Cumpridos os trámites previstos na Lei 6/2017, do 12 de decembro, de portos de Galicia, acordouse, en virtude do indicado no seu artigo 70.13, dar publicidade ás resolucións, que poñen fin á vía administrativa, dos outorgamentos das seguintes concesións en dominio público portuario, con suxeición ás condicións estipuladas nos pregos de condicións correspondentes:
– Data da resolución: 1.9.2023.
Tipo de trámite: modificación substancial de concesión no dominio público portuario.
Código da concesión: 13-04-22-C-1.
Obxecto da concesión: ocupación do dominio público portuario en superficie e das instalacións báscula (mm-87) e edificio 13.04.edf.003 (caseta aseos) titularidade de Portos de Galicia, e do guindastre e nave desmontable non titularidade de Portos de Galicia, para o desenvolvemento das actividades de carga/descarga de mexillón, pesada de camións, garaxe de medios mecánicos, taller de reparacións menores e almacenamento en superficie de elementos (palés/caixas) de transporte de mexillón.
Porto: A Illa de Arousa (O Xufre).
Concesionaria: Viñas Dios, S.L.
Superficie concedida no título concesional: 723 m2.
Investimento: 0 €.
Prazo da concesión: dez (10) anos.
Taxas que se devindicarán a Portos de Galicia: 3.336,57 € anuais (IVE excluído) en concepto de taxas de ocupación do dominio público portuario e en concepto de taxas por desenvolvemento de actividades comerciais ou industriais e de servizos, unha porcentaxe do importe neto da cifra de negocio anual que corresponderá ao 1 % das actividades portuarias de talleres de reparación de embarcacións e depósito de embarcacións, e do 1,5 % das actividades portuarias de naves de almacenaxe.
– Data da resolución: 9.10.2023.
Tipo de trámite: outorgamento de concesión no dominio público portuario.
Código da concesión: 12-32-21-C-1.
Obxecto da concesión: ocupación do dominio público portuario en superficie e parcialmente do edificio 12.32.edf.004 (nova lonxa e 10 departamentos) titularidade de Portos de Galicia, para o desenvolvemento da actividade de escola de mergullo deportivo e técnico, venda de material de mergullo, mantemento de equipamentos de mergullo e alugamento de embarcacións.
Porto: Fisterra.
Concesionaria: Carrillo e Lago, S.L.
Superficie concedida no título concesional: 72 m2.
Investimento: 4.235 € (sen IVE).
Prazo da concesión: dez (10) anos.
Taxas que se devindicarán a Portos de Galicia: 3.327,25 € anuais (IVE excluído) en concepto de taxas de ocupación do dominio público portuario e en concepto de taxas por desenvolvemento de actividades comerciais ou industriais e de servizos, unha porcentaxe do importe neto da cifra de negocio anual que corresponderá ao 1 % das actividades portuarias de ensinanzas náuticas, do 1,5 % das actividades portuarias de efectos navais e do 1,5 % das actividades portuarias de alugamento de embarcacións.
– Data da resolución: 10.10.2023.
Tipo de trámite: transmisión de titularidade (mortis causa) de concesión no dominio público portuario.
Código da concesión: 13-07-61-C-2.
Obxecto da concesión: construción dun hotel de turismo.
Porto: Cambados.
Concesionaria: María del Carmen Reboredo Santos.
Superficie concedida no título concesional: 978 m2.
Investimento: 0 € (sen IVE).
Prazo da concesión: ata o 15.12.2027.
Taxas que se devindicarán a Portos de Galicia: 4.378,02 € anuais (IVE excluído) en concepto de taxas de ocupación do dominio público portuario e en concepto de taxas por desenvolvemento de actividades comerciais ou industriais e de servizos, unha porcentaxe do importe neto da cifra de negocio anual que corresponderá ao 2 % do volume de negocio realizado no ámbito da concesión.
– Data da resolución: 20.10.2023.
Tipo de trámite: modificación substancial de concesión no dominio público portuario.
Código da concesión: 12-52-88-C-1.
Obxecto da concesión: construción dunha nave para o servizo de mexilloeiras no porto de Cabo de Cruz (Boiro).
Porto: Cabo de Cruz.
Concesionaria: Asmecruz, Sociedad Cooperativa Galega.
Superficie concedida no título concesional: 304,80 m2.
Investimento: 8.598,78 € (sen IVE).
Prazo da concesión: ata o día 28.4.2028.
Taxas que se devindicarán a Portos de Galicia: 835,70 € anuais (IVE excluído) en concepto de taxas de ocupación do dominio público portuario e en concepto de taxas por desenvolvemento de actividades comerciais ou industriais e de servizos, unha porcentaxe do importe neto da cifra de negocio anual que corresponderá ao 1,5 % das actividades portuarias de oficinas.
Contra os citados actos administrativos, que esgotan a vía administrativa, cabe interpor recurso contencioso-administrativo, ante o Xulgado do Contencioso-Administrativo de Santiago de Compostela, no prazo de dous (2) meses contados a partir do día seguinte ao da publicación da resolución en que se faga público o outorgamento.
Non obstante, os interesados poderán interpor contra esta resolución recurso potestativo de reposición, no prazo dun (1) mes contado a partir do día seguinte ao desta publicación, ante o mesmo órgano que a ditou, de acordo co disposto no artigo 123 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 26 de outubro de 2023
José Antonio Álvarez Vidal
Presidente de Portos de Galicia