Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

Solicitante: UFD Distribución Electricidad, S.A.

Domicilio social: avenida de América, 38, 28028 Madrid.

Denominación: LMTS RED709 e substitución por CTC do CTI Cesantes praia (36A465).

Situación: Redondela.

Características técnicas:

Liña de media tensión subterránea (LMTS) a 15 kV, con condutor RHZ1, de 1.190 metros de lonxitude, coa orixe e final na LMTS RED7091333, na intersección da avenida Mendiño á altura do número 30, facendo entrada e saída no centro de transformación proxectado.

Centro de transformación compacto a 250 kVA, con relación de transformación de 15 kV/400 V, situado na parcela con referencia catastral 36045A016016050000WH, na rúa Telleira, Redondela.

Retirada do centro de transformación intemperie Cesantes praia (36A465).

A instalación está situada en Redondela, no concello de Redondela (Pontevedra).

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, avenida María Victoria Moreno, 43, 36071 Pontevedra, no prazo máximo de trinta días, a partir da última publicación ou notificación individual.

O proxecto encóntrase a disposición do público para a súa consulta no portal da Consellería de Economía, Industria e Innovación (https://economia.xunta.gal/transparencia/documentos-sometidos-a-informacion-publica?langId=gl_ES) durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia.

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.

Pontevedra, 26 de decembro de 2023

Beatriz López del Olmo
Xefa territorial de Pontevedra

ANEXO

Nº expediente: IN407A 2023/467-4.

Denominación: LMTS RED709 e substitución por CTC do CTI Cesantes praia (36A465).

Concello: Redondela.

Nº	Lugar	Cultivo	Referencia catastral	Titular	CT (m2)	Afeccións
						ml sub	m2 sub
1	Pio	Rústico	36045A016016050000WH	Descoñecido/a	16,81	4,25	35,22