Para os efectos previstos no artigo 53 da Lei 7/2012, do 28 de xuño, de montes de Galicia, dáse publicidade ao acordo adoptado polo Xurado Provincial de Clasificación de Montes Veciñais en Man Común de Pontevedra, o 2 de outubro de 2023, en relación co deslindamento parcial entre as comunidades de montes veciñais en man común de Soutelo de Montes e O Sisto (concello de Forcarei), ao respecto da estrema común dos seus montes (expediente DC22104).
Feitos:
Primeiro. O 29.9.2022, o presidente da comunidade de montes veciñais en man común (en diante, CMVMC) de Soutelo de Montes presentou no rexistro electrónico da Xunta de Galicia, co núm. de entrada 2022/2399887, solicitude de deslindamento entre a CMVMC de Soutelo de Montes e a CMVMC do Sisto, ambas no concello de Forcarei.
Os montes veciñais en man común (en diante MVMC) afectados por este deslindamento son:
– MVMC de Soutelo (ID monte: 2718) da CMVMC de Soutelo de Montes.
– MVMC do Sisto (ID monte: 2708) da CMVMC do Sisto.
Segundo. Consta no expediente a seguinte documentación do deslindamento consonte o artigo 53 da Lei 7/2012:
– Acta do apeo do deslindamento o 29.4.2022.
– Acta de conciliación (X53 conciliación 0000500/2022) entre as comunidades no Xulgado de Primeira Instancia e Instrución número 1 o 14.12.2022.
– Certificados da aprobación do deslindamento nas asembleas xerais de ambas as CMVMC: CMVMC de Soutelo de Montes o 16.7.2022 e CMVMC do Sisto o 28.6.2022.
– Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829. Asinado o 31.8.2022 polo técnico colexiado núm. 296, do COETF de Galicia.
– Informe de validación gráfica catastral con CSV: SMT5GHHK2YDD560T (para a comunicación da alteración catastral consonte o artigo 55.3 da Lei 7/2012), que polo principio de colaboración entre administracións deberá verificar a Xerencia Territorial do Catastro.
Terceiro. A liña de deslindamento proposta ten unha lonxitude de 1.705 metros e está composta polos seguintes puntos:
|
Punto 1 - |
x: 558.408,33 |
y: 4.707.324,78 |
|
Punto 2 - |
x: 558.399,35 |
y: 4.707.323,43 |
|
Punto 3 - |
x: 558.392,54 |
y: 4.707.322,88 |
|
Punto 4 - |
x: 558.379,72 |
y: 4.707.322,31 |
|
Punto 5 - |
x: 558.361,86 |
y: 4.707.322,30 |
|
Punto 6 - |
x: 558.317,66 |
y: 4.707.322,88 |
|
Punto 7 - |
x: 558.271,90 |
y: 4.707.322,49 |
|
Punto 8 - |
x: 558.248,51 |
y: 4.707.322,97 |
|
Punto 9 - |
x: 558.240,79 |
y: 4.707.322,84 |
|
Punto 10 - |
x: 558.234,81 |
y: 4.707.322,45 |
|
Punto 11 - |
x: 558.229,14 |
y: 4.707.321,65 |
|
Punto 12 - |
x: 558.224,49 |
y: 4.707.320,35 |
|
Punto 13 - |
x: 558.220,55 |
y: 4.707.318,30 |
|
Punto 14 - |
x: 558.215,57 |
y: 4.707.314,96 |
|
Punto 15 - |
x: 558.210,71 |
y: 4.707.310,09 |
|
Punto 16 - |
x: 558.204,28 |
y: 4.707.299,93 |
|
Punto 17 - |
x: 558.141,03 |
y: 4.707.354,08 |
|
Punto 18 - |
x: 557.909,32 |
y: 4.707.563,55 |
|
Punto 19 - |
x: 557.796,89 |
y: 4.707.667,16 |
|
Punto 20 - |
x: 557.495,98 |
y: 4.707.949,33 |
|
Punto 21 - |
x: 557.325,72 |
y: 4.708.095,57 |
|
Punto 25 - |
x: 557.230,12 |
y: 4.708.193,45 |
|
Punto 22 - |
x: 557.223,09 |
y: 4.708.186,72 |
|
Punto 24 - |
x: 557.015,42 |
y: 4.708.407,24 |
|
Punto 23 - |
x: 556.884,09 |
y: 4.708.509,52 |
No traballo de gabinete establécense catro puntos de deslindamento secundarios para respectar o dominio público hidráulico, polo que neste tramo non existe estrema entre ambos (o deslindamento realizarase coa Administración competente):
|
Punto 20a - |
x: 557.488,14 |
y: 4.707.956,07 |
|
Punto 20b - |
x: 557.483,74 |
y: 4.707.959,85 |
|
Punto 20c - |
x: 557.403,66 |
y: 4.708.028,63 |
|
Punto 20d - |
x: 557.402,03 |
y: 4.708.030,02 |
Revisada a cartografía das resolucións de clasificación de ambos os MVMC, detéctase que existe estrema entre ambos e non afecta terceiros propietarios.
O deslindamento está formado por 4 tramos:
– Tramo 1: punto 1-punto 20a.
– Tramo 2: punto 20b-punto 20c.
– Tramo 3: punto 20d-punto 25.
– Tramo 4: punto 24-punto 23.
A liña de deslindamento entre o punto 1 e o punto 16 establécese pola metade do camiño.
A numeración dos puntos que forman a liña de deslindamento non é correlativa no tramo 3 (formada polos puntos 20d, 21, 22 e 25) e no tramo 4 (formada polos puntos 24 e 23). A descontinuidade entre o tramo 3 e 4 débese á existencia de propiedades particulares.
O punto 1 é o punto no cal converxen a CMVMC de Lamas, a CMVMC do Sisto e a CMVMC de Soutelo de Montes, e coincide co punto 55 do expediente DC22102 (deslindamento entre a CMVMC do Soutelo de Montes e CMVMC de Lamas) e o punto P01 do expediente DC22056 (deslindamento entre as CMVMC do Sisto e CMVMC de Lamas).
O deslindamento establécese mediante acordo das comunidades implicadas nel.
A liña do deslindamento produce unha modificación na cartografía dos esbozos de clasificación das seguintes comunidades:
– CMVMC de Soutelo de Montes: o expediente de revisión de esbozo RE22063 xa recolle o deslindamento actual.
– CMVMC do Sisto: o punto P1 pecha a liña do deslindamento co resto do esbozo a través do expediente DC22056. E achega un pequeno axuste para pechar os puntos P23, P24 e P25 do deslindamento co resto do esbozo do seu MVMC.
O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.
Consideracións legais e técnicas:
Primeira. A presente resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.
Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
De acordo cos feitos e consideracións legais e técnicas expostos, o Xurado, por unanimidade dos seus membros,
ACORDA:
Aprobar o deslindamento parcial realizado entre a CMVMC de Soutelo de Montes e a CMVMC do Sisto, ambas no concello de Forcarei, respecto da súa estrema común, nos termos indicados no feito terceiro.
Contra a presente resolución, que pon fin á vía administrativa, poderase interpoñer recurso de reposición con carácter potestativo ante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo ante o Xulgado do Contencioso-Administrativo de Pontevedra no prazo de dous meses contados desde o día seguinte ao da súa publicación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e cos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Pontevedra, 27 de decembro de 2023
Antonio Crespo Iglesias
Presidente do Xurado Provincial de Clasificación de Montes Veciñais
en Man Común de Pontevedra