De acordo co establecido polo artigo 27 da Lei 1/2016, do 18 de xaneiro, de transparencia e bo goberno, se a información solicitada puidese afectar dereitos ou intereses de terceiros, debidamente identificados, concederáselle un prazo de quince (15) días para que poidan realizar as alegacións que consideren oportunas. O solicitante deberá de ser informado desta circunstancia, así como da suspensión do prazo para ditar resolución ata que se reciban as alegacións ou teña transcorrido o prazo para a súa presentación (artigo 19.3 da Lei 19/2013).
O 26 de setembro de 2023, solicitouse información á Axencia de Protección da Legalidade Urbanística sobre a existencia dalgún expediente de reposición da legalidade urbanística sobre unha parcela obxecto dun expediente da cal é titular a persoa interesada con DNI 35788510G en representación da empresa con CIF B27725340.
Ao non poderse realizar a notificación persoal do trámite de audiencia á interesada, en representación da empresa mediante esta cédula, e ao abeiro do disposto no artigo 44 da Lei 39/2015, do 1 de outubro, do procedemento administrativo común das administracións públicas, notificáselle á dita persoa interesada, en representación da empresa, o dito trámite por medio dun anuncio no Boletín Oficial del Estado. Transcorrido o dito prazo, a notificación entenderase producida.
Para que conste, e lle sirva de notificación á dita interesada, en representación da empresa, en cumprimento do disposto no artigo 44 de la Lei 39/2015, do procedemento administrativo común das administracións públicas, expido e asino este anuncio.
Santiago de Compostela, 14 de febreiro de 2024
Jacobo Hortas García
Director da Axencia de Protección da Legalidade Urbanística