Como consecuencia da entrada en vigor da Lei 7/2012, do 28 de xuño, de montes de Galicia, e coa finalidade de levar a cabo o establecido na disposición transitoria décimo terceira con respecto á revisión de esbozos de montes veciñais en man común, o Xurado, na reunión que tivo lugar o 17 de setembro de 2012, acordou solicitar ao Servizo de Montes a realización de propostas de revisión e elaboración de cartografías actualizadas dos montes veciñais da provincia, susceptibles de tal adecuación.
En relación con isto, na sesión realizada polo Xurado Provincial o día 18 de decembro de 2023 figuran os seguintes acordos:
– MVMC Carlín (expediente 25/76) pertencente aos veciños da parroquia de Carlín, concello de Friol.
O 4.4.2022 tivo entrada unha solicitude da comunidade de Carlín, para que se proceda á revisión do esbozo do seu monte veciñal conforme a proposta que achegan.
O 23.10.2023, o Servizo de Montes elaborou unha memoria co novo esbozo (2022_14) na cal se recolle que a superficie do monte de Carlín pasa a ser de 114,17 ha.
Examinada a dita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo I, ao final deste anuncio.
– MVMC Veneira (expediente 2/75), pertencente aos veciños do lugar da Veneira de Roques, na parroquia de Ferreiros, concello da Pobra do Brollón.
O 4.5.2022 tivo entrada unha solicitude da comunidade da Veneira de Roques para que se proceda á revisión do esbozo do seu monte veciñal conforme a proposta que achegan.
O 8.11.2023, o Servizo de Montes elaborou unha proposta co novo esbozo (2022_17), na cal se recolle que a superficie do monte de Veneira pasa a ser de 267,68 ha.
Examinada a dita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo II, ao final deste anuncio.
– MVMC Sambreixo (expediente 47/73), pertencente aos veciños da parroquia de San Breixo, no concello de Monterroso.
O 6.5.2022 tivo entrada unha solicitude da comunidade de Sambreixo para que se proceda á revisión do esbozo do seu monte veciñal conforme a proposta que achegan.
O 8.11.2023, o Servizo de Montes elaborou unha proposta de novo esbozo (2022_19) na cal se recolle que a superficie do monte Sambreixo pasa a ser de 362,93 ha.
Examinada a dita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo III, ao final deste anuncio.
– MVMC Bendilló (expediente 119/75), pertencente aos veciños do lugar de Bendilló, na parroquia de Bendilló, concello de Quiroga.
O 28.9.2022 tivo entrada unha solicitude da comunidade de Bendilló para que se proceda á revisión do esbozo do seu monte veciñal conforme a proposta que achegan.
O 24.11.2023, o Servizo de Montes elaborou unha proposta de novo esbozo (2022_206) na cal se recolle que a superficie do monte de Bendilló pasa a ser de 65,59 ha.
Examinada a dita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo IV, ao final deste anuncio.
– MVMC Vilar de Lor (expediente 28/73), pertencente aos veciños da parroquia de Vilar de Lor, no concello de Quiroga.
O 23.6.2022 tivo entrada unha solicitude da comunidade de Vilar de Lor (mellorada o 29.6.2022 e 10.10.2023) para que se proceda á revisión do esbozo do monte veciñal, conforme a proposta que achegan.
O 27.11.2023, o Servizo de Montes elaborou unha proposta de novo esbozo (2022_30) na cal se recolle que a superficie do monte de Vilar de Lor pasa a ser de 1.466,47 ha.
Examinada a dita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo V, ao final deste anuncio.
– MVMC Liñares (expediente 47/75), pertencente aos veciños da parroquia de Liñares, no concello da Pobra do Brollón.
O 23.9.2022 tivo entrada unha solicitude da comunidade de Liñares para que se proceda á revisión do esbozo do monte veciñal, conforme a proposta que achegan.
Examinada a proposta, observouse a incorporación de parcelas cuxa titularidade correspondía a outras comunidades de MVMC, polo que non procedía a súa inclusión no monte de Liñares mediante o procedemento de revisión de esbozo. En relación con isto, comunicóuselle a modificación da proposta nun trámite de audiencia e, transcorrido o prazo, a comunidade de Liñares non presentou alegacións ao respecto.
O 27.11.2023, o Servizo de Montes elaborou unha proposta de novo esbozo (2022_117) na cal se recolle que a superficie do monte de Liñares pasa a ser de 231,32 ha.
Examinada a dita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo VI, ao final deste anuncio.
– MVMC Balsas e Valdeconde (expediente 4/75), pertencente aos veciños da parroquia de Lamaigrexa e dos lugares de Domiz e O Pereiro da parroquia de Salcedo, no concello da Pobra do Brollón.
