Anúnciase, de conformidade co disposto no artigo 82.2 da Lei 2/2016, do solo de Galicia, e no artigo 199.2 do Decreto da Xunta de Galicia 143/2016, que o Concello Pleno en sesión ordinaria, do día 1 de setembro de 2023, adoptou, entre outros, o seguinte acordo, cuxa parte dispositiva di:

«O Concello Pleno en sesión ordinaria, do 1 de setembro de 2023 adoptou, entre outros, o seguinte acordo:

3.1. Aprobación definitiva da modificación puntual da unidade de execución nº 10 do PERI (expediente 2023023645).

O secretario dá conta do ditame da Comisión de Pleno común do 25 de agosto de 2023 que, por catro votos a favor do Grupo Municipal de Democracia Ourensana e cinco abstencións do Grupo Municipal do Partido Popular, do Grupo Municipal Socialista e do Grupo Municipal do BNG, ditamina favorablemente a proposta do concelleiro delegado de Urbanismo que se incorpora ao expediente.

O Pleno do Concello, por unanimidade dos presentes, adoptou o seguinte Acordo:

1. Aprobar definitivamente a modificación puntual do PERI do Núcleo Histórico de Ourense no ámbito da unidade de execución nº 10 por instancia de Inversiones Inmobiliarias Canvives, S.A.U., con NIF A-85527604, representada por Vitoria Calvo Carballo, con NIF 02901723-C, e conforme a documentación do expediente do Servizo de Planeamento núm. 2020023645.

2. Notifica este acordo aos interesados para o seu coñecemento e paa os efectos oportunos.

3. Asumir como parte integrante deste acordo o informe da directora de VPP e PERI de cascos históricos (polo Decreto núm. 2023001024, do 2 de febreiro de 2023), do 17 de xullo de 2023, para os efectos de motivación».

Ourense, 20 de setembro de 2023

Gonzalo Pérez Jácome
Alcalde presidente