En cumprimento do disposto na Lei 24/2013, do 26 de decembro, do sector eléctrico, no Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e na Lei 9/2021, do 25 de febreiro, de simplificación administrativa e de apoio á reactivación económica de Galicia, sométese a información pública a solicitude relacionada coas instalacións que se describen a seguir:
Solicitante: UFD Distribución Electricidad, S.A.
Domicilio: avenida San Luis, nº 77, 28033 Madrid.
Denominación: regulamentación LMTA CAS802 no treito entre os apoios núm. D6 e núm. D17 (Ribadavia).
Situación: lugar de Santa Cristina, concello de Ribadavia.
Características principais recollidas no proxecto:
• Substitución na LMT DC CAS802-CAS801, dos apoios existentes números D6, D7, D8, D12 e D13, do tipo HVH, respectivamente, por novos apoios de celosía metálica do tipo C-18/4500, C-14/2000, C-20/2000, C-16/2000 e C-18/2000. Substitución do condutor existente entre os apoios proxectados números D7 e D8 instalando 102 m de novo condutor LA-56.
O obxecto da información pública será a autorización administrativa previa, a autorización administrativa de construción e a declaración de utilidade pública, en concreto, da citada instalación eléctrica. A declaración de utilidade pública levará implícita, de acordo co artigo 56 da Lei 24/2013, do 26 de decembro, do sector eléctrico, a necesidade da urxente ocupación para os efectos da expropiación forzosa dos bens e dereitos afectados necesarios para o establecemento destas instalacións.
Documentación que se expón:
1. O proxecto de execución, asinado polo enxeñeiro industrial David Núñez Fernández, colexiado núm. 1.534 do ICOIIG, o 31 de xaneiro de 2024.
2. A relación concreta e individualizada dos propietarios de bens e de dereitos afectados, que figura no anexo a este acordo.
3. Os planos parcelarios do proxecto.
O que se fai público para o coñecemento xeral, así como, en particular, dos propietarios dos predios que figuran na relación anexa a este acordo e das persoas que, sendo titulares de dereitos reais ou intereses económicos sobre os bens afectados, fosen omitidas, para que poidan examinar a documentación técnica anteriormente relacionada e, se for o caso, presentar as alegacións ou observacións que coiden oportunas dentro do prazo de trinta (30) días, que se contará a partir do día seguinte ao da publicación deste acordo no Diario Oficial de Galicia.
Toda a documentación se poderá examinar na Xefatura Territorial da Consellería de Economía, Industria e Innovación de Ourense, na rúa Curros Enríquez, nº 1, 32003 Ourense, e na seguinte ligazón web da Consellería:
http://ceei.xunta.gal/transparencia/documentos-sometidos-a-informacion-publica
Ourense, 22 de febreiro de 2024
Alicia María López Míguez
Xefa territorial de Ourense
ANEXO
Relación de bens e de dereitos afectados
Núm. de expediente: IN407A 2024/025-3.
Situación: lugar de Santa Cristina, concello de Ribadavia.
Denominación: regulamentación LMTA CAS802 no treito entre os apoios número D6 e número D17 (Ribadavia).
Predio número en proxecto: 3; referencia catastral: 32070A042000320000YD.
Lugar: Monte do Val.
Cultivo: matogueira.
Titular: CMVMC San Paio-Santa Cristina.
Afeccións: ocupación de 2 m2 para o apoio número D8.
Predio número en proxecto: 4; referencia catastral: 32070A043002470000YY.
Lugar: Monte do Val.
Cultivo: Matogueira.
Titular: CMVMC San Paio-Santa Cristina.
Afeccións: ocupación de 4 m2 para os apoios números D12 e D13.