En cumprimento do disposto na Lei 24/2013, do 26 de decembro, do sector eléctrico; na Lei 8/2009, do 22 de decembro, pola que se regula o aproveitamento eólico en Galicia e se crea o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia; no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica; na Lei 21/2013, do 9 de decembro, de avaliación ambiental, e demais normas vixentes de aplicación, sométese a información pública a solicitude relacionada coa instalación que se describe a seguir:
Solicitante/promotor: Energías Especiales del Alto Ulla, S.A. (CIF A-83195438).
Domicilio fiscal: r/ Ribeira del Loira, nº 60, 28042 Madrid.
Domicilio para os efectos de notificacións: r/ Fernando de Casas Novoa, nº 35, portal B, 2º, 15707 Santiago de Compostela.
Denominación do proxecto: parque eólico Castelo (renovación tecnolóxica) (nº expediente IN408A 2023/017).
Concellos afectados pola poligonal: Coristanco, Tordoia, Santa Comba e Val do Dubra (A Coruña).
Potencia total: 16,5 MW.
Núm. aeroxeradores para instalar: 3 ud. × 6,5 MW.
Produción neta anual estimada: 57.898 MWh/ano.
Orzamento total (execución material): 20.947.046,84 €.
Prazo de execución: quince (15) meses.
Localización (área de afección):
Parque eólico Castelo |
|
A.D.E. |
Castelo |
Parque eólico Castelo |
||
Vértice poligonal |
UTM ETRS89 fuso 29 |
|
UTM-X |
UTM-Y |
|
1 |
523.770 |
4.772.385 |
2 |
524.785 |
4.771.900 |
3 |
525.655 |
4.772.179 |
4 |
525.848 |
4.772.090 |
5 |
526.045 |
4.771.490 |
6 |
525.605 |
4.771.240 |
7 |
525.840 |
4.769.960 |
8 |
525.610 |
4.769.680 |
9 |
524.740 |
4.770.465 |
10 |
524.740 |
4.770.910 |
11 |
523.760 |
4.771.620 |
12 |
523.100 |
4.771.415 |
13 |
522.620 |
4.771.750 |
14 |
522.620 |
4.772.125 |
15 |
522.860 |
4.772.225 |
16 |
523.050 |
4.772.090 |
Parque eólico Castelo |
||
Aeroxerador |
UTM ETRS89 fuso 29 |
|
UTM-X |
UTM-Y |
|
T01 |
524.102 |
4.771.853 |
T02 |
524.530 |
4.771.433 |
T03 |
525.420 |
4.770.541 |
Parque eólico Castelo |
|||
Torre meteorolóxica |
UTM ETRS89 fuso 29 |
||
UTM-X |
UTM-Y |
||
PMM |
523.866 |
4.771.997 |
|
Parque eólico Castelo |
|||
Subestación |
UTM ETRS89 fuso 29 |
||
UTM-X |
UTM-Y |
||
A |
523.700 |
4.772.261 |
|
B |
523.743 |
4.772.254 |
|
C |
523.729 |
4.772.251 |
|
D |
523.743 |
4.772.249 |
|
E |
523.741 |
4.772.226 |
|
F |
523.724 |
4.772.215 |
|
G |
523.694 |
4.772.222 |
Coordenadas de ampliación da SET, vértices do valado.
Obxecto da actuación:
A modificación substancial consiste na substitución de 25 aeroxeradores actuais de 660 kW de potencia unitaria (16,5 MW en total) por 3 aeroxeradores de 6,5 MW, limitando a potencia activa do parque a 16,5 MW, mantendo deste xeito a potencia actual no parque (16,5 MW). Substituirase a rede colectora do parque, cambiando á súa vez a tensión que pasará de 20 kV a 30 kV, e executarase a adaptación da subestación existente, pasando a ter unha relación de transformación de 30/66 kV.
Instalarase unha torre meteorolóxica para a captación e transmisión da información, e se realizarán as adaptacións no edificio da subestación, así como nos viais de acceso e nos sistemas de drenaxe. Realizarase o axuste das proteccións da subestación Boaña 66 kV.
Na fase de desmantelamento do parque, prevese a retirada dos aeroxeradores e a torre meteorolóxica existentes, as cimentacións e plataformas de montaxe. O desmantelamento do parque á intemperie da subestación e da aparellaxe existente de alta tensión (66 kV) e a desmontaxe da aparellaxe de media tensión (20 kV) (celas e armarios) do edificio de control, así como o desmantelamento das canalizacións eléctricas subterráneas e camiños para os que non se prevé o seu uso coa nova configuración.
Características técnicas da instalación:
• Tres (3) aeroxeradores tripá de 6,5 MW de potencia nominal unitaria, de 170 m de diámetro de rotor e 115 m de altura de buxa, con velocidade e paso variables con sistema de orientación activo. A potencia instalada suma 19,5 MW, co sistema de regulación de potencia activa configurarase para limitar a potencia activa máxima do parque a 16,5 MW de forma permanente, de acordo con potencia admisible no punto de conexión.
• Tres (3) centros de transformación montados no interior das góndolas dos aeroxeradores, de relación de transformación 0,69/30 kV, de 6.500 kVA potencia aparente nominal.
• Unha (1) torre meteorolóxica de medición de 118 m de altura.
• A rede eléctrica soterrada de media tensión (30 kV) do parque eólico ten como obxecto a canalización da enerxía xerada polas aeroturbinas ata a subestación colectora Castelo 30/66 kV (rede colectora). Para iso deséñanse 3 circuítos que constitúen as liñas colectoras do parque. O cable unipolar utilizado será condutor illado con polietileno reticulado XLPE e cuberta de poliolefina, con designación UNE RH5Z1 18/30 kV e seccións de 150, 400 e 630 mm2 de aluminio.
