Na sesión celebrada o día 18.12.2023, o Xurado Provincial de Clasificación de MVMC de Lugo, por unanimidade, acordou aprobar os seguintes deslindamentos entre montes veciñais e proceder ás oportunas modificacións nos expedientes correspondentes:
– MVMC Moncaio, Rego Serra Pequena, Cornado, Pedrouzo e Veiga (exp. 64/76), pertencente aos veciños da parroquia de Reigada (Monforte de Lemos); MVMC Serra de Moncais, Serra de Parte e O Cornado (exp. 12/2000), pertencente aos veciños da parroquia da Parte (Monforte de Lemos); MVMC Serra de Moncaio (exp. 14/99), pertencente aos veciños da parroquia de Fornelas (A Pobra do Brollón); MVMC San Roque e Cornao (exp. 2/2001), pertencente aos veciños da parroquia de Ribasaltas (Monforte de Lemos).
O 29.9.2022 tivo entrada unha solicitude relativa ao acordo de deslindamento levado a cabo entre a comunidade de Reigada e as comunidades da Parte, Fornelas e Ribasaltas, en canto ás liñas que separan os seus montes veciñais.
Aportan acta de deslindamento, planos topográficos, acta de conciliación e certificacións de aprobación por parte das comunidades implicadas.
O 8.11.2023, o Servizo de Montes emitiu un informe (2022_217) no que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Moncaio, Rego Serra Pequena, Cornado, Pedrouzo e Veiga: 166 ha.
– MVMC Serra de Moncais, Serra de Parte e O Cornado: 117 ha.
– MVMC Serra de Moncaio: 61 ha.
– MVMC San Roque e Cornao: 51 ha.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo I, ao final deste anuncio.
– MVMC Serra de Moncais, Serra de Parte e O Cornado (exp. 12/2000), pertencente aos veciños da parroquia da Parte (Monforte de Lemos); MVMC Serra de Moncaio (exp. 14/99), pertencente aos veciños da parroquia de Fornelas (A Pobra do Brollón); MVMC San Roque e Cornao (exp. 2/2001), pertencente aos veciños da parroquia de Ribasaltas (Monforte de Lemos).
O 29.9.2022 foi presentada unha solicitude relativa ao acordo de deslindamento levado a cabo por avinza entre a comunidade da Parte coas de Fornelas e Ribasaltas, en canto ás liñas divisorias que separan os seus montes veciñais. Aportan acta de deslindamento, planos topográficos, acta de conciliación e certificacións de aprobación por parte das comunidades implicadas.
O 8.11.2023, o Servizo de Montes emitiu un informe (2022_243) no que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Serra de Moncais, Serra de Parte e O Cornado: 119 ha.
– MVMC Serra de Moncaio: 60 ha.
– MVMC San Roque e Cornao: 50 ha.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo II, ao final deste anuncio.
– MVMC San Pedro (exp. 134/75), pertencente aos veciños da parroquia de San Pedro do Incio (O Incio); e MVMC Veneira (exp. 2/75), pertencente aos veciños da parroquia da Veneira de Roques (A Pobra do Brollón).
O 29.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Aportan acta de deslindamento, planos topográficos, acta de conciliación e certificacións de aprobación por parte das comunidades implicadas.
O 31.10.2023, o Servizo de Montes emitiu un informe (2022_225) no que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC San Pedro: 615,9 ha.
– MVMC Veneira: 324,4 ha.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo III, ao final deste anuncio.
– MVMC Veneira (exp. 2/75), pertencente aos veciños da parroquia da Veneira de Roques (A Pobra do Brollón); e MVMC Trascastro (exp. 78/78), pertencente aos veciños da parroquia de Trascastro (O Incio).
O 29.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais.
Aportan acta de deslindamento, planos topográficos, acta de conciliación e certificacións de aprobación por parte das comunidades implicadas.
O 3.11.2023, o Servizo de Montes emitiu un informe (2022_263) no que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Veneira: 297,35 ha.
– MVMC Trascastro: 990,78 ha.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo IV, ao final deste anuncio.
– MVMC Segade, Costa de Vilar e de Cinza, Castelo, Cotón e Musgallón (exp. 45/80), pertencente aos veciños da parroquia de Orbazai; e MVMC Penas do Caldeiro, Travesa, Raiola, Pedrafita e Pedreiras (exp. 39/80), pertencente aos veciños da parroquia de Adai. Ambos no concello de Lugo.
O 29.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais.
Aportan acta de deslindamento, planos topográficos, acta de conciliación e certificacións de aprobación por parte das comunidades implicadas.
O 19.10.2023, o Servizo de Montes emitiu un informe (2022_256) no que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Segade, Costa Vilar e de Cinza, Castelo, Cotón e Musgallón: 109,5 ha.
– MVMC Penas do Caldeiro, Travesa, Raiola, Pedrafita e Pedreiras: 369,1 ha.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo V, ao final deste anuncio.
– MVMC Barrazoso e Fontefría (exp. 7/77), pertencente aos veciños da parroquia de Gaibor, concello de Begonte; e MVMC Barrazoso e Fragavella (exp. 85/79), pertencente aos veciños da parroquia de Ladra, concello de Vilalba.
O 28.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades, en canto á liña divisoria que separa os seus montes veciñais. Aportan acta de deslindamento, planos topográficos, acta de conciliación e certificacións de aprobación por parte das comunidades implicadas.
O 31.11.2023, o Servizo de Montes emitiu un informe (2022_167) no que se recollen as modificacións que se producen como consecuencia do deslindamento acordado e se especifican as seguintes superficies resultantes:
– MVMC Barrazoso e Fontefría: 526,7 ha.
– MVMC Barrazoso e Fragavella: 125,35 ha.
Examinada a documentación presentada, o xurado, por unanimidade, acorda aprobar o deslindamento practicado e proceder ás oportunas modificacións nos respectivos expedientes.
Este deslindamento correspóndese co plano do anexo VI, ao final deste anuncio.
Contra estes acordos, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46 da Lei 29/1998, do 13 de xullo, da xurisdición contencioso-administrativa.
Lugo, 10 de xaneiro de 2024
María Olga Iglesias Fontal
Presidenta do Xurado Provincial de Clasificación de
Montes Veciñais en Man Común de Lugo
