Visto o expediente para o outorgamento de autorización administrativa previa e de construción da instalación eléctrica que a seguir se cita:

Solicitante: Arqura Homes Fab (V88359286).

Domicilio social: rolda de Nelle, 69, 15010 A Coruña.

Denominación: proxecto de LMTS, CT 630 kVAS e RBTS sito nas rúas Maravillas, Fátima e rolda de Nelle.

Situación: rúas Maravillas, Fátima e rolda de Nelle (A Coruña).

Características técnicas:

Nova instalación de alta tensión composta por:

– Liña de alta tensión soterrada RHZ1-2OL 12/20 kV-Al, 2×(3×240) mm² con conexión en empalmes proxectados na liña de distribución existente GRN717 no tramo comprendido entre os CT 15CHTD e 15SBV2, realizando entrada e saída no centro de transformación proxectado, cunha lonxitude de 65 m.

– Centro de transformación en local de obra civil 2L+1P con celas prefabricadas: 2 celas de liña e 1 cela de protección con fusible (24 kV, 400 A,16 kA) e transformador de 630 kVA, refrixeración natural, aceite mineral e relación de transformación de 15-20 kV/420 V.

Cumpridos os trámites ordenados na Lei 24/2013, do 26 de decembro (BOE núm. 310), do sector eléctrico, e no título VII, capítulo II do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, na Lei 5/2017, do 19 de outubro, de fomento da implantación de iniciativas empresariais, e de acordo coa Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54), esta xefatura territorial

RESOLVE:

Conceder a autorización administrativa previa e a autorización administrativa de construción da devandita instalación, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación.

O prazo de vixencia da autorización é dun ano, contado a partir do día seguinte ao da publicación desta resolución no Diario Oficial de Galicia.

Esta autorización entenderase outorgada, salvo o dereito de propiedade e sen prexuízo do de terceiro, e non poderá ser invocada para excluír ou diminuír a responsabilidade civil ou penal en que puidera incorrer o beneficiario no exercicio da actividade ou na explotación da instalación autorizada.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

Contra este acordo, que non é definitivo en vía administrativa, cabe interpor recurso de alzada ante a conselleira de Economía, Industria e Innovación, no prazo dun mes, contado a partir do día seguinte ao da súa notificación ou publicación nos termos establecidos nos artigos 112, 115, 121 e 122 da Lei 39/2015, do 1 de outubro, do procedemento administrativo común das administracións públicas; sen prexuízo de que os interesados poidan interpor calquera outro recurso que se considere pertinente.

A Coruña, 20 de outubro de 2023

Isidoro Martínez Arca
Xefe territorial da Coruña