Cerceda, S.A., de conformidade co artigo 245 do Regulamento do dominio público hidráulico, solicita autorización para a vertedura por infiltración no terreo (bacía do río Anllóns) dun caudal máximo de 159,02 m3/ano de augas residuais industriais depuradas e dun caudal máximo de 219 m3/ano de augas residuais domésticas depuradas, todas elas procedentes da estación de servizo localizada no lugar do Corgo de Arriba-Soandres (termo municipal A Laracha).
As augas residuais industriais xeradas na zona de subministración de combustibles e na zona de descarga son recollidas mediante reixas e canalizadas para o seu tratamento cara un separador de hidrocarburos.
As augas residuais domésticas xeradas nas instalacións son recollidas e canalizadas cara unha estación depuradora de oxidación total.
Logo do seu tratamento, as augas residuais industriais e as augas residuais domésticas vértense conxuntamente por infiltración no terreo (bacía do río Anllóns) mediante un pozo filtrante, no punto de coordenadas UTM (ETRS89): X=543.213; Y=4.786.542.
O que se fai público para xeral coñecemento por un prazo de trinta (30) días, contados a partir do día seguinte ao data da publicación no Diario Oficial de Galicia do presente anuncio, co fin de que os interesados poidan presentar as súas reclamacións, durante o prazo sinalado, ante Augas de Galicia, en cuxo portal da internet (https://augasdegalicia.xunta.gal/) está exposto o proxecto para que poida ser examinado por quen o desexe.
Santiago de Compostela, 30 de outubro de 2023
Leticia Valladares López
Xefa da Área de Verteduras