O Pleno da Corporación Provincial, na sesión ordinaria realizada o día 27 de outubro de 2023, aceptou por unanimidade a delegación do Concello de Sandiás na Deputación Provincial do exercicio das competencias de recadación en executiva de diversos tributos e ingresos de dereito público, de conformidade co establecido no artigo 7 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais, e no artigo 106.3 da Lei 7/1985, do 2 de abril, reguladora das bases de réxime local. O citado acordo publícase nos seguintes termos:
«Aceptar a delegación de competencias efectuada polo Concello de Sandiás a favor da Deputación Provincial, mediante o Acordo plenario do 27 de outubro de 2023 para a recadación executiva, así como a revisión de actos ditados dos seguintes tributos e demais ingresos de dereito público:
• Gastos e multas derivados de execucións forzosas dos artigos 99 e 100 da Lei 39/2015, do 1 de outubro, do procedemento administrativo común das administracións públicas.
• Imposto sobre construccións, instalacións e obras (ICIO).
• Sancións impostas.
• Taxa de auga e taxa de saneamento».
Todo isto nas condicións recollidas no acordo de delegación do Concello de Sandiás, e serán en todo caso de aplicación as seguintes condicións xerais:
a) O contido da delegación abranguerá o exercicio de todas as facultades necesarias para a realización da recadación na vía executiva, e ditaranse todos os actos administrativos necesarios para a xestión dos ditos procedementos, incluída a emisión da providencia de constrinximento e resolución de recursos administrativos contra os actos de recadación executiva.
b) Para o exercicio da competencia delegada, o concello debería remitir as oportunas certificacións de descuberto do tributo ou ingreso de dereito público a que se refire.
c) A taxa que deberá satisfacer o Concello de Sandiás pola prestación do servizo de recadación en período executivo será o 100 % da recarga de constrinximento que debe pagar o debedor tributario, conforme o establecido no artigo 6, letra b), da Ordenanza fiscal reguladora da taxa pola prestación dos servizos de xestión, inspección e recadación da Deputación Provincial de Ourense. A Deputación deducirá da transferencia do importe recadado a cantidade correspondente á taxa liquidada, sen prexuízo da notificación da dita liquidación na forma prevista no artigo 9 da ordenanza fiscal.
d) A presente delegación estará vixente a partir do día seguinte ao da súa publicación no Boletín Oficial da provincia durante o prazo de 4 anos, e prorrogarase por períodos de 4 anos se ningunha das partes mostra expresamente a súa vontade en contra, e comunicarallo á outra cunha antelación non inferior a 6 meses á data sinalada ou á de calquera dos períodos de prórroga.
Ourense, 9 de novembro de 2023
Luis Menor Pérez
Presidente da Deputación Provincial de Ourense