A base oitava da Resolución da Dirección Xeral de Recursos Humanos do 11 de maio de 2023 (Diario Oficial de Galicia núm. 98, do 25 de maio), pola que se convoca o proceso selectivo, polo sistema de concurso, para o acceso á condición de persoal estatutario fixo da categoría de pediatra de atención primaria, dispón que contra os resultados da baremación provisional, os/as aspirantes que o consideren oportuno poderán presentar reclamación ante o propio tribunal no prazo de cinco días hábiles contados a partir do seguinte ao da súa publicación no Diario Oficial de Galicia.

Á vista das reclamacións presentadas ou apreciado de oficio polo órgano de selección algún erro material na baremación provisional asignada aos/ás aspirantes, o tribunal practicará as oportunas correccións e aprobará as puntuacións definitivas de méritos do concurso e a relación de aspirantes seleccionados/as, pola orde de puntuación acadada nas diferentes quendas de acceso, e elevará esta relación á autoridade convocante para a súa publicación no Diario Oficial de Galicia.

Na base novena da citada resolución disponse, ademais, que todos/as os/as aspirantes que participan no proceso disporán do prazo de dez días hábiles, contado desde o día seguinte ao desta publicación para a presentación da documentación preceptiva exixida na convocatoria.

De conformidade co anteriormente exposto, esta dirección xeral, como órgano convocante do proceso,

RESOLVE:

Primeiro. Publicar na páxina web do Servizo Galego de Saúde (www.sergas.es) o acordo do tribunal relativo ás puntuacións definitivas de méritos do concurso obtidas polas persoas aspirantes no proceso selectivo para o ingreso na categoría de pediatra de atención primaria.

Cada aspirante poderá consultar, ademais, o detalle da puntuación obtida nas distintas epígrafes do baremo, no seu expediente electrónico persoal en Fides/expedient-e/sección de procesos.

Segundo. Publicar, como anexo I desta resolución, a relación dos/das aspirantes seleccionados/as neste proceso, segundo a orde de puntuación acadada na quenda de acceso libre (única na cal concorren aspirantes), de conformidade co número de prazas convocadas.

Terceiro. Co obxectivo de acadar a máxima axilidade na incorporación dos/as profesionais desta categoría, e en previsión de que algunha persoa aspirante relacionada no anexo I non presente a documentación prevista na base terceira desta resolución, non acredite cumprir os requisitos exixidos, ou non realice a elección de destino, de conformidade coa base novena da resolución de convocatoria, todos/as os/as aspirantes que participan no proceso disporán do prazo de dez días hábiles contados desde o día seguinte ao da súa publicación para a presentación da seguinte documentación:

a) Declaración, baixo a súa responsabilidade, de non ter sido separado/a do servizo, mediante expediente disciplinario, de calquera servizo de saúde ou Administración pública nos seis anos anteriores á convocatoria, nin estar inhabilitado/a con carácter firme para o exercicio de funcións públicas nin, de ser o caso, para a correspondente profesión.

No caso dos/das nacionais doutro Estado, non atoparse inhabilitado/a, por sanción ou pena, para o exercicio profesional ou para o acceso a funcións ou servizos públicos nun Estado membro, nin ter sido separado/a, por sanción disciplinaria, dalgunha das administracións ou servizos públicos nos seis anos anteriores á convocatoria.

b) Certificado médico acreditativo de non padecer enfermidade nin defecto físico que imposibiliten para o exercicio das funcións propias da categoría de pediatra de atención primaria.

c) Por exixencia do artigo 57 da Lei orgánica 8/2021, do 4 de xuño, de protección integral á infancia e á adolescencia fronte á violencia, certificación do Rexistro Central de Delincuentes Sexuais e de Trata de Seres Humanos de non ter sido condenado/a por sentenza firme por algún delito contra a liberdade e indemnidade sexual ou, na súa falta, autorización escrita ao Servizo Galego de Saúde para consultar os datos contidos no citado rexistro e solicitar no seu nome a oportuna certificación.

De acordo coa base novena da Resolución do 11 de maio de 2023, os/as aspirantes que dentro do prazo fixado non presentasen a documentación ou do exame dela se deducise que carecen dalgún dos requisitos para participar no proceso selectivo, non poderán ser nomeados/as persoal estatutario fixo e quedarán anuladas as súas actuacións, sen prexuízo da responsabilidade en que incorresen por falsidade na solicitude inicial.

