Examinado o expediente instruído por instancia da empresa UFD Distribución Electricidad, S.A., con enderezo para os efectos de notificación na avenida San Luis, 77, 28033 Madrid, aprécianse os seguintes

Antecedentes de feito.

Primeiro. Con data do 5 de decembro de 2022, a citada empresa solicita a autorización administrativa previa e de construción e a declaración de utilidade pública, en concreto, para a instalación eléctrica regulamentación LAMT CHA811 Saviñao 11 entre os apoios BKEA85DF//D110-35 e BK8LVCQC//D110-35-8 O Saviñao (Lugo), no concello do Saviñao. Preséntase o preceptivo proxecto das instalacións a que fai referencia o Real decreto 1955/2000, do 1 de decembro (BOE núm. 310, do 27 de decembro), que regula as actividades de transporte, distribución, comercialización, subministración e procedementos de autorización de instalacións de enerxía eléctrica, e xúntase a relación concreta e individualizada de bens e dereitos afectados pola instalación que determina a Lei 24/2013, do 26 de decembro, do sector eléctrico (BOE núm. 310, do 27 de decembro) e o artigo 143 do Real decreto 1955/2000, antes citado.

Segundo. O proxecto someteuse a información pública para os efectos previstos na Lei 24/2013, do 26 de decembro, do sector eléctrico, e no Real decreto 1955/2000, do 1 de decembro, mediante o Acordo desta xefatura territorial do 22 de decembro de 2022. Este acordo foi publicado no DOG do 18 de xaneiro de 2023, no taboleiro de anuncios da citada xefatura territorial e no taboleiro de anuncios do concello do Saviñao. Con esta resolución inseríase a relación de bens e dereitos afectados.

Este acordo deixouse sen efecto, debido a que a RBDA foi modificada posteriormente polo promotor, xa que contiña un erro relativo ás afeccións.

Terceiro. O proxecto someteuse de novo a información pública para os efectos previstos na Lei 24/2013, do 26 de decembro, do sector eléctrico, e no Real decreto 1955/2000, do 1 de decembro, mediante o Acordo desta xefatura territorial do 29 de setembro de 2023. Esta resolución foi publicada no diario La Voz de Galicia do 30 de outubro de 2023 e no DOG do 24 de outubro de 2023, no taboleiro de anuncios da citada xefatura territorial e no taboleiro de anuncios do concello do Saviñao. Con esta resolución inseríase a relación de bens e dereitos afectados.

Así mesmo, practicouse notificación individual aos interesados incluídos na relación de bens e dereitos afectados. Así mesmo, para aquelas notificacións que non se puideron practicar, ditouse un anuncio de notificación, que se publicou no DOG e no taboleiro de edictos único do BOE.

Cuarto. Enviáronselles separatas relativas ao proxecto aos diferentes organismos afectados e cumpríronse os trámites establecidos no artigo 127 do Real decreto 1955/2000, do 1 de decembro.

Quinto. Durante o trámite de información pública non se presentaron alegacións.

Sexto. Persoal dos servizos técnicos desta xefatura territorial emitiu informe favorable sobre a solicitude obxecto deste expediente, de acordo co disposto na Lei 24/2013, do 26 de decembro, do sector eléctrico, e no Real decreto 1955/2000, do 1 de decembro. Igualmente, unha vez revisado sobre o terreo o trazado da liña eléctrica proxectada, os referidos servizos técnicos informan que non se dá ningunha das limitacións para a imposición da servidume de paso de enerxía eléctrica a que se refire o artigo 161 do Real decreto 1955/2000, en relación co artigo 58 da Lei 24/2013, sobre os predios incluídos na relación de bens e dereitos que foi obxecto de información pública e sobre os que a empresa beneficiaria non chegou a un acordo amigable cos seus propietarios.

A estes feitos son de aplicación os seguintes

Fundamentos de dereito:

Primeiro. A esta xefatura territorial correspóndelle resolver sobre a presente solicitude de acordo coas competencias que resultan do Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación, e tendo en conta o Decreto 9/2017, do 12 de xaneiro (DOG núm. 22, do 1 de febreiro), sobre órganos competentes para autorización de instalacións eléctricas na Comunidade Autónoma de Galicia, en relación co Real decreto 1955/2000, do 1 de decembro, e a Lei 24/2013, do 26 de decembro, do sector eléctrico.

Segundo. No expediente cumpríronse os trámites sinalados no artigo 53 da Lei 24/2013, e os regulamentarios previstos nos capítulos II e V do título VII do Real decreto 1955/2000, do 1 de decembro, que regula o procedemento de autorización de instalacións de enerxía eléctrica.

Terceiro. Á vista do informe técnico e do resto da documentación que figura no expediente, considérase que procede a autorización da instalación eléctrica.

Cuarto. Sen prexuízo do anterior, cómpre ter en conta que consonte o artigo 151 do citado Real decreto 1955/2000, do 1 de decembro, en calquera momento a empresa beneficiaria e os titulares dos necesarios bens e dereitos poden convir un mutuo acordo, o que causaría a correspondente conclusión do expediente expropiatorio.

