O Concello Pleno, en sesión do 28 de decembro de 2023, acordou prestar aprobación inicial á modificación puntual das normas subsidiarias de planeamento para a recualificación do asentamento industrial existente no núcleo rural de San Xulián, formulada polo Concello de Sarria segundo a documentación técnica redactada por DVEGA Arquitectura Territorio Medio Ambiente, S.L. e subscrita polo arquitecto Antonio de Vega.
En cumprimento do disposto no artigo 60 da Lei do solo de Galicia e no 144.6 do seu regulamento de desenvolvemento, o citado documento, xunto coa demais documentación integrante do expediente, sométese a información pública polo prazo de dous meses, co fin de que as persoas que se consideren afectadas por este poidan examinar o expediente e deducir, de ser o caso, as alegacións ou observacións que xulguen oportunas.
Notificarase individualmente o acordo de aprobación inicial a todas as persoas titulares catastrais dos terreos afectados que figuran no plano 04 catastral desta modificación.
Así mesmo, este anuncio serve de notificación para as parcelas con titulares catastrais descoñecidos ou para aqueles titulares dos cales se descoñece o seu enderezo.
De conformidade co previsto no artigo 47.2 da LSG, o acordo de aprobación inicial dos instrumentos de planeamento urbanístico determina a suspensión do procedemento de outorgamento de licenzas naqueles ámbitos do territorio obxecto de planeamento no caso no que as novas determinacións deste supoñan a modificación da ordenación urbanística vixente. Para estes efectos determínase expresamente que a área afectada pola suspensión é a comprendida dentro do ámbito do propio documento sometido a aprobación inicial. A suspensión de licenzas terá unha duración máxima de dous anos contados desde a aprobación inicial e extinguirase, en calquera caso, coa aprobación definitiva.
A totalidade do documento técnico e os trámites contidos no expediente poderán consultarse na oficina técnica municipal, das 9.00 ás 14.00 horas, presencialmente a través de cita previa que se poderá obter na sede electrónica do Concello (sede.sarria.es) ou telefonicamente no 982 53 50 00, ou tamén de xeito telemático e mediante acceso á sede electrónica do Concello de Sarria na seguinte ligazón: https://sarria.sedelectronica.es/transparency/c9de2a9f-58b5-41f7-bb10-315ebbc93876/
Sarria, 14 de febreiro de 2024
Claudio Melquiades Garrido Martínez
Alcalde presidente