• O sistema de posta a terra será único para a totalidade do parque e estará unido á posta a terra da SET Castelo 30/66kV, estará formado por cable de cobre espido de 1×50 mm2 de sección.
• Rede de comunicacións constituída por condutor de fibra óptica.
• En canto á subestación do parque eólico, aproveitarase a maioría da súa obra civil. Realizaranse as seguintes actuacións:
– Desmantelamento do parque de intemperie da subestación e da aparellaxe existente de alta tensión (66 kV) e desmontaxe da aparellaxe de media tensión (20 kV) (celas e armarios) do edificio de control.
• A nova subestación transformadora 30/66 kV do parque eólico estará composta por:
– Unha posición de liña de 66 kV cos seus correspondentes equipos de protección e medida.
– Unha posición de liña de 30 kV cos seus correspondentes equipos de protección e medida.
– Unha posición de transformador de potencia, elevador, trifásico en baño de aceite, tipo intemperie, de grupo de transformación YNd11, de potencia nominal 20 MVA, cos seus correspondentes equipos de protección e medida.
– Unha posición de batería de condensadores a 30 kV.
– Cela de protección de liña, cela de protección e medida de transformador, cela de protección de servizos auxiliares, cela de protección de batería de condensadores, cela de reserva. Cada sección terá unha estrutura autoportante e conterá compartimentos herméticos cheos de gas SF6, haberá compartimentos separados para o sistema de barras colectoras (incluído o lado da barra colectora de desconexión) e do lado da liña un compartimento con interruptor e seccionadores de liña e interruptores de posta a terra.
– Unha reactancia trifásica do transformador AT/MT de posta a terra en baño de aceite con seccionador e limitación de corrente a 500 A, 30 s.
– Embarrados principais e auxiliares. Embarrado de 66 kV, a conexión da aparellaxe de alta tensión realizarase mediante condutor de aluminio-aceiro 402-AL1/52-ST1A de sección 454,5 mm². Embarrado de 30 kV, a conexión entre o transformador de potencia e a cela de alimentación do módulo de 30 kV faise a través dunha terna de cable de potencia de (3×1×630) mm2 de aluminio, tipo RH5Z1 18/30 kV e terminais flexibles.
– O sistema de posta a terra da subestación consistirá esencialmente nun sumidoiro horizontal de malla de arame de cobre espido de 95 mm2, soterrado a unha profundidade de aproximadamente 0,8 m. O edificio da subestación ten as instalacións conectadas ao sistema de terra cun cable de cobre espido de 95 mm².
• Realizarase o acondicionamento do acceso á subestación, do vieiro de interior e do sistema de drenaxe existente, adecuarase e rehabilitará o edificio. Así mesmo, substituírase o valado interior do parque de intemperie, mantendo o valado exterior.
• No edificio de control e mantemento existente, reformarase a cuberta, que non será unha modificación estrutural.
• Da subestación existente sae unha liña aérea de alta tensión (66 kV) existente que conecta a subestación do parque co módulo de interconexión para entroncamento coa liña a 66 kV Santa Comba-Carballo (apoio 219), denominada LAT 66 kV subestación parque eólico de Castelo, módulo de interconexión LAT 66 kV Santa Comba-Carballo, obxecto dun proxecto independente. Non é alcance do proxecto a modificación da liña existente.
Obxecto da información pública:
A solicitude de autorización administrativa previa, a autorización administrativa de construción e o estudo de impacto ambiental (EIA) das instalacións.
Documentación que se expón:
1. O proxecto de execución do parque eólico Castelo (renovación tecnolóxica) (visado o 20.7.2023).
1.1. Plano xeral do proxecto do parque eólico.
2. O estudo de impacto ambiental (EIA) do parque eólico Castelo (renovación tecnolóxica) (asinado 19.7.2023).
Polo exposto, o proxecto faise público, para o coñecemento xeral, para que poidan examinar a documentación técnica anteriormente relacionada e, se é o caso, presentar as alegacións ou observacións que consideren oportunas dentro do prazo de trinta (30) días, que se contará a partir do día seguinte ao da última publicación deste acordo no Diario Oficial de Galicia (DOG), de conformidade co artigo 33.10 da Lei 8/2009, do 22 de decembro, pola que se regula o aproveitamento eólico en Galicia e se crea o canon eólico e o Fondo de Compensación Ambiental, modificada pola Lei 5/2017, do 19 de outubro, de fomento da implantación de iniciativas empresariais en Galicia, e pola Lei 9/2021, do 25 de febreiro, de simplificación administrativa e de apoio á reactivación económica de Galicia.
A documentación estará á disposición dos interesados nas dependencias da Sección de Enerxía da Xefatura Territorial da Coruña da Consellería de Economía, Industria e Innovación (rúa Vicente Ferrer, núm. 2, 2º andar, 15071 A Coruña, teléfonos 981 18 49 83 e 981 18 49 82), de luns a venres das 9.00 as 14.00 horas, así como na casa dos concellos de Coristanco, Tordoia, Santa Comba e Val do Dubra (A Coruña). Ademais, tamén se poderá consultar no portal web da Consellería de Economía, Industria e Innovación a través da seguinte ligazón:
https://ceei.xunta.gal/transparencia/informacion-publica/en-tramitacion/instalacions-de-xeracion
A Coruña, 15 de febreiro de 2024
Isidoro Martínez Arca
Xefe territorial da Coruña