De acordo co exposto e en virtude das competencias que ten atribuídas, esta xefatura territorial

RESOLVE:

Primeiro. Conceder a autorización administrativa á empresa UFD Distribución Electricidad, S.A. para o establecemento da instalación eléctrica denominada regulamentación LAMT CHA811 Saviñao 11 entre apoios BKEA85DF//D110-35 e BK8LVCQC//D110-35-8 O Saviñao (Lugo), no concello do Saviñao, coas seguintes características técnicas principais:

– Reforma da LAMT CHA811 Saviñao 11, a 20 kV, no tramo comprendido entre os apoios núms. BKEA85DF//D110-35 e BK8LVCQC//D110-35-8 coa substitución dos sete apoios de madeira existentes por dous apoios de celosía metálica tipo C-2000-16 e un de chapa tubular tipo CH-630-11P e cambio do condutor LA-30 existente por LA-56, cunha lonxitude de 400 m.

Segundo. Conceder a autorización administrativa de construción para a execución do proxecto da instalación eléctrica regulamentación LAMT CHA811 Saviñao 11 entre os apoios BKEA85DF//D110-35 e BK8LVCQC//D110-35-8 O Saviñao (Lugo).

Terceiro. Declarar a utilidade pública, en concreto, da instalación eléctrica obxecto do presente expediente, o que implica a necesidade de ocupación dos bens ou da adquisición dos dereitos afectados e a urxente ocupación para os efectos do artigo 52 da Lei de expropiación forzosa. Por isto, en cumprimento do disposto neste artigo, acórdase que polo representante da Administración se dea comezo, na data e hora que a cada interesado se lle notificará individualmente, ao levantamento das actas previas á ocupación dos predios contidos na relación de bens e dereitos publicada no diario La Voz de Galicia do 30 de outubro de 2023 e no Diario Oficial de Galicia do 24 de outubro de 2023, expostas no taboleiro de anuncios desta xefatura territorial e no taboleiro de anuncios do concello do Saviñao. Así mesmo, faise constar que ata o momento do levantamento das actas previas poderanse formular as alegacións que se consideren oportunas, para os efectos de rectificar posibles erros na relación de bens afectados que foi obxecto de publicación nos medios e nas datas anteriormente referidos. Estas alegacións deberanse presentar por escrito perante esta xefatura territorial da Consellería de Economía, Industria e Innovación (Edificio Administrativo da Xunta de Galicia de Lugo, rolda da Muralla, 70, 27071 Lugo).

Todo isto de acordo coas condicións seguintes:

Primeira. As instalacións que se autorizan terán que realizarse de acordo coas especificacións e cos planos que figuran no proxecto regulamentación LAMT CHA811 Saviñao 11 entre os apoios BKEA85DF//D110-35 e BK8LVCQC//D110-35-8 O Saviñao (Lugo).

Segunda. A peticionaria asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que se manterán as condicións regulamentarias de seguridade con carácter permanente.

Terceira. Deberase cumprir canto establece a lexislación técnica de liñas eléctricas de alta tensión e as súas instrucións técnicas complementarias, de acordo co Real decreto 223/2008, do 15 de febreiro, así como, de ser o caso, a lexislación aplicable ás instalacións de baixa tensión e as súas instrucións técnicas complementarias de acordo co Real decreto 842/2002, do 2 de agosto, ademais do resto de normativa e directrices vixentes que sexan de aplicación.

Cuarta. Para introducir modificacións nas instalacións que afecten datos básicos do proxecto será necesaria a autorización previa desta xefatura territorial.

Quinta. O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.

Sexta. Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.

Esta publicación realízase igualmente para os efectos do artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), cando os titulares dos predios propostos sexan descoñecidos, non se saiba o lugar de notificación, ou ben, intentada a notificación, non se puidera realizar e así dirixirlle ao Ministerio Fiscal as dilixencias que se produzan de conformidade co artigo 5 da Lei de expropiación forzosa, do 16 de decembro de 1954.

Contra esta resolución, que non é definitiva en vía administrativa, cabe interpor recurso de alzada ante o conselleiro de Economía, Industria e Innovación no prazo dun mes, a partir do día seguinte ao da súa notificación/publicación, de conformidade cos artigos 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpor calquera outro recurso que consideren pertinente.

Lugo, 12 de xaneiro de 2024

O xefe territorial de Lugo
P.A. (Artigo 41.3 do Decreto 116/2022, do 23 de xuño)
Juan Carlos Morán del Pozo
Xefe do Servizo de Industria

ANEXO

Relación de bens e dereitos afectados polo proxecto de regulamentación LAMT CHA811 Saviñao 11 entre os apoios BKEA85DF//D110-35 e BK8LVCQC//D110-35-8 O Saviñao (Lugo)

Concello: O Saviñao (Lugo).

Expediente: IN407A 2022/253-2.

Predio núm.	Políg.	Parc.	Lugar	Cultivo	Propietario	Apoio nº	Apoio sup. (m2)	Afeccións ml aér.	Afeccións m2 aér.
1	93	145	Cubela	Matogueira	Hdros. María Filomena Rodríguez López	BKD4JNK4//D110-35-1	2	76,26	1.219,97
2	93	146	Cubela	Matogueira	Hdros. Antonio García Álvarez	-	-	36,42	565,80
4	93	149	Chao	Matogueira	Isaac Sánchez López	-	-	3,62	82,55
5	93	141	Cubela	Matogueira, prados ou pradarías	Hdros. Damaso Blanco Cidre	BKBHWCO2//D110-35-4	2	69,60	870,46
6	93	134	Cubela	Matogueira, prados ou pradarías	Ramón Alvarín Rodríguez	-	-	17,00	103,93
7	93	140	Cubela	Matogueira	Elia Taboada Expósito	-	-	-	4,39
8	93	135	Cubela	Prados ou pradarías	Manuel Sánchez Díaz	-	-	58,52	897,75
12	118	84	Rañadoira	Prados ou pradarías	Isaac Sánchez López	-	-	36,61	585,25