Na sesión que tivo lugar o día 9.10.2023 o Xurado Provincial de Clasificación de Montes Veciñais en Man Común de Lugo, por unanimidade, acordou aprobar os seguintes deslindamentos entre montes veciñais e proceder ás oportunas modificacións nos expedientes correspondentes:
– MVMC Barrosa (exp. 138/78), pertencente aos veciños de Barrosa, da parroquia de Penarrubia, e MVMC Quintá e Queirogal (exp. 79/83), pertencente aos veciños dos lugares de Quintá e Queirogal, da parroquia de Pousada. Ambos os montes están no concello de Baralla.
Con datas de entrada 27.9.2022 e 25.11.2022 presentáronse solicitudes relativas ao acordo de deslindamento levado a cabo entre as citadas comunidades, en canto á liña que separa os seus montes veciñais. Achegan acta de deslindamento, planos topográficos, acta de conciliación e certificacións de aprobación por parte das comunidades implicadas.
O 12.7.2023 o Servizo de Montes emitiu un informe (2022_154) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
• MVMC Barrosa: 27,15 hectáreas.
• MVMC Quintá e Queirogal: 88,57 hectáreas.
Tras examinar a documentación presentada, o Xurado, por unanimidade, acorda aprobar o deslindamento efectuado e realizar as oportunas modificacións nos respectivos expedientes.
Este deslindamento correspóndese co plano do anexo I, ao final deste anuncio.
– MVMC Ventosa (exp. 89/77), pertencente aos veciños do lugar de Ventosa, parroquia de Moia, e MVMC Larxentes (exp. 85/77), pertencente aos veciños do lugar de Larxentes, parroquia de Muñís. Ambos os montes están no concello de Navia de Suarna.
O 27.9.2022 foi presentada unha solicitude (mellorada os días 21.10.2022 e 17.11.2022) relativa ao acordo de deslindamento levado a cabo por avinza entre as citadas comunidades en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación e certificacións de aprobación por parte das comunidades implicadas.
O 12.9.2023 o Servizo de Montes emitiu un informe (2022_156) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
• MVMC Ventosa: 558,5 hectáreas.
• MVMC Larxentes: 228 hectáreas.
Tras examinar a documentación presentada, o Xurado, por unanimidade, acorda aprobar o deslindamento efectuado e realizar as oportunas modificacións nos respectivos expedientes.
Este deslindamento correspóndese co plano do anexo II, ao final deste anuncio.
– MVMC Barrazoso e Fontefría (exp. 7/77), pertencente aos veciños da parroquia de Gaibor, no concello de Begonte, e MVMC Pígara (exp. 65/75), pertencente aos veciños da parroquia de Pígara, no concello de Guitiriz.
O 28.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación e certificacións de aprobación por parte das comunidades implicadas.
O 18.9.2023 o Servizo de Montes emitiu un informe (2022_166) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
• MVMC Barrazoso e Fontefría: 522 hectáreas.
• MVMC Pígara: 620 hectáreas.
Tras examinar a documentación presentada, o Xurado, por unanimidade, acorda aprobar o deslindamento efectuado e realizar as oportunas modificacións nos respectivos expedientes.
Este deslindamento correspóndese co plano do anexo III, ao final deste anuncio.
– MVMC Conchada (exp. 111/75), pertencente aos veciños da parroquia de Quiroga, e MVMC Vilar de Lor (exp. 28/73), pertencente aos veciños da parroquia de Vilar de Lor. Ambos os montes están no concello de Quiroga.
O 29.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades en canto á liña divisoria que separa os seus montes veciñais.
Achegan acta de deslindamento, planos topográficos, acta de conciliación ante o Xulgado de Paz de Quiroga e certificacións de aprobación por parte das comunidades implicadas.
O 13.6.2023 o Servizo de Montes emitiu un informe (2022_239) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
• MVMC Conchada: 304 hectáreas.
• MVMC Vilar de Lor: 1.261 hectáreas.
Tras examinar a documentación presentada, o Xurado, por unanimidade, acorda aprobar o deslindamento efectuado e realizar as oportunas modificacións nos respectivos expedientes.
Este deslindamento correspóndese co plano do anexo IV, ao final deste anuncio.
– MVMC Conchada (exp. 111/75), pertencente aos veciños da parroquia de Quiroga, e MVMC Val Primeiro (exp. 121/75), pertencente aos veciños da parroquia de Hermida. Ambos os montes están no concello de Quiroga.
O 29.9.2022 foi presentada unha solicitude relativa ao acordo de deslindamento levado a cabo por avinza entre as citadas comunidades en canto á liña divisoria que separa os seus montes veciñais. Achegan acta de deslindamento, planos topográficos, acta de conciliación ante o Xulgado de Paz de Quiroga e certificacións de aprobación por parte das comunidades implicadas.
O 13.9.2023 o Servizo de Montes emitiu un informe (2022_240) en que se recollen as modificacións que se producen como consecuencia do deslindamento acordado e se especifican as seguintes superficies resultantes:
• MVMC Conchada: 314 hectáreas.
• MVMC Val Primeiro: 394 hectáreas.
Tras examinar a documentación presentada, o Xurado, por unanimidade, acorda aprobar o deslindamento efectuado e realizar as oportunas modificacións nos respectivos expedientes.
Este deslindamento correspóndese co plano do anexo V, ao final deste anuncio.
Contra estes acordos poderá interporse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, contado desde o día seguinte ao da súa publicación no Diario Oficial de Galicia, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46 da Lei 29/1998, do 13 de xullo, da xurisdición contencioso-administrativa.
Lugo, 3 de novembro de 2023
María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo
ANEXO I
Deslindamento por acordo entre a CMVMC Barrosa e a CMVMC Quintá e Queirogal
ANEXO II
Deslindamento por acordo entre a CMVMC Ventosa e a CMVMC Larxentes
ANEXO III
Deslindamento por acordo entre a CMVMC Gaibor e a CMVMC Pígara
ANEXO IV
Deslindamento por acordo entre a CMVMC Conchada e a CMVMC Vilar de Lor
ANEXO V
Deslindamento por acordo entre a CMVMC Conchada e a CMVMC Hermida
