En virtude do disposto nos artigos 42, 44 e 46 da Lei 39/2015, do 1 de outubro, do procedemento administrativo común das administracións públicas, intentada a notificación dos requirimentos de documentación no último domicilio das persoas interesadas sen que esta se puidese efectuar por causas non imputables á Administración, a través deste anuncio notificaranse os ditos requirimentos ditados nos procedementos competencia desta xefatura territorial ás persoas citadas nos anexos, e son emprazadas para que no prazo de dez (10) días hábiles contados desde o día seguinte á data da súa publicación no Boletín Oficial del Estado, comparezan persoalmente ou debidamente representadas na Xefatura Territorial da Coruña da Consellería de Política Social e Xuventude, no Servizo de Prestacións, Inclusión e Inmigración (rúa Gregorio Hernández, nº 2-4, A Coruña), das 9.00 ás 14.00 horas, para teren coñecemento íntegro do contido dos ditos requirimentos. Transcorrido o prazo, no caso de non facelo, teranse por efectuadas as notificacións ao vencemento do dito prazo indicado para comparecer.

Así mesmo, este anuncio publicarase no Diario Oficial de Galicia, ben que as notificacións quedarán supeditadas á súa publicación no Boletín Oficial del Estado.

Advírtese que por ser a documentación requirida imprescindible para continuar co procedemento, no caso de non presentala por causas imputables ás persoas interesadas no prazo que se indique no requirimento unha vez notificado tras a comparecencia, procederá a suspensión de conformidade co establecido no artigo 16.2 do Real decreto 357/1991, do 15 de marzo, polo que se desenvolve, en materia de pensións non contributivas, e o Real decreto lexislativo 8/2015, do 30 de outubro, polo que se aproba o texto refundido da Lei da Seguridade Social.

María Blanco Aller
Xefa territorial da Coruña

ANEXO I

Procedemento BS650A
Nº de expediente	Persoa interesada DNI/NIE	Acto administrativo	Data do acto administrativo
150054007	46917699E	Requirimento de documentación	27.9.2023
150001621	44817468J	Requirimento de documentación	27.9.2023

ANEXO II

Procedemento BS650G
Nº de expediente	Persoa interesada DNI/NIE	Acto administrativo	Data do acto administrativo
150036315	28575878B	Requirimento de documentación	25.9.2023
150026621	32775000T	Requirimento de documentación	25.9.2023