Cuarto. A relación de prazas que se ofertan aos/ás participantes no proceso, con prestación de servizos en centro/s de saúde e punto/s de atención continuada de referencia, figuran como anexo I da Resolución da Dirección Xeral de Recursos Humanos do 11 de maio de 2023 (Diario Oficial de Galicia núm. 98, do 25 de maio) pola que se convoca o proceso selectivo.

Quinto. Abrir un prazo de dez días hábiles contados a partir do seguinte ao desta publicación para que todos/das os/as aspirantes que participan no proceso seleccionen telematicamente, a través do sistema de información Fides/expedient-e, os destinos ofertados por orde de prelación entre a relación de prazas ofertadas.

Os/as aspirantes seleccionados/as deberán elixir un número de destinos igual ao do posto que ocupan como seleccionado pola orde de prelación que consideren. Sen prexuízo do exposto, se solicitan menos destinos que o posto que ocupan e non resultan adxudicatarios de praza, non poderán ser nomeado/a persoal estatutario fixo e quedarán anuladas as súas actuacións no proceso.

Os/as participantes no proceso selectivo que non teñan a condición de seleccionados/as poderán solicitar todos os destinos ofertados pola orde de prelación que consideren ou aqueles que fosen do seu interese. No suposto de quedaren prazas sen adxudicar entre os/as aspirantes seleccionados/as que figuran no anexo I desta resolución, o nomeamento realizarase pola orde de prelación que resulte da lista definitiva entre aqueles/as aspirantes que achegasen a documentación indicada no punto terceiro desta resolución e elixisen os destinos non adxudicados.

Os/as participantes no proceso selectivo que, no prazo indicado e conforme o procedemento establecido, non seleccionen ningún destino ou non resulten adxudicatarios/as de ningún daqueles polos que optasen, non poderán ser nomeados/as persoal estatutario fixo e quedarán sen efecto todas as súas actuacións neste proceso.

No procedemento de selección de destinos resultarán de aplicación as bases aprobadas pola Resolución desta Dirección do 28 de maio de 2020 (Diario Oficial de Galicia núm. 109, do 5 de xuño).

Sexto. A documentación requirida nesta resolución deberá presentarse nun rexistro administrativo ou a través de calquera dos procedementos previstos no artigo 16 da Lei 39/2015, do 1 de outubro, e deberá dirixirse á Dirección Xeral de Recursos Humanos do Servizo Galego de Saúde, Edificio Administrativo San Lázaro, s/n, 15703 Santiago de Compostela.

Sétimo. De maneira paralela ao presente proceso selectivo, estase a desenvolver o proceso selectivo, polo sistema de concurso, para o acceso á condición de persoal estatutario fixo en diversas especialidades da categoría de facultativo especialista de área convocado pola Resolución do 11 de maio de 2023 (Diario Oficial de Galicia núm. 98, do 25 de maio). Entre as especialidades convocadas inclúese a de pediatría e as súas áreas específicas. Existindo aspirantes que resultan seleccionados neste proceso de pediatra de atención primaria e no proceso de selección de facultativo/a especialista de área na especialidade de pediatría e as súas áreas específicas, unha vez que se realice o procedemento interno de adxudicación de praza e con anterioridade ao nomeamento, o órgano convocante comunicará a estes aspirantes os destinos que se lles adxudicarían en cada unha das categorías (no caso de que seleccionasen destino en ambas as categorías), para os efectos de que manifesten a súa opción por unha delas, dada a imposibilidade de acceder a dúas categorías distintas nos procesos selectivos derivados da Lei 2/2022, ao establecerse a incorporación efectiva como requisito para poder adquirir a condición de persoal estatutario fixo.

Oitavo. A non incorporación ao servizo activo no destino adxudicado e no prazo establecido, sen causa xustificada, sobrevida á solicitude de participación no concurso, ou de forza maior, impedirá a perfección do nomeamento e a adquisición da condición de persoal estatutario fixo do/da aspirante, e quedarán sen efecto todas as súas actuacións no proceso.

