De acordo co previsto no artigo 116 do Regulamento do dominio público hidráulico, aprobado polo Real decreto 849/1986, do 11 de abril, publícase, para xeral coñecemento que, mediante a Resolución da Dirección de Augas de Galicia do 2.11.2023 e, como resultado do expediente incoado para o efecto, outorgouse ao Concello de Cabana de Bergantiños unha concesión de 167.489,13 m3 anuais de auga que procede de varios mananciais situados nas parroquias de Borneiro (San Xoán), Cesullas (Santo Estevo), Canduas (San Martiño), no concello de Cabana de Bergantiños (A Coruña), e na parroquia de Cuns (San Vicenzo), no concello de Coristanco (A Coruña), con destino a abastecemento de poboación.

Santiago de Compostela, 14 de novembro de 2023

José Ángel Someso Anguita
Xefe do Servizo de Tramitación de Autorizacións e Concesións