A Xunta de Goberno Local, na sesión extraordinaria do 22 de decembro de 2023, acordou aprobar inicialmente o expediente expropiatorio para a obtención dos predios afectados polo elemento patrimonial GAL5041017-Torre de Cillobre (A Laracha), de acordo coa modificación puntual número 4 do Plan xeral de ordenación municipal da Laracha, aprobada mediante a Orde do 22 de agosto de 2016 e publicada no DOG núm. 192, do 7 de outubro.
O proxecto de expropiación sométese á información pública polo prazo dun mes, contado desde o día seguinte ao da publicación do presente anuncio, para que aqueles que poidan resultar interesados formulen as observacións e reclamacións que consideren convenientes, en particular, no que atinxe á titularidade ou valoración dos respectivos dereitos.
A Laracha, 4 de xaneiro de 2024
José Manuel López Varela
Alcalde