De conformidade cos artigos 44 e 46.1 da Lei 39/2015, do 1 de outubro, do procedemento administrativo común das administracións públicas, intentouse sen efecto a notificación do acto que se indica por causas non imputables á Administración.

Ao non ser posible a práctica da comunicación a que se refire o número 2 do artigo 22 da Lei 3/2007, do 9 de abril, de prevención e defensa contra os incendios forestais de Galicia, aos titulares das parcelas que se relacionan a seguir, por causas non imputables a esta administración, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, faise pública a comunicación de xestión da biomasa.

Acto que se notifica	Ref. catastral polígono/parcela	Localización	Interesado Persoa responsable
Orde de execución (expediente 858-2023) Resolución inicio O.E. do 18.9.2023	36043A007000380000JZ (polígono 7-parcela 38)	Caritel Ponte Caldelas	Rui Alberto Pedroso Lopo
Orde de execución (expediente 1556-2023) Resolución inicio O.E. do 19.9.2023	36043A015000460000JE (polígono 15-parcela 46)	Tourón Ponte Caldelas	Elisa García Portela
Orde de execución (expediente 1557-2023) Resolución inicio O.E. do 19.9.2023	36043A015000470000JS (polígono 15-parcela 47)	Tourón Ponte Caldelas	José Otero
Orde de execución (expediente 1558-2023) Resolución inicio O.E. do 19.9.2023	36043A015000500000JS (polígono 15-parcela 47)	Tourón Ponte Caldelas	María del Carmen Boullosa
Orde de execución (expediente 1443-2023) Resolución inicio O.E. do 25.9.2023	36043A026004980000JS (polígono 26-parcela 498)	Cuñas Ponte Caldelas	En investigación

En virtude do que antecede, comunícaselle que nas referidas parcelas se incumpre o establecido no artigo 21 da Lei 3/2007. Polo tanto, dispón dun prazo máximo de 15 días naturais para o cumprimento voluntario para xestionar a biomasa na parcela citada, que se iniciará o día seguinte ao da recepción desta notificación.

Publícase este anuncio no Diario Oficial de Galicia (DOG) para que sirva de notificación á persoa interesada, para cuxo fin se lle comunica que tanto a notificación como o expediente se atopa á súa disposición no Concello de Ponte Caldelas (avenida de Galicia, 17, 36820 Ponte Caldelas, Pontevedra). Igualmente, poderá acceder a través da sede electrónica desta entidade.

O artigo 22.3 da Lei 3/2007, do 9 de abril, de prevención e defensa contra os incendios forestais de Galicia, establece que cando non se poida determinar a identidade da persoa responsable da xestión da biomasa vexetal e retirada de especies arbóreas prohibidas ou resultase infrutuosa a notificación da comunicación efectuarase mediante un anuncio no Boletín Oficial del Estado e no Diario Oficial de Galicia, dos datos catastrais da parcela.

O artigo 22.4 da Lei 3/2007, do 9 de abril, de prevención e defensa contra os incendios forestais de Galicia, posibilita este concello para a execución subsidiaria en caso de incumprimento dos traballos de xestión de biomasa e repercutirán os custos ás persoas responsables.

O artigo 22.6 da Lei 3/2007, do 9 de abril, de prevención e defensa contra os incendios forestais de Galicia, establece a obriga das persoas responsables de facilitar os necesarios accesos ás entidades responsables dos traballos de xestión da biomasa, que non requirirán de ningunha autorización para a execución subsidiaria da xestión da biomasa nas redes de faixas de xestión.

Ponte Caldelas, 25 de setembro de 2023

Andrés Díaz Sobral
Alcalde presidente