A persoa titular do Servizo de Mobilidade de Lugo acordou a incoación do expediente sancionador número LU-02512-O-2023 por infracción da normativa sobre transporte terrestre.

Intentada a notificación do acordo de incoación por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo, e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia (DOG). En consecuencia, mediante este anuncio notifícase o acordo de incoación ditado á persoa interesada.

É informada de que o expediente sancionador está á súa disposición nas oficinas do Servizo de Mobilidade de Lugo.

Outorgáselle un prazo quince (15) días hábiles, contado desde o día seguinte ao da publicación deste anuncio no BOE, para alegar o que considere conveniente e presentar ou propoñer as probas que considere oportunas.

No suposto que decida voluntariamente pagar a sanción antes de que transcorran trinta (30) días, contados desde o seguinte ao da publicación do presente anuncio no BOE, a súa contía reducirase nun 30 % na forma prevista no artigo 146.3 da Lei 16/1987, do 30 de xullo, de ordenación dos transportes terrestres. A realización do dito pagamento implica a conformidade cos feitos denunciados, a renuncia a formular alegacións por parte da persoa interesada e a terminación do procedemento sancionador.

Lugo, 29 de febreiro de 2024

Mª del Pilar Represa Fernández
Xefa do Servizo de Mobilidade de Lugo

ANEXO

Expediente Matrícula	DNI/CIF denunciado	Infracción denunciada Data-Hora-Estrada-p.q.	Precepto cualificador	Precepto sancionador	Sanción proposta
LU-02512-O-2023 8953-FWB	50904774R	Atenuante. Realizar transporte público de mercadorías en vehículo lixeiro carecendo de título habilitante. 23.11.2023; 8.09.00; A-6; 484,781	Artigo 141.25 en relación co 140.1 da LOTT	Artigo 143.1.k) en relación coa letra f) da LOTT	801 euros