A Resolución da Dirección Xeral de Recursos Humanos do 11 de maio de 2023 (Diario Oficial de Galicia núm. 98, do 25 de maio), pola que se convoca o proceso selectivo, ditouse en execución da Lei 2/2022, do 6 de outubro, de medidas extraordinarias dirixidas a impulsar a provisión de postos de difícil cobertura de determinado persoal estatutario con título de especialista en ciencias da saúde do Servizo Galego de Saúde, polo que con base no que establecen o artigo 20.3 da Lei 55/2003, do 16 de decembro, do Estatuto marco do persoal estatutario dos servizos de saúde, así como o artigo 2 da Lei 2/2022, do 6 de outubro, imponse o máximo rigor na exixencia da incorporación efectiva ao servizo como requisito para adquirir a condición de persoal estatutario fixo e prevese expresamente no dito artigo que o persoal seleccionado nos concursos que se executen en aplicación da Lei 2/2022, deberá incorporarse de modo efectivo e permanente ao servizo activo, no destino adxudicado, para adquirir a condición de persoal estatutario fixo.

Tras adquirir esa condición de persoal estatutario fixo, poderá participar nos concursos de traslados da súa categoría, ou nos sistemas de promoción interna ou provisión de prazas doutra categoría e/ou especialidade, cando cumpra os requisitos comúns e acredite dous anos de permanencia na situación de servizo activo no centro elixido e adxudicado como destino no concurso. En consecuencia, deberán ser excluídos de calquera proceso no que estean participando no momento en que se incorporen ao servizo activo como pediatra de atención primaria.

Noveno. Contra a presente resolución, que pon fin á vía administrativa, poderase interpoñer recurso potestativo de reposición ante este órgano directivo, no prazo dun mes a partir do día seguinte ao da súa publicación, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou poderase impugnar directamente na xurisdición contencioso-administrativa, nos termos da Lei 29/1998, do 13 de xullo.