O 27.9.2022 tivo entrada unha solicitude da dita comunidade para que se proceda á revisión do esbozo do seu monte veciñal, conforme a proposta que achegan.
O 30.10.2023 dáselle trámite de audiencia á comunidade deste monte e á do Salcedo e Beirán ca finalidade de garantir coherencia gráfica e topoloxía entre ambos os montes. Ningunha das comunidades presentou alegacións ao respecto.
O 28.11.2023, o Servizo de Montes elaborou unha proposta de novo esbozo (2022_158) na cal se recolle que a superficie do monte de Balsas e Valdeconde pasa a ser de 559,30 ha.
Examinada a dita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo VII, ao final deste anuncio.
– MVMC Serra de Moncaio (expediente 14/99), pertencente aos veciños da parroquia de Fornelas, no concello da Pobra do Brollón.
O 13.11.2023 tivo entrada unha solicitude da comunidade de Fornelas para que se proceda á revisión do esbozo do monte veciñal, conforme a proposta que achegan (mellorada o 29.11.2023 tras serlles requirido).
O 4.12.2023, o Servizo de Montes elaborou unha proposta de novo esbozo (2023_5) na cal se recolle que a superficie do monte Serra de Moncaio pasa a ser de 76,18 ha.
Examinada a dita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo VIII, ao final deste anuncio.
– MVMC Serra da Artesiña (expediente 112/75), pertencente aos veciños de Bendilló e Chao da Casa, no concello de Quiroga.
O 28.9.2022 tivo entrada unha solicitude da comunidade de Bendilló e Chao da Casa, para que se proceda á revisión do esbozo do monte veciñal, conforme a proposta que achegan (mellorada o 26.11.2023 tras serlles requirido).
O 30.11.2023, o Servizo de Montes elaborou unha proposta de novo esbozo (2022_207) na cal se recolle que a superficie do monte Serra da Artesiña pasa a ser de 229,23 ha.
Examinada a dita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo IX, ao final deste anuncio.
– MVMC Torbeo (expediente 132/76), pertencente aos veciños da parroquia de Torbeo, no concello de Ribas de Sil.
O 28.9.2022 tivo entrada unha solicitude da comunidade de Torbeo, para que se proceda á revisión do esbozo do monte veciñal, conforme a proposta que achegan.
O Servizo de Montes elaborou unha proposta de novo esbozo (2022_210) na cal se recolle que a superficie do monte de Torbeo pasa a ser de 470,03 ha.
Examinada a dita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo X, ao final deste anuncio.
– MVMC Vilar de Mondelo (expediente 113/76), pertencente aos veciños de Vilar de Mondelo, na parroquia de Bendilló, concello de Quiroga.
O 29.9.2022 tivo entrada unha solicitude da comunidade de Vilar de Mondelo para que se proceda á revisión do esbozo do monte veciñal, conforme a proposta que achegan.
O 2.12.2023, o Servizo de Montes elaborou unha proposta de novo esbozo (2022_214) na cal se recolle que a superficie do monte de Vilar de Mondelo pasa a ser de 492,91 ha.
Examinada a dita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo XI, ao final deste anuncio.
– MVMC Enciñeira (expediente 117/75), pertencentes aos veciños da parroquia da Enciñeira, no concello de Quiroga.
O 29.9.2022 tivo entrada unha solicitude da comunidade de Enciñeira para que se proceda á revisión do esbozo do monte veciñal, conforme a proposta que achegan.
O 5.12.2023, o Servizo de Montes elaborou unha proposta de novo esbozo (2022_220) na cal se recolle que a superficie do monte Enciñeira pasa a ser de 980,15 ha.
Examinada a dita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo XII, ao final deste anuncio.
– MVMC Barrazoso e Fontefría (expediente 7/77), pertencentes aos veciños da parroquia de Gaibor, no concello de Begonte.
O 16.6.2022 tivo entrada unha solicitude da comunidade de Gaibor, para que se proceda á revisión do esbozo do monte veciñal, conforme a proposta que achegan. A solicitude foi mellorada o 1.12.2023.
O Servizo de Montes elaborou unha proposta de novo esbozo (2022_315) na cal se recolle que a superficie do monte Barrazoso e Fontefría pasa a ser de 534,68 ha.
Examinada a dita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo XIII, ao final deste anuncio.
Contra os estes acordos, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición, ante o Xurado Provincial de Clasificación de Montes Veciñais en Man Común de Lugo, no prazo dun mes, ou ben directamente recurso contencioso-administrativo, ante o Xulgado do Contencioso-Administrativo de Lugo, no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa.
Lugo, 10 de xaneiro de 2024
María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo