Para os efectos previstos na disposición transitoria décimo terceira da Lei 7/2012, do 28 de xuño, de montes de Galicia, dáselle publicidade ao acordo do Xurado Provincial de Clasificación de Montes Veciñais en Man Común de Pontevedra, do 2 de outubro de 2023, ao respecto da revisión do esbozo e elaboración da cartografía actualizada dos montes veciñais denominados Montes do Viso, Monte Puntal, Cabaleiro (parte norte) e Gándara (11 bis), da CMVMC do Viso, no concello de Redondela (Pontevedra) (expediente RE22002).
O 25.9.2023 o Servizo de Montes desta xefatura territorial emitiu o seguinte informe:
«Feitos:
Primeiro. O 2.8.2022 e con número de solicitude 2022/1994215, a Comunidade de Montes Veciñais en Man Común (en diante, CMVMC) do Viso solicitou a revisión do esbozo dos montes:
– Montes do Viso_(Id. 3089).
– Monte Puntal, Cabaleiro (parte norte) e Gándara (11 bis)_(Id. 3091).
A dita solicitude deu lugar á apertura do expediente RE22002. Consta no expediente:
– Memoria técnica da revisión do esbozo de setembro de 2023, asinada pola enxeñeira técnica forestal núm. 1.227 do COETF de Galicia.
– Certificado do secretario coa conformidade do presidente da CMVMC do Viso, do 14.6.2023, da aprobación do esbozo na asemblea do 26.6.2022.
– Cartografía en formato dixital.
Segundo a memoria técnica, levouse a cabo un levantamento topográfico das parcelas con GPS de precisión centimétrica en que se percorreu todo o perímetro con varios membros da xunta reitora. Durante ese percorrido identificáronse muros e marcos que separan a comunidade doutras propiedades particulares; así mesmo, a CMVMC do Viso formalizou deslindamentos coa maioría das CMVMC coas que estrema (Ventosela, Arcade de Riba, Alxán de Abaixo, Alxán de Arriba e Moreiras).
A CMVMC do Viso ten os seguintes deslindamentos en tramitación, cos cales coincide esta revisión: DC22002 coa CMVMC de Alxán de Arriba, DC22009 coa CMVMC de Moreiras, DC22010 coa CMVMC de Arcade de Arriba, e DC22131 coa CMVMC de Alxán de Abaixo.
A CMVMC do Viso ten un deslindamento aprobado (expediente DESC-05/18) coa comunidade de Ventosela. Esta revisión axústase a este deslindamento.
Segundo. O obxecto da revisión son os esbozos dos seguintes montes do Viso:
– Monte con Id. 3089 clasificado o 4.12.1980 cunha superficie de 128 ha.
– Monte con Id. 3091 clasificado o 30.5.2001, cunha superficie de 7,15 ha.
Os montes A Lomba_Id. 4025 e Torreiro da Gándara_Id. 4461 non son obxecto desta revisión porque teñen unha planimetría máis actualizada.
Segundo os datos do Sistema rexistral forestal, a comunidade tiña un convenio, agora rescindido, co elenco núm. 3615519. Dispón dun documento de ordenación forestal inscrito no Rexistro de Montes Ordenados de Galicia co núm. 3600304 e unha superficie de 132,78 ha.
Terceiro. A revisión do esbozo proposta dos montes con Id. 3089 e 3091 ten unha superficie de 142,60 ha (fronte ás 135,15 ha clasificadas, 128 ha do monte con Id. 3089 e 7,15 ha do monte con Id. 3091), e un perímetro de 19,99 m e, segundo o indicado na memoria técnica, queda definido do seguinte xeito:
– Monte A Peneda.
Cabida: 8,51 ha.
Perímetro: 2.766 m.
Lindeiro norte: MVMC de Arcade de Riba e propiedade particular.
Lindeiro sur: camiño municipal e propiedades particulares.
Lindeiro leste: MVMC de Alxán de Abaixo.
Lindeiro oeste: camiños e propiedades particulares de José Ramón Blanco Luna, Roberto Bouzón González, Milagros Táboas Rodríguez, Rosa Lago Alján, Josefa Martínez Bouzón, Eulalia Vidal Martínez e outros.
– Monte Espiño.
Cabida: 64,20 ha.
Perímetro: 4.980 m.
Lindeiro norte: MVMC de Pedroso e Alxán de Arriba.
Lindeiro sur: MVMC de Ventosela.
Lindeiro leste: MVMC de Pedroso; de Alxán de Arriba e de Moreiras.
