A Corporación Municipal en Pleno do Concello de Sanxenxo, na sesión ordinaria que tivo lugar o día 27 de novembro de 2023, acordou, por maioría absoluta dos membros de dereito da Corporación presentes, aprobar definitivamente o estudo de detalle para o axuste de aliñacións no ámbito do Plan especial de reforma interior do PEI 15 do Plan xeral de ordenación municipal.
O contido íntegro do estudo de detalle aprobado pode consultarse no taboleiro de anuncios da sede electrónica do Concello de Sanxenxo (https://concellodesanxenxo.sedelectronica.gal/board/).
Contra o presente acordo, en acación do artigo 112.3 da Lei 39/2015, do 1 de outubro, do procedemento administrativo común das administracións públicas, e dado que aproba unha disposición de carácter xeral, poderá interpoñerse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contado desde o día seguinte ao da publicación do presente anuncio, de conformidade co artigo 46 da Lei 29/1998, do 13 de xullo, da xurisdición contencioso-administrativa. Todo iso sen prexuízo de que poida interpoñerse calquera outro recurso que puidese cosiderar máis conveniente a dereito.
Sanxenxo, 3 de xaneiro de 2024
María Deza Martínez
Alcaldesa presidenta accidental