O Pleno do concello, na sesión ordinaria do 5 de outubro de 2023, adoptou, entre outros, o seguinte acordo:
Primeiro. Aprobar o informe municipal do 4.8.2023, de análise dos informes sectoriais emitidos ao documento e de contestación ás alegacións formuladas durante o período de información pública do expediente.
Segundo. Aceptar o ámbito delimitado para o estudo de detalle e aprobar definitivamente o documento do estudo de detalle da esquina avda. Alcalde Pérez Ardá, rúa Montevideo, de setembro de 2023 e presentado o 18.9.2023, promovido pola comercial Residencial Montevideo 2022, S.L. e asinado polos arquitectos Álvaro Fernández Carballada, Beatriz Aneiros Filgueira, Hugo Romero Novas e Álvaro Romero Gil Delgado.
Terceiro. Ordenar a realización dos trámites administrativos recollidos no artigo 82 e 88 da Lei 2/2016, do 10 de febreiro, do solo de Galicia, e concordantes do regulamento de desenvolvemento desta, para procurar a eficacia do acto de aprobación definitiva e a entrada en vigor do estudo de detalle aprobado.
Cuarto. Requirirlle ao promotor do estudo de detalle a presentación do proxecto de obras ordinarias de urbanización necesario para a realización das obras de reacondicionamento do espazo público destinado a vías locais, xunto co proxecto das obras da edificación suxeito á licenza.
Quinto. Notificarlle este acordo ao promotor e ás áreas e servizos municipais interesadas na tramitación do expediente.
O contido íntegro do estudo de detalle aprobado pódese consultar fisicamente nas dependencias da Área Municipal de Urbanismo; e de forma dixital, na sede electrónica deste concello, na páxina web https://coruna.gal/urbanismo, na epígrafe planeamento/planeamento vixente; ou ben, desde a mesma web, a través do visor de desenvolvemento do planeamento.
Contra este acordo, con carácter de disposición administrativa de carácter xeral, pódese interpoñer directamente recurso contencioso-administrativo ante a sala correspondente do Tribunal Superior de Xustiza de Galicia (artigo 84.1 da Lei do solo de Galicia e artigo 201.1 do seu regulamento), no prazo máximo de dous meses que se contarán a partir do día seguinte ao da publicación deste anuncio, de conformidade co disposto no artigo 46 da Lei 29/1998, do 13 de xullo, da xurisdición contencioso-administrativa, sen prexuízo de interpoñer calquera outro recurso que se entenda máis procedente e sexa conforme dereito.
A Coruña, 23 de outubro de 2023
A alcaldesa
P.D. (Decreto 4538/2023, do 21 de xuño; BOP núm. 121, do 27 de xuño)
José Manuel Lage Tuñas
Concelleiro delegado responsable da Área Económica
e Planificación Urbana