Visto o expediente para outorgamento da autorización administrativa previa e de construción para a instalación eléctrica que a seguir se describe:

Solicitante: Begasa.

Domicilio social: rúa Ramón María Aller Ulloa, 9, 27003 Lugo.

Denominación: ampliación S.E. Meira 132 kV: nova posición de liña 132 kV.

Situación: concello da Pastoriza.

Características técnicas principais:

Ampliación consistente na execución dunha (1) nova posición de liña de características similares ás existentes.

• A posición de liña (L/Estelo) estará composta por:

Tres (3) botellas terminais (instalaranse co proxecto da liña).

Tres (3) autoválvulas.

Un (1) seccionador de liña con posta á terra.

Un (1) interruptor de potencia.

Tres (3) transformadores de intensidade.

Tres (3) transformadores de tensión.

Un (1) seccionador de barras.

Catro (4) puntas Franklin.

• Instalación dun armario de protección e control.

• Sistema de comunicación para o cal se instala un equipo dotado de protección diferencial de liña do tipo SEL-311L.

Finalidade da instalación: ampliación de instalacións.

Orzamento: 355.347,26 euros.

Documentación que se xunta:

• Separata para o Concello da Pastoriza.

• Separata para a CHMS.

• Separata para AXI.

Esta xefatura territorial, de acordo coas competencias que resultan do Decreto 116/2022, do 23 de xuño, polo que se establece a estrutura orgánica da consellería, o Decreto 49/2023, do 19 de maio, polo que se modifica o Decreto 116/2022, do 23 de xuño, polo que se establece a estrutura orgánica da Vicepresidencia Primera e Consellería de Economía, Industria e Innovación, e tendo en conta o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia,

RESOLVE:

En relación coa instalación de alta tensión, concederlles a autorización administrativa previa e de construción ás ditas instalacións sen prexuízo de terceiros e con independencia das autorizacións que sexan necesarias para a execución da obra por parte doutros órganos da Administración, condicionada ao cumprimento das seguintes condicións:

Primeira. As instalacións deberán axustarse na súa execución ao disposto no citado proxecto de execución, e a dirección de obra deberá levala a cabo un técnico competente.

Segunda. A peticionaria asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade.

Terceira. En todo momento deberán cumprirse as normativas e directrices vixentes que sexan de aplicación, en particular canto establecen a Lei 24/2013, do 26 de decembro, do sector eléctrico, o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias.

O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Contra esta resolución poderase interpor recurso de alzada, ante a conselleira de Economía, Industria e Innovación, no prazo dun mes a partir do día seguinte ao da notificación ou publicación desta resolución; tamén se poderá interpor calquera outro recurso que se considere pertinente en dereito.

Lugo, 23 de febreiro de 2024

Gustavo José Casasola de Cabo
Xefe territorial de Lugo