Para cumprir co disposto no artigo 44 da Lei 39/2015, do 1 de outubro, do procedemento administrativo común das administracións públicas, segundo o cal a publicación no Boletín Oficial del Estado resulta preceptiva «cando os interesados nun procedemento sexan descoñecidos, se ignore o lugar da notificación ou ben, intentada esta, non se puidese efectuar...» mediante este anuncio convócanse todas as persoas interesadas ao acto de levantamento das actas de pagamento dos predios afectados pola instalación eléctrica denominada regulamentación da LMTA SAC803 entre os apoios 21 a 23 (Untes), na casa do concello de Ourense, segundo o calendario e o horario que se sinalan no cadro anexo.

As persoas titulares de dereitos sobre os bens afectados deberán comparecer no dito acto por si mesmas ou representadas por unha persoa debidamente autorizada, e exhibir o seu DNI/NIF, así como os documentos acreditativos da titularidade. Tamén deberán achegar unha certificación de titularidade da conta bancaria onde, tras a súa solicitude, se lles ingresará o importe do prezo xusto mediante transferencia.

Ourense, 25 de xaneiro de 2024

Alicia María López Míguez
Xefa territorial de Ourense

ANEXO

Relación de afectados descoñecidos, con enderezo ignorado ou non notificados

Nº de expediente: IN407A 2022/94-3.

Instalación: regulamentación da LMTA SAC803 entre os apoios 21 a 23 (Untes).

Concello: Ourense.

Entidade beneficiaria: UFD Distribución Electricidad, S.A.

Predio núm.	Lugar	Referencia catastral	Titular	Lugar da convocatoria	Data	Hora
3	Rego	32900A066003310000PP	Descoñecido	Casa do Concello de Ourense	12.3.2024	11.00
6	Gandareira	32900A066002390000PO	Descoñecido	Casa do Concello de Ourense	12.3.2024	11.00
10	Suventana	32900A065000500000PI	Descoñecido	Casa do Concello de Ourense	12.3.2024	11.00
11	Souto dos Carreiros	32900A065000070000PO	Descoñecido	Casa do Concello de Ourense	12.3.2024	11.00