Lindeiro oeste: propiedades particulares.
– Monte Outeiro Grande.
Cabida: 61,58 ha.
Perímetro: 9.176 m.
Lindeiro norte: propiedades particulares de Bernardo López Rodríguez, Amalia Franco Soto, María Veiga Blanco, José López, Abel Lorenzo Sotelino, María del Carmen Martínez Conde e outros.
Lindeiro sur: propiedades particulares de José Ramón Martínez López e outros e camiño municipal.
Lindeiro leste: propiedades particulares e camiño municipal.
Lindeiro oeste: camiño municipal, Camiño de Santiago e propiedades particulares de María Esther Bouzas Vidal, Dolores Fernández Vidal e outros.
Encravados (xa descontados da superficie total): parcelas catastrais 36045A00200093 e 36045A00200094, cunha superficie total de 6.317 m2.
– Monte Cabaleiro.
Cabida: 4,41 ha.
Perímetro: 1.173 m.
Lindeiro norte: camiño, propiedades particulares de Juan Cabaleiro, José Muleiro Soto, Gloria Muñoz Iglesias e outros.
Lindeiro sur: MVMC de Cesantes.
Lindeiro leste: propiedades particulares de Emilia García Cabaleiro, Ofelia Couñago García, Arsenio Lameiro García, Rogelia Cendón Cabaleiro e outros.
Lindeiro oeste: alargamento da estrada Pontevedra-Vigo (Ministerio de Fomento) e estrada municipal a Soutoxuste.
– Monte A Gándara.
Cabida: 2,41 ha.
Perímetro: 1.070 m.
Lindeiro norte: camiño e propiedades particulares de Juan Carlos Collazo Durán, José Durán Bouzón, María Teresa Vidal Soto, Antonio Amoedo e outros.
Lindeiro sur: propiedades particulares de Celso López Martínez e outros.
Lindeiro leste: propiedades particulares de Lucía Vidal Cabaleiro, Domingo López Martínez e outros.
Lindeiro oeste: estrada municipal e propiedades particulares de Servando Barro Abella, Emilia Martínez Vidal, Antonio Barral Barral, Armando Lago Martínez e outros.
– Monte Puntal.
Cabida: 1,49 ha.
Perímetro: 827 m.
Lindeiro norte: MVMC da Xesteira, Ministerio de Fomento (ADIF) e camiño.
Lindeiro sur: ría de Vigo, Ministerio de Fomento (ADIF).
Lindeiro leste: camiño.
Lindeiro oeste: ría de Vigo.
Cuarto. O 30.11.2022, o Xurado Provincial de Clasificación de MVMC de Pontevedra acordou solicitar ao Servizo de Montes unha proposta coa revisión e elaboración da cartografía actualizada do monte veciñal clasificado a favor da CMVMC do Viso (Redondela), expediente RE22002, coa finalidade de dar cumprimento ao establecido na disposición transitoria décimo terceira da Lei 7/2012, do 28 de xuño, de montes de Galicia.
Consideracións legais e técnicas:
Primeira. A Lei 7/2012, do 28 de xuño, de montes de Galicia (en diante, LMG), na súa disposición transitoria décimo terceira establece o procedemento de revisión de esbozos de montes veciñais en man común.
Segunda. A revisión do esbozo dos montes:
– Montes do Viso_(Id. 3089).
– Monte Puntal, Cabaleiro (parte norte ) e Gándara (11 bis)_(Id. 3091).
Pertencentes á CMVMC do Viso, proposta polo Servizo de Montes, é a presentada pola comunidade e queda definida consonte os datos reflectidos no antecedente de feito terceiro, as coordenadas en UTM (ETRS 89) dos puntos medidos con GPS e a cartografía que se achega con este informe».
Vista a proposta de revisión presentada polo Servizo de Montes sobre a adaptación do esbozo dos montes veciñais Montes do Viso, Monte Puntal, Cabaleiro (parte norte) e Gándara (11 bis) e de conformidade co previsto na disposición transitoria décimo terceira da Lei 7/2012, do 28 de xuño, de montes de Galicia, este xurado provincial, por unanimidade dos seus membros,
ACORDA:
Aprobar a revisión do esbozo dos montes veciñais denominados Montes do Viso, Monte Puntal, Cabaleiro (parte norte) e Gándara (11 bis) clasificados a prol da CMVMC do Viso, no concello de Redondela, segundo a proposta do Servizo de Montes e a planimetría elaborada por este.
Pontevedra, 29 de decembro de 2023
Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra