Na sesión celebrada polo xurado provincial o día 18.12.2023, figura o seguinte acordo:

MVMC Foxas, Pedrouzos e Grañedos (expediente 27/83), pertencente aos veciños da parroquia de Pías, concello de Lugo.

– O 14.10.2020 tivo entrada unha proposta, aprobada pola comunidade de Pías, de deslindamento parcial do seu monte con propiedades particulares.

– De acordo co establecido no procedemento regulado polo artigo 54 da Lei 7/2012, de montes de Galicia, o 10.8.2021, logo de informe favorable do Servizo de Montes, publicouse no DOG o anuncio polo que se fixo pública a proposta de deslindamento e abriuse o prazo de alegacións para o expediente 7DES_2020. Así mesmo, o anuncio foi publicado no concello de Lugo e na web da Consellería do Medio Rural.

– O 11.10.2021, a comunidade propietaria comunica que non recibiu alegacións e presenta a proposta de deslindamento con cartografía. Sobre ela, o 26.1.2022, o Servizo de Montes emitiu un informe favorable, de acordo co indicado no citado artigo 54.2.

– O 23.11.2023 tivo entrada a proposta definitiva, aprobada pola comunidade de Pías, así como a documentación requirida no procedemento.

– O 4.12.2023, o Servizo de Montes elaborou unha memoria en que se especifican as modificacións cartográficas e de medición que se producen como consecuencia do deslindamento. Tras o deslindamento, o MVMC Foxas, Pedrouzos e Grañedos pasa a ter 49,51 hectáreas.

De conformidade co disposto no artigo 54.3 da Lei 7/2012, no caso de informe favorable, unha vez ratificado o deslindamento provisional pola asemblea xeral, darase traslado ao xurado provincial dos acordos acadados, o xurado provincial de montes veciñais en man común ditará resolución aprobatoria do deslindamento.

En vista do anterior, o xurado, por unanimidade, acorda aprobar o deslindamento e realizar as oportunas correccións no expediente, de conformidade co informe elaborado polo Servizo de Montes.

O plano que figura no anexo, ao final deste anuncio, corresponde ao monte veciñal tras o deslindamento aprobado.

Contra este acordo, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46 da Lei 29/1998, do 13 de xullo, da xurisdición contencioso-administrativa.

Lugo, 10 de xaneiro de 2024

Mª Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo