Visto o expediente instruído para os efectos de transmisión da batea V.J.G. III e da concesión administrativa que a ampara, resulta:
a) Antecedentes:
Primeiro. O día 28 de agosto de 2023, José Teira Ramallo solicitou autorización para a transmisión mortis causa, da concesión administrativa da batea V.J.G. III.
Segundo. As persoas interesadas achegaron a documentación requirida para a súa tramitación.
b) Consideracións legais e técnicas:
Primeira. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia (DOG núm. 243, do 16 de decembro), modificada pola Lei 6/2009, do 11 de decembro (DOG núm. 243, do 15 de decembro); e coa Orde do 21 de febreiro de 2022 sobre delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia (DOG núm. 41, do 1 de marzo).
Segunda. O expediente seguiu todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG núm. 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia (DOG núm. 126, do 2 de xullo).
Vistas as disposicións citadas, o artigo 88 da Lei 39/2015, do 1 de outubro, do procedemento administrativo común das administracións públicas, e demais normas de xeral e pertinente aplicación, esta consellería resolve:
Autorizar a transmisión mortis causa, a favor de Miguel Ángel Teira Patiño (***3439**), da concesión administrativa e do establecemento que se indica a seguir:
Tipo: batea.
Nome: V.J.G. III.
Situación:
Cuadrícula nº: 18.
Polígono: C.
Distrito: Ribeira (A Coruña).
Especie autorizada: mexillón (Mytilus galloprovincialis).
Título habilitante: concesión de actividade.
Orde de outorgamento: 4.6.1980.
Remate da vixencia: 15.12.2029.
Actuais titulares: María Esther Patiño Rodriguez (***4562**) (50 % ganancial) e José Teira Ramallo (***5086**) (50 % ganancial).
Novos titulares: José Teira Ramallo (***5086**) (50 % de propiedade e 50 % de usufruto) e Miguel Ángel Teira Patiño (***3439**) (50 % de núa propiedade).
Esta autorización outórgase baixo as seguintes condicións particulares:
1. A transmisión do 50 % da concesión e da batea V.J.G. III a favor de José Teira Ramallo autorízase na súa condición de usufrutuario vitalicio do viveiro; réxese o dito dereito de usufruto polo establecido na Lei 2/2006, do 14 de xuño, de dereito civil de Galicia.
2. Non se autorizarán, por esta consellería do Mar, transmisións inter vivos do 50 % da concesión e da batea V.J.G. III realizadas por José Teira Ramallo na súa condición de usufrutuario vitalicio, sen o consentimento da persoa propietaria sen usufruto.
3. A transmisión mortis causa do 50 % da concesión e da batea V.J.G. III do que é titular José Teira Ramallo na súa condición de usufrutuario, autorizarase por esta consellería do Mar, unicamente a favor da persoa propietaria sen usufruto.
4. A extinción do dereito de usufruto de José Teira Ramallo sobre o 50 % da concesión e da batea V.J.G. III implicará a transmisión da dita porcentaxe a favor da persoa propietaria sen usufruto.
Os novos titulares da concesión quedan subrogados nos dereitos e nas obrigas dos anteriores desde o momento da publicación desta resolución no Diario Oficial de Galicia.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante a persoa titular da Consellería do Mar, ou recurso contencioso-administrativo, ante a xurisdición contencioso-administrativa, no prazo de dous meses, contados en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e o artigo 46.1 da Lei 29/1998, do 13 de xullo, reguladora da xurisdición contencioso-administrativa (BOE núm. 167, do 14 de xullo).
A Coruña, 30 de outubro de 2023
O Conselleiro do Mar
P.D. (Orde do 21.2.2022)
María José Cancelo Baquero
Xefa territorial da Coruña