De conformidade co disposto nos artigos 44 e 46 da Lei 39/2015, do procedemento administrativo común das administracións públicas (en diante, LPAC), notifícaselles ao denunciados cuxos datos persoais se mencionan nos anexos, mediante a publicación no Boletín Oficial del Estado, os acordos de inicio dos procedementos administrativos sancionadores por presunta infracción da Lei 6/2017, do 12 de decembro, de portos de Galicia, en relación co Regulamento de servizo e policía dos portos, aprobado pola Orde ministerial do 12 de xuño de 1976, por non ser posible a notificación no domicilio.

Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no Boletín Oficial del Estado.

O órgano competente para a resolución do expediente é o director do ente público, de acordo coa tipificación e coa contía da sanción, e en virtude do disposto no artigo 144.1.a) da Lei 6/2017, de portos de Galicia.

De acordo co artigo 64.2.f) da LPAC, dispoñen dun prazo de quince (15) días, contado desde o día seguinte ao da publicación deste acordo, para formularen alegacións e, de ser o caso, propoñeren proba ante o instrutor, concretando os medios de que se pretendan valer e citando o número de expediente.

Así mesmo, e con anterioridade ao trámite de audiencia, poderanse formular alegacións e achegar os documentos que se consideren convenientes.

De non efectuarse alegacións no prazo antes mencionado, estes acordos, por aplicación do establecido no artigo 62.2.f) da LPAC, serán considerados propostas de resolución.

Se recoñecen voluntariamente a súa responsabilidade, resolverase o procedemento coa imposición da sanción que proceda.

Poderase pagar voluntariamente a multa cunha redución do 30 por cento sobre o importe da sanción proposta, mediante o ingreso en calquera oficina das entidades de depósito colaboradoras (Banco Sabadell, BBVA e Abanca), utilizando o modelo de impreso que se facilitará nos servizos centrais de Portos de Galicia e presentándoo en calquera entidade bancaria; o pagamento reducido comporta a renuncia a formular alegacións, a terminación do procedemento sen necesidade de ditar resolución e a imposibilidade de interposición de recurso en vía administrativa.

Por outra parte, dispoñen dun prazo máximo de dez (10) días, contado desde a publicación deste acordo para identificar, no caso de que non fosen vostedes, os/as condutores/as dos vehículos na data e na hora da denuncia, indicando o seu nome, apelidos e documento nacional de identidade, así como o domicilio para os efectos de notificacións. Responderán vostedes persoalmente cando non sexa posible a dita notificación por algunha causa que lles sexa imputable e igualmente cando se oculte información ou a facilitada sexa falsa ou deliberadamente incorrecta.

Santiago de Compostela, 22 de novembro de 2023

Roi Fernández Añón
Director xeral de Portos de Galicia

ANEXO

Expediente Matrícula Denunciante	DNI denunciado	Feito denunciado Data-hora-porto	Precepto infrinxido	Precepto sancionador	Sanción proposta
Sanc. 12-21-23-14 0963-HXM Gardapeiraos	32586607T	Estacionamento prohibido. 7.7.2023; 12.05 horas; Laxe (A Coruña)	Artigo 131.t) da Lei 6/2017, de portos de Galicia (LPG)	Artigo 137 da LPG	90 €
Sanc. 12-31-23-29 4021-KGX Garda Civil	14688235K	Estacionamento prohibido. 26.7.2023; 14.45 horas; Muxía (A Coruña)	Artigo 131.t) da Lei 6/2017, de portos de Galicia (LPG)	Artigo 137 da LPG	90 €
Sanc. 12-48-23-209 3285-JXR Gardapeiraos	53482293W	Estacionamento prohibido. 20.7.2023; 21.26 horas; Ribeira (A Coruña)	Artigo 131.t) da Lei 6/2017, de portos de Galicia (LPG)	Artigo 137 da LPG	90 €
Sanc. 13-02-23-43 3679-MFK Gardapeiraos	35488558H	Estacionamento prohibido. 5.7.2023; 12.09 horas; O Carril (Pontevedra)	Artigo 131.t) da Lei 6/2017, de portos de Galicia (LPG)	Artigo 137 da LPG	90 €
Sanc. 13-22-23-03 7ªBA-5-1048-91 Gardapeiraos	B15825003	Amarre sen autorización. 7.8.2023; 14.00 horas; Meira-Moaña (Pontevedra)	Artigo 131.t) da Lei 6/2017, de portos de Galicia (LPG)	Artigo 137 da LPG	90 €
Sanc. 13-26-23-14 7460-HXC Gardapeiraos	35986227J	Estacionamento prohibido. 22.8.2023; 14.40 horas; Canido-Vigo (Pontevedra)	Artigo 131.t) da Lei 6/2017, de portos de Galicia (LPG)	Artigo 137 da LPG	90 €
Sanc. 13-38-23-21 3748-LNN Garda Civil	76907843Y	Estacionamento prohibido. 5.8.2023; 19.25 horas; Cobres (Pontevedra)	Artigo 131.t) da Lei 6/2017, de portos de Galicia (LPG)	Artigo 137 da LPG	90 €
Sanc. 14-03-23-03 Garda Civil	33336016T	Acampada sen autorización. 15.7.2023; 11.50 horas; Foz (Lugo)	Artigo 131.p) e u) da Lei 6/2017, de portos de Galicia (LPG)	Artigo 137 da LPG	150 €