O 6 de xullo de 2023 publicouse no Diario Oficial de Galicia núm. 128 a Resolución do 23 de xuño de 2023 pola que se establecen as bases reguladoras para a concesión, en réxime de concorrencia competitiva, das axudas para a iniciativa Fábrica intelixente e sustentable, orientada a proxectos de investigación industrial, desenvolvemento experimental e innovación centrados en tecnoloxías industriais innovadoras para apoiar as empresas na súa transición industrial, en liña coas prioridades europeas en materia de dixitalización e pacto verde, e se procede á súa convocatoria para o ano 2023 (código de procedemento IN854A).
O artigo 35 das bases reguladoras, relativo á xustificación da subvención, establece no punto 2 os seguintes prazos para ter dereito ao pagamento da axuda: o prazo de execución da primeira anualidade, isto é, o prazo de emisión das facturas (realización de gastos) e realización de pagamentos dos gastos executados é desde a data de presentación da solicitude ata o 30 de novembro de 2023. O prazo de xustificación da primeira anualidade, isto é, o prazo para a presentación da documentación, é o 15 de decembro de 2023.
Rematado o prazo de presentación de solicitudes o día 2 de outubro de 2023, comprobouse que o número de solicitudes recibidas superaba considerablemente as previsións, de tal modo que imposibilita resolver a convocatoria antes dos prazos de xustificación da primeira anualidade.
Polo tanto, procede modificar os prazos de execución e xustificación das anualidades e anular os créditos correspondentes á anualidade 2023 e transferilos á anualidade 2024.
Consecuentemente con todo o anterior, a directora da Axencia Galega de Innovación, no exercicio das facultades que lle confire o artigo 17.3 do Decreto 50/2012, do 12 de xaneiro, polo que se crea a Axencia Galega de Innovación,
DISPÓN:
Artigo primeiro. Modificación da Resolución do 23 de xuño de 2023 pola que se establecen as bases reguladoras para a concesión, en réxime de concorrencia competitiva, das axudas para a iniciativa Fábrica intelixente e sustentable e se procede á súa convocatoria para o ano 2023 (código de procedemento IN854A)
Un. Modifícase o punto 1 do artigo 7. Financiamento, que queda redactado nos seguintes termos:
«1. As subvencións imputaranse ao capítulo VII do orzamento da Axencia Galega de Innovación ás aplicacións orzamentarias que se indican neste artigo:
|
Eixe |
OE |
Beneficiarios |
Aplicación |
2024 |
2025 |
2026 |
Total |
|
01 |
11 |
Grandes empresas |
05.A2.561A.770.0 (CP:2023.00004) |
3.000.000 |
8.000.000 |
4.000.000 |
15.000.000 |
|
01 |
11 |
Pemes |
05.A2.561A.770.0 (CP:2023.00004) |
1.000.000 |
3.000.000 |
1.000.000 |
5.000.000 |
|
01 |
11 |
Organismos de investigación privados |
05.A2.561A.781.0 (CP:2023.00004) |
750.000 |
1.000.000 |
250.000 |
2.000.000 |
|
01 |
11 |
Sistema universitario de Galicia |
05.A2.561A.744.0 (CP:2023.00004) |
750.000 |
1.000.000 |
250.000 |
2.000.000 |
|
Total |
5.500.000 |
13.000.000 |
5.500.000 |
24.000.000» |
|||
Dous. Modifícase o punto 2 do artigo 35. Xustificación da subvención, que queda redactado nos seguintes termos:
«2. Prazos de execución e de xustificación:
a) Prazos de execución:
Períodos de emisión das facturas (realización de gastos) e realización de pagamentos dos gastos executados:
|
Emisión das facturas (realización de gastos) e realización de pagamentos |
||||
|
Primeira anualidade |
desde |
a data de presentación da solicitude |
ata |
o 30 de setembro de 2024 |
|
Segunda anualidade |
desde |
o 1 de outubro de 2024 |
ata |
o 30 de setembro de 2025 |
|
Terceira anualidade |
desde |
o 1 de outubro de 2025 |
ata |
o 30 de setembro de 2026 |
b) Prazos de xustificación (presentación da documentación):
|
Prazos de xustificación |
||
|
Primeira anualidade |
ata |
o 16 de decembro de 2024 |
|
Segunda anualidade |
ata |
o 15 de decembro de 2025 |
|
Terceira anualidade |
ata |
o 15 de decembro de 2026 |
En todo caso, considerarase gasto realizado o que foi efectivamente pagado con anterioridade á finalización do prazo de execución. Exceptúanse desta regra xeral os gastos cuxos pagamentos se deban efectuar nun momento posterior por se axustaren aos calendarios de recadación, como os ingresos á conta do IRPF ou cotas de seguros sociais liquidables con posterioridade á data de execución. A entidade subvencionada quedará obrigada a presentar os documentos acreditativos do pagamento antes de finalizar o mes en que lle corresponde liquidar eses gastos».
Disposición derradeira única
Esta resolución entrará en vigor o día seguinte ao da súa publicación no Diario Oficial de Galicia.
Santiago de Compostela, 29 de decembro de 2023
Patricia Argerey Vilar
Directora da Axencia Galega de Innovación