Advertido un erro na versión en galego da citada orde, publicada no Diario Oficial de Galicia número 4, do día 5 de xaneiro de 2024, cómpre facer a seguinte corrección:
Na páxinas 773 e 774, no parágrafo terceiro do punto 3 do artigo 16. Resolución, onde di:
«A resolución sinalará tamén a data máxima para xustificar o investimento, incluídos a súa facturación e pagamento efectivo, así como a presentación da documentación necesaria para tramitar o cobramento da subvención correspondente. Esta data será cando menos posterior en dez días á data prevista no calendario presentado, sen que en ningún caso se supere en cada anualidade a data do 10 de outubro. Non obstante, excepcionalmente, no caso de que a resolución de concesión das axudas sexa posterior ao día un de setembro de 2024, a data máxima para xustificar o investimento na primeira anualidade poderá ser posterior á referida data do 10 de outubro, sen que se supere o día 29 de decembro de 2023. En todo caso, a referida data máxima de xustificación figurará expresamente indicada na resolución de concesión»; debe dicir: «A resolución sinalará tamén a data máxima para xustificar o investimento, incluídos a súa facturación e o pagamento efectivo, así como a presentación da documentación necesaria para tramitar o cobramento da subvención correspondente. Esta data será cando menos posterior en dez días á data prevista no calendario presentado, sen que en ningún caso se supere en cada anualidade a data do 10 de outubro. Non obstante, excepcionalmente, no caso de que a resolución de concesión das axudas sexa posterior ao día 1 de setembro de 2024, a data máxima para xustificar o investimento na primeira anualidade poderá ser posterior á referida data do 10 de outubro, sen que se supere o día 29 de decembro de 2024. En todo caso, a referida data máxima de xustificación figurará expresamente indicada na resolución de concesión».