Unha vez obtido informe favorable á proposta de deslinde con predios particulares presentada pola Comunidade de Montes Veciñais en Man Común de Meira, concello de Moaña, e de acordo co disposto no artigo 54.1 da Lei 7/2012, do 28 de xuño, de montes de Galicia, sobre o procedemento de deslindamento de montes veciñais con propiedades particulares, acórdase sinalar para a exposición do plano e demais documentación do monte o lugar do Forte, s/n, Meira, 36955 Moaña, Pontevedra.
Ábrese un prazo dun mes, a partir do día seguinte ao desta publicación, para que os que se conceptúen con dereito á propiedade do monte ou de parte del e os lindeiros que desexen comparecer presenten alegacións e os títulos que acrediten a propiedade no seguinte enderezo: lugar do Forte, s/n, Meira, 36955 Moaña, Pontevedra.
O que se fai público para xeral coñecemento.
Pontevedra, 5 de decembro de 2023
Antonio Crespo Iglesias
Xefe territorial de Pontevedra