Santiago de Compostela,1 de febreiro de 2024

Ana María Comesaña Álvarez
Directora xeral de Recursos Humanos

ANEXO I

Aspirantes seleccionados/as

Nº orde	DNI	Apelidos e nome	Acceso	Valoración galego	Formación	Experiencia	Outras actividades	Puntuación total
1	***0007**	Collazo Álvarez, Alba María	Libre	5,000	14,000	22,000	4,000	45,000
2	***1228**	Ojea Jorge, Vanesa	Libre	5,000	12,120	19,100	4,000	40,220
3	***9132**	Reis Iglesias, Leticia	Libre	5,000	13,110	18,989	2,200	39,299
4	***7371**	Capelo Míguez, Juan Manuel	Libre	5,000	13,600	17,000	3,400	39,000
5	***4307**	Lemos Bouzas, María Xesús	Libre	5,000	14,000	18,950	0,650	38,600
6	***7256**	Fariña Nogueira, Sabela	Libre	5,000	14,000	14,950	4,000	37,950
7	***4781**	Durán Fernández Feijoo, Begoña	Libre	5,000	13,650	14,168	4,000	36,818
8	***8287**	Vázquez Canal, Raquel	Libre	5,000	12,670	16,000	2,800	36,470
9	***8157**	De Lamas Pérez, Carmela	Libre	5,000	13,140	14,000	4,000	36,140
10	***7120**	Gómez Costas, Ezequiel Josnie	Libre	5,000	12,180	17,600	0,500	35,280
11	***7228**	Camino Barreiro, Iria	Libre	5,000	13,130	13,550	3,300	34,980
12	***5328**	Varela Rey, Verónica	Libre	5,000	13,680	12,200	4,000	34,880
13	***5786**	Vilas Vázquez, Concepción Olga	Libre	5,000	12,060	16,330	1,300	34,690
14	***7381**	Pereiro Fernández, Sara	Libre	5,000	13,620	14,550	1,450	34,620
15	***9355**	Gil González, Clara Eugenia	Libre	5,000	13,620	13,021	2,500	34,141
16	***0447**	Seoane Rodríguez, Marta	Libre	5,000	12,610	12,450	4,000	34,060
17	***1330**	Alvariño Castro, Alberto	Libre	5,000	14,000	11,650	3,300	33,950
18	***8854**	Rivero Calle, Irene	Libre	1,875	14,000	14,000	4,000	33,875
19	***6125**	Mandia Rodríguez, Natalia	Libre	5,000	14,000	10,800	4,000	33,800
20	***4667**	Feáns Ares, Nuria María	Libre	5,000	12,150	13,800	2,800	33,750
21	***7316**	Otero Domínguez, Elvira	Libre	4,375	13,550	11,800	4,000	33,725
22	***8000**	Carnicero Iglesias, Ana	Libre	5,000	12,560	12,000	4,000	33,560
23	***8443**	López Sanguos, Carolina	Libre	5,000	12,140	12,050	4,000	33,190
24	***0163**	Rujido Freire, Susana	Libre	5,000	14,000	11,200	2,950	33,150
25	***4669**	Aramburu Robles, Almudena	Libre	5,000	13,070	11,000	3,800	32,870
26	***0755**	Germil Ares, Iria Noela	Libre	5,000	12,560	12,400	2,800	32,760
27	***7946**	Lorenzo Firvida, Cristina	Libre	5,000	13,630	13,700	0,200	32,530
28	***8052**	García Alonso, Laura	Libre	5,000	14,000	9,250	4,000	32,250
29	***0998**	Alfonso Labandeira, Raquel	Libre	5,000	13,770	9,400	4,000	32,170
30	***6356**	Fernández Villar, Aida María	Libre	5,000	13,550	9,600	4,000	32,150
31	***8902**	Sarmiento Carrera, Nerea	Libre	5,000	14,000	9,142	4,000	32,142
32	***7326**	Álvarez Ferrín, Isabel	Libre	5,000	13,640	11,144	2,100	31,884
33	***4322**	Rodríguez González, Lucía	Libre	5,000	13,600	9,180	4,000	31,780
34	***7748**	Taboas Ledo, María Fernanda	Libre	5,000	13,550	9,600	3,500	31,650
35	***4330**	Pérez Cortizas, Ángela	Libre	5,000	12,670	13,435	0,500	31,605
36	***5229**	Delgado Martín, María Victoria	Libre	5,000	13,070	9,200	4,000	31,270
37	***3653**	Vázquez Gómez, Lorena	Libre	5,000	14,000	9,200	2,900	31,100
38	***9135**	Romero Rey, Henar	Libre	5,000	14,000	10,516	1,450	30,966
39	***0144**	Rios Duro, Héctor	Libre	5,000	14,000	7,800	4,000	30,800
40	***1405**	Vila Díaz, Sonia	Libre	5,000	13,130	9,800	2,800	30,730
41	***8043**	Lomba Estévez, Marta	Libre	5,000	12,570	9,600	3,500	30,670
42	***8838**	Sucasas Alonso, Andrea	Libre	5,000	12,570	8,731	4,000	30,301
43	***0892**	Fernández Viso, Sara	Libre	5,000	13,090	11,210	1,000	30,300
44	***2693**	Gómez Silva, Graciela	Libre	5,000	13,600	7,200	4,000	29,800
45	***4443**	Illade Quinteiro, Laura	Libre	5,000	11,795	9,650	3,250	29,695
46	***6613**	Saez Soto, Rebeca	Libre	5,000	13,080	7,600	4,000	29,680
47	***5575**	González Freiría, Natalia	Libre	5,000	14,000	9,183	1,200	29,383
48	***1310**	Urricelqui Laparte, Gonzalo	Libre	5,000	12,580	7,600	4,000	29,180
49	***4491**	Mariño García, Paula	Libre	5,000	13,260	7,600	3,140	29,000
50	***0560**	Graña Silva, Fátima	Libre	5,000	14,000	9,367	0,600	28,967
51	***8007**	Rodríguez Miguélez, María Teresa	Libre	5,000	13,600	7,600	2,640	28,840
52	***8690**	Fuentes Pérez, Nazareth	Libre	5,000	12,640	7,500	3,240	28,380
53	***9964**	Pardellas Carollo, Yolanda	Libre	5,000	13,110	7,500	2,340	27,950
54	***6073**	Rendo Vázquez, Alicia	Libre	5,000	12,570	9,153	1,100	27,823
55	***7436**	Vila Pérez, Daniel	Libre	5,000	13,000	7,500	2,240	27,740
56	***9395**	Montero Vázquez, David	Libre	5,000	12,090	7,200	3,370	27,660
57	***9541**	Sánchez Rodríguez, Laura	Libre	5,000	14,000	4,600	4,000	27,600
58	***2664**	Bauluz Barcena, María	Libre	5,000	13,730	6,600	1,300	26,630
59	***9108**	Valverde Pérez, Noelia	Libre	5,000	13,050	6,800	1,750	26,600
60	***3264**	López Fernández, Ana	Libre	5,000	13,610	7,323	0,500	26,433