Para os efectos previstos no artigo 53 da Lei 7/2012, do 28 de xuño, de montes de Galicia, dáse publicidade ao acordo adoptado polo Xurado Provincial de Clasificación de Montes Veciñais en Man Común de Pontevedra, o 2 de outubro de 2023, en relación co deslindamento parcial entre as comunidades de montes veciñais en man común de Soutelo de Montes e Codesás (concello de Forcarei), ao respecto da estrema común dos seus montes (expediente DC23001).
Feitos:
Primeiro. O 2.9.2022, o presidente da comunidade de montes veciñais en man común (en diante CMVMC) de Soutelo de Montes presentou no rexistro electrónico da Xunta de Galicia, co núm. de entrada 2022/2183531, solicitude de deslindamento entre a CMVMC de Soutelo de Montes e a CMVMC de Codesás, ambas no concello de Forcarei.
Os montes veciñais en man común (en diante MVMC) afectados por este deslindamento son:
– MVMC de Soutelo (ID monte: 2718) da CMVMC de Soutelo de Montes.
– MVMC de Codesás (monte: 2710) da CMVMC Codesás.
Segundo. Consta no expediente a seguinte documentación do deslindamento consonte o artigo 53 da Lei 7/2012:
• Acta do apeo do deslindamento o 9.4.2022.
• Acta de conciliación (X53 conciliación 0000433/2022) entre as comunidades no Xulgado de Primeira Instancia e Instrución número 2 da Estrada o 15.11.2022.
Certificados da aprobación do deslindamento nas asembleas de ambas as CMVMC: CMVMC de Soutelo de Montes o 16.7.2022 e CMVMC de Codesás o 18.6.2022.
Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829. Asinado o 31.08.2022 polo técnico colexiado núm. 296 do COETF de Galicia
Informe de validación gráfica catastral con CSV: W77Q4JMEZ1TVFXGE (para a comunicación da alteración catastral consonte o artigo 55.3 da Lei 7/2012), que polo principio de colaboración entre administracións deberá verificar a Xerencia Territorial do Catastro.
Terceiro. A liña de deslindamento proposta ten unha lonxitude de 134 metros e está composta polos seguintes puntos:
Punto 1 - |
x: 559.180,59 |
y: 4.708.975,93 |
Punto 2 - |
x: 559.180,01 |
y: 4.708.990,82 |
Punto 3 - |
x: 559.182,99 |
y: 4.709.025,19 |
Punto 4 - |
x: 559.183,22 |
y: 4.709.044,52 |
Punto 5 - |
x: 559.183,10 |
y: 4.709.064,04 |
Punto 6 - |
x: 559.182,16 |
y: 4.709.080,67 |
Punto 7 - |
x: 559.177,77 |
y: 4.709.109,83 |
Punto 8 - |
x: 559.118,41 |
y: 4.709.521,09 |
Revisada a cartografía das resolucións de clasificación de ambos os MVMC, detéctase que existe estrema entre as comunidades pero non é coincidente coa liña do deslindamento, xa que existe un desprazamento desta con respecto á realidade. Este desprazamento é corrixido pola revisión de esbozo parcial da CMVMC de Codesás (RE23003), xustificando así a estrema na totalidade do deslindamento.
O deslindamento está formado por 2 tramos:
Tramo 1: punto 1 – punto 7
Tramo 2: punto 8
O punto 8 é o punto no cal converxen a CMVMC de Sanguñedo, a CMVMC de Codesás e a CMVMC de Soutelo de Montes, e coincide co punto 1 do expediente DC22103 (deslindamento entre a CMVMC do Soutelo de Montes e CMVMC de Sanguñedo).
O deslindamento establécese mediante acordo das comunidades implicadas no mesmo.
A liña do deslindamento produce unha modificación na cartografía dos esbozos de clasificación das seguintes comunidades:
– CMVMC de Soutelo de Montes: o expediente de revisión de esbozo RE22063 xa recolle o deslindamento actual.
– CMVMC de Codesás: o expediente de revisión de esbozo RE22003 xa recolle o deslindamento actual.
O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.
Consideracións legais e técnicas:
Primeira. A presente resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.
Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
De acordo cos feitos e consideracións legais e técnicas expostos, o Xurado, por unanimidade dos seus membros,
ACORDA:
Aprobar o deslindamento parcial realizado entre a CMVMC de Soutelo de Montes e a CMVMC de Codesás, ambas no concello de Forcarei, respecto da súa estrema común, nos termos indicados no feito terceiro.
Contra a presente resolución, que pon fin á vía administrativa, poderase interpoñer recurso de reposición con carácter potestativo ante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo ante o Xulgado do Contencioso-Administrativo de Pontevedra no prazo de dous meses contados desde o día seguinte ao da súa publicación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e cos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Pontevedra, 27 de decembro de 2023
Antonio Crespo Iglesias
Presidente do Xurado Provincial de Clasificación de
Montes Veciñais en Man Común de Pontevedra