Unha vez convocada a provisión, polo sistema de libre designación, dun posto de traballo vacante no Fondo Galego de Garantía Agraria (Fogga), mediante a Orde do 9 de xuño de 2023 (DOG núm. 116, do 20 de xuño), de acordo co artigo 17 da Lei 2/2015, do 29 de abril, do emprego público de Galicia, esta consellería

DISPÓN:

Único. Declarar deserto o posto de traballo que se indica no anexo I desta orde.

Contra esta orde, que esgota a vía administrativa, as persoas interesadas poderán interpor recurso potestativo de reposición ante o conselleiro do Medio Rural, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 39/2015, do 1 de outubro, do procedemento administrativo común das administracións públicas, ou poderán impugnala directamente, ante o xulgado do contencioso-administrativo competente, no prazo de dous meses contados desde a mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 20 de outubro de 2023

José González Vázquez
Conselleiro do Medio Rural

ANEXO I

Denominación do posto: secretario/a.

Código: MR.O12.00.000.15770.020.

Nivel: 30.

Centro destino: Secretaría do Fogga.

Localidade: Santiago de Compostela.

Grupo: A1.

Corpo/escala: xeral/especial.

Adscrición administracións públicas: AXG (adscrición exclusiva a funcionarios da Xunta de Galicia).