Para os efectos previstos na disposición transitoria décimo terceira da Lei 7/2012, do 28 de xuño, de montes de Galicia, dáselle publicidade ao Acordo do Xurado Provincial de Clasificación de Montes Veciñais en Man Común de Pontevedra, do 2 de outubro de 2023, respecto da revisión do esbozo e elaboración da cartografía actualizada do monte veciñal denominado Soutelo da Comunidade de Montes Veciñais en Man Común de Soutelo, no concello de Forcarei (expediente RE22063).
O 22.9.2023 o Servizo de Montes desta xefatura territorial emite o seguinte informe:
«Feitos:
Primeiro. O 29.9.2022, con número de solicitude 2022/2399897, a Comunidade de Montes Veciñais en Man Común (en diante, CMVMC) de Soutelo de Montes, no concello de Forcarei, presenta documentación en relación coa revisión do esbozo do monte Soutelo e solicita a súa aprobación. A dita solicitude deu lugar á apertura do expediente RE22063. Consta no expediente:
– Certificado do secretario coa conformidade do presidente da CMVMC de Soutelo do 7.9.2023 da aprobación en asemblea do 16.7.2022.
– Cartografía en formato dixital
– Memoria técnica da revisión do esbozo do monte de Soutelo de agosto de 2022. Asinada polo enxeñeiro forestal número 296 do COETF de Galicia.
Segundo a memoria técnica para a determinación dos límites do monte estableceuse como guía principal a cartografía catastral actualizada, identificando aquelas parcelas catastrais que pertencen ao monte. Tamén se tivo en conta a descrición dos límites que se nomean na carpeta ficha e o límite dos concellos propostos polo IGN. En canto ao límite con particulares, tivéronse en conta os muros que separan os predios particulares do monte.
Segundo. A CMVMC de Soutelo ten os seguintes expedientes de deslindamento en tramitación:
DC22055 e DC22104 coa CMVMC de Sixto; DC22102 coa CMVMC de Lamas; DC22103 coa CMVMC de Sanguñedo; DC22105 coa CMVMC da Ermida e DC23001 coa CMVMC dos Codesás.
Nestes expedientes de deslindamento presenta axustes en formato shape dos esbozos das seguintes comunidades: Lamas, Sanguñedo, Sixto e Os Codesás. Estes axustes coinciden e xustifican as liñas de deslindamento.
Terceiro. O obxecto da revisión do esbozo é o monte veciñal en man común (en diante, MVMC) de Soutelo (ID 2718), con Resolución de clasificación do 15 de xullo de 1976 e unha superficie de 270 ha.
Segundo os datos do Sistema Rexistral Forestal, ten un convenio con elenco número 3615618 e unha superficie de 161 ha. Dispón dun documento de ordenación forestal inscrito no Rexistro de Montes Ordenados de Galicia co número 360011-01. Consta un expediente de prevalencia co número PO-11-EXP/01 e unha superficie de 1,013 ha, que corresponde cun tramo da liña de evacuación do parque eólico Masgalán-Campo de Coco situado na CMVMC de Masgalán de Arriba.
Cuarto. A revisión do esbozo proposto ten unha superficie de 289,20 ha (fronte ás 270 ha clasificadas) e un perímetro total de 20,27 e segundo o indicado na memoria técnica queda definido do seguinte xeito:
Monte: Soutelo.
Superficie: 289,20 ha.
Perímetro: 20,27 km.
Linde norte: monte veciñal de Sanguñedo.
Linde sur: monte veciñal de Sixto e Lamas.
Linde leste: monte veciñal dos Codesás, San Xusto e A Ermida e predios particulares delimitados con muros.
Linde oeste: predios particulares delimitados con muros.
Encravados (xa descontados da superficie total):
– Parcela catastral 36018A05500556 cunha superficie de 1.063 m2.
– Parcelas catastrais: 36018A30000365; 36018A30000366; 36018A30000367, cunha superficie total de 4.300 m2.
– Parcela catastral 36018A30000477 cunha superficie de 67 m2.
Nesta revisión o monte queda dividido en 4 partes, 3 separadas por estradas e a cuarta por parcelas particulares:
|
Situación |
Sup. 1 |
Perímetro |
|
1 |
14,66 |
2,38 |
|
2 |
126,88 |
10,09 |
|
3 |
143,22 |
6,64 |
|
4 |
4,45 |
1,16 |
|
Total |
289,20 |
20,27 |
Quinto. O 1.3.2023, o Xurado Provincial de Clasificación de MVMC de Pontevedra acorda solicitar ao Servizo de Montes unha proposta coa revisión e elaboración da cartografía actualizada do monte veciñal clasificado a favor da CMVMC de Soutelo de Montes, no concello do mesmo nome, expediente RE22063, coa finalidade de dar cumprimento ao establecido na disposición transitoria décimo terceira da Lei 7/2012, do 28 de xuño, de montes de Galicia.
Consideracións legais e técnicas:
Primeira. A Lei 7/2012, do 28 de xuño, de montes de Galicia (en diante, LMG), na súa disposición transitoria décimo terceira, establece o procedemento de revisión de esbozos de montes veciñais en man común.
Segunda. A revisión do esbozo do monte Soutelo con ID 2718, pertencente á CMVMC de Soutelo, no concello de Forcarei, proposta polo Servizo de Montes é a presentada pola comunidade e queda definida consonte o antecedente de feito cuarto e a cartografía que acompaña este informe».
Vista a proposta de revisión presentada polo Servizo de Montes sobre a adaptación do esbozo do monte veciñal denominado Soutelo e de conformidade co previsto na disposición transitoria décimo terceira da Lei 7/2012, do 28 de xuño, de montes de Galicia, este xurado, por unanimidade dos seus membros,
ACORDA:
Aprobar a revisión do esbozo parcial do monte veciñal denominado Soutelo clasificado a prol da CMVMC de Soutelo (Forcarei), segundo a proposta do Servizo de Montes e a planimetría elaborada por este.
Pontevedra, 29 de decembro de 2023
Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra