Combustibles Campolongo, S.L., de conformidade co artigo 245 do Regulamento do dominio público hidráulico, solicita autorización para a vetedura dun caudal máximo de 1.369 m3/ano de augas residuais industriais depuradas por infiltración no terreo (cunca da ría de Ares-Betanzos) procedentes das instalacións dunha estación de servizo localizada na estrada N-651 km 16, no lugar de Campolongo-Andrade (T.M. Pontedeume).

As augas residuais industriais xeradas na marxe dereita, procedentes das zonas de descarga e subministración e da ponte de lavado (1.031,04 m3/ano), son tratadas mediante decantador e separador de hidrocarburos antes da súa vertedura por infiltración no terreo (cunca da ría de Ares-Betanzos) mediante pozo filtrante no punto de coordenadas UTM (ETRS89): X=567.262; Y=4.804.037.

As augas residuais industriais xeradas na marxe esquerda, procedentes das zonas de descarga e subministración (337,96 m3/ano), son tratadas mediante decantador e separador de hidrocarburos antes da súa vertedura por infiltración no terreo (cunca da ría de Ares-Betanzos) mediante pozo filtrante no punto de coordenadas UTM (ETRS89): X=567.340; Y=4.804.078.

As augas residuais fecais xeradas en ambas as marxes son conducidas a cadanseus dispositivos estancos, en que se almacenan ata a súa recollida por xestor autorizado.

O que se fai público para xeral coñecemento por un prazo de trinta (30) días, contados a partir do seguinte día ao da data da publicación no Diario Oficial de Galicia do presente anuncio, co fin de que os interesados poidan presentar as súas reclamacións, durante o prazo sinalado, ante Augas de Galicia, en cuxo portal da internet (https://augasdegalicia.xunta.gal/) se atopa exposto o proxecto para que poida ser examinado por quen desexe.

Santiago de Compostela, 21 de febreiro de 2024

Leticia Valladares López
Xefa da Área de Verteduras