00200085	2	85	A Pastoriza	Jorge Gutiérrez Vares	Prado/labradío	88	Exist.	169	3.374			169	3.374	162	648
259	27044Y00100019	1	19	A Pastoriza	María Rosa Morado Pereira	Prado/labradío			63	1.259		9	63	1.268
260	27044Y00100028	1	28	A Pastoriza	Justo Estoa Muíña	Prado/labradío			92	1.816		92	92	1.908
264	27044Y00100031	1	31	A Pastoriza	María José Rodríguez Tourón	Monte alto			38	1.151		157	38	1.308
266	27044Y00100033	1	33	A Pastoriza	Consuelo Barreiro Ferreiro	Monte alto			64	1.933		23	64	1.956
279	27044Y00100214	1	214	A Pastoriza	José Pérez Folgueira	Prado/labradío			60	1.195		79	60	1.274
280	27044Y00100096	1	96	A Pastoriza	Galán SAT nº 994 Xuga	Prado/labradío			10	231		10	10	241
299	27044X00100027	1	27	A Pastoriza	Josefina Rodríguez Fernández	Monte alto				189				189
300	27044X00110027	1	10027	A Pastoriza	Josefina Rodríguez Fernández	Monte alto	96	Exist.	26	583			26	583	21	83
301	27044Q00200057	2	57	A Pastoriza	José Benito Barreiro López	Monte alto				27				27
302	27044X00100026	1	26	A Pastoriza	Josefina Rodríguez Fernández	Monte alto			15	458			15	458	15	61
305	27044X00100024	1	24	A Pastoriza	Sociedade Anónima Xestora Bantegal	Monte alto				134				134
311	27044X00100016	1	16	A Pastoriza	María Emilia Pérez Cabo	Prado/labradío			49	974		531	49	1.505
315	27044X00100012	1	12	A Pastoriza	José Ángel López Salgado	Monte alto	98	Exist.	33	984			33	984		3
320	27044X00100005	1	5	A Pastoriza	María Victoria Fernández García	Monte alto			22	669			22	669
321	27044X00100549	1	549	A Pastoriza	Olga Fernández García	Monte alto			14	406			14	406
322	27044X00100550	1	550	A Pastoriza	María Dulcina Fernández García	Monte alto			16	480			16	480
323	27044X00100004	1	4	A Pastoriza	Jesús Folgueira Ferreiros	Monte alto			20	586			20	586
324	27044X00100003	1	3	A Pastoriza	Fiscal Audiencia Provincial de Lugo (rpte. hros. Manuel Fernando Amoroso Cando)	Monte alto			51	1.526			51	1.526
326	27044X00100001	1	1	A Pastoriza	Pilar Andión Teijeiro	Monte alto	100	88	15	431		5	15	436	28	113
328	27044Q00200002	2	2	A Pastoriza	Manuel García Valiña	Monte alto			118	3.505		50	118	3.555	118	474
330	27044Q00200004	2	4	A Pastoriza	Elisa Ferreiro Carballeira	Monte alto			83	2.508			83	2.508	83	331
331	27044Q00200005	2	5	A Pastoriza	Ramón Mazoy Chain	Monte alto			59	1.753			59	1.753	58	232
333	27044Q00200007	2	7	A Pastoriza	Constantino Lodos Onega	Monte alto	102	71	49	2.734	50	109	100	2.844	53	211
334	27044Q00200008	2	8	A Pastoriza	José Luis Lodos Ferreiro	Monte alto				138			0	138
340	27044W00200164	2	164	A Pastoriza	Matías Pérez Saavedra	Prado/labradío				27	85	1.674	85	1.701
342	27044W00200154	2	154	A Pastoriza	María Emilia Pérez Cabo	Prado/labradío	103	51				892	0	892		4,22
347	27044W00200143	2	143	A Pastoriza	Concello da Pastoriza	Prado/labradío				12		46	0	59
348	27044W00200133	2	133	A Pastoriza	Adelaida Abraira Tella	Prado/labradío				222	1	10	1	232
353	27044W00110178	1	10178	A Pastoriza	Dolores García Valiña	Monte alto				206			41	1.026
353	27044W00110178	1	10178	A Pastoriza	Dolores García Valiña	Monte baixo	105	exist.	41	820			41	1026	10	39
354	27044W00100178	1	178	A Pastoriza	Manuel García Valiña	Prado/labradío	106	88	186	3.730			186	3.730	57